ಹಿಸ್ಸಾರ್: ಆಟವಾಡುತ್ತಿದ್ದ ವೇಳೆ 70 ಅಡಿ ಆಳದ ಬೋರ್ವೆಲ್ನಲ್ಲಿ ಬಿದ್ದಿದ್ದ 18 ತಿಂಗಳ ಮಗುವಿನ ರಕ್ಷಣೆ ಮಾಡುವಲ್ಲಿ ಎನ್ಡಿಆರ್ಎಫ್ ಪಡೆ ಯಶಸ್ವಿಯಾಗಿದ್ದು, ಇದೀಗ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.
ನಿನ್ನೆ ಸಂಜೆ 5.15ರ ವೇಳೆ ಈ ಘಟನೆ ನಡೆದಿತ್ತು. ಹರಿಯಾಣದ ಹಿಸ್ಸಾರ್ನಲ್ಲಿರುವ ಬಾಲ್ಸಮದ್ ಗ್ರಾಮದಲ್ಲಿ ಆಟವಾಡುತ್ತಿದ್ದಾಗ ಮಗು ಕಾಲು ಜಾರಿ ತೆರೆದ ಬೋರ್ವೆಲ್ನೊಳಗೆ ಬಿದ್ದಿತ್ತು. ಇದಾದ ಬಳಿಕ ರಾತ್ರಿ 8.45ರ ನಂತರ ಸೇನೆ ಹಾಗೂ ಎನ್ಡಿಆರ್ಎಫ್ ರಕ್ಷಣಾ ಕಾರ್ಯಚರಣೆ ಆರಂಭ ಮಾಡಿತ್ತು. ಇದೀಗ ಸತತ 48 ಗಂಟೆಗಳ ರಕ್ಷಣಾ ಕಾರ್ಯ ನಡೆಸಿ ಮಗುವನ್ನ ಸುರಕ್ಷಿತವಾಗಿ ರಕ್ಷಣೆ ಮಾಡಲಾಗಿದೆ. ಹೆಚ್ಚಿನ ಚಿಕಿತ್ಸೆಗಾಗಿ ಸರ್ಕಾರಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ.
ಬೋರ್ವೆಲ್ನಲ್ಲಿ ಬಿದ್ದ ಮಗುವಿನ ಪ್ರತಿ ಕ್ಷಣದ ಮಾಹಿತಿ ಪಡೆದುಕೊಳ್ಳಲು ಸಿಸಿಟಿವಿ ಒಳಬಿಡಲಾಗಿತ್ತು. ಜತೆಗೆ ನಿನ್ನೆ ರಾತ್ರಿ ಮಗುವಿಗೆ ನಾಲ್ಕು ಪ್ಯಾಕೆಟ್ ಬಿಸ್ಕಟ್ ಹಾಗೂ ಜೂಸ್ ಸಹ ನೀಡಲಾಗಿತ್ತು ಎಂದು ಕಾರ್ಯಚರಣೆ ನಡೆಸಿರುವ ಸಿಬ್ಬಂದಿ ತಿಳಿಸಿದ್ದಾರೆ.
