ಮೀನಿನ ಬಲೆಗೆ ಬಿದ್ದ ಬೃಹತ್ ಗಾತ್ರದ​ ಹೆಬ್ಬಾವು.. ಬೆರಗಾದ ಮೀನುಗಾರರು!

ಮೀನುಗಾರರ ಬಲೆಗೆ ಬೃಹತ್​ ಹೆಬ್ಬಾವುವೊಂದು ಸಿಲುಕಿರುವ ಘಟನೆ ಆಂಧ್ರಪ್ರದೇಶದ ಕೃಷ್ಣಾ ಜಿಲ್ಲೆಯಲ್ಲಿ ನಡೆದಿದೆ.

ಕೃಷ್ಣಾ(ಆಂಧ್ರ ಪ್ರದೇಶ): ದೊಡ್ಡದಾದ ಮೀನು ಬಲೆಗೆ ಬಿದ್ದಿದೆ ಎಂದುಕೊಂಡಿದ್ದ ಮೀನುಗಾರರಿಗೆ ಹೆಬ್ಬಾವೊಂದು ಶಾಕ್​ ನೀಡಿರುವ ಘಟನೆ ದೇವರಪಲ್ಲಿಯ ನದಿಯಲ್ಲಿ ಕಂಡುಬಂದಿದೆ.

ತೋಟ್ಲವಲ್ಲೂರು ತಾಲೂಕಿನ ದೇವರಪಲ್ಲಿ ಮೀನುಗಾರರು ಮೀನು ಹಿಡಿಯಲು ನದಿಗೆ ತೆರಳಿದ್ದರು. ಮೀನಿನ ಬಲೆ ಎಳೆದಾಗ ದೊಡ್ಡ ಮೀನು ಬಲೆಗೆ ಬಿದ್ದಿರಬಹುದೆಂದು ತಿಳಿದಿದ್ದರು. ಆದ್ರೆ ಬಲೆಯಲ್ಲಿ ಹೆಬ್ಬಾವೊಂದು ಸಿಲುಕಿರುವುದು ಬೆಳಕಿಗೆ ಬಂದಿದೆ.

ಈ ಹೆಬ್ಬಾವು ಸುಮಾರು 15 ಅಡಿಗೂ ಹೆಚ್ಚು ಉದ್ದವಿದೆ. ಬಲೆಯಲ್ಲಿ ಬಿದ್ದ ಹೆಬ್ಬಾವನ್ನು ನದಿ ದಡಕ್ಕೆ ತಂದು ಮೀನುಗಾರರು ಅರಣ್ಯ ಅಧಿಕಾರಿಗಳಿಗೆ ಫೋನ್​ ಮಾಡಿದ್ದಾರೆ. ಬಳಿಕ ಅಧಿಕಾರಿಗಳು ಬಲೆಯಿಂದ ಹೆಬ್ಬಾವನ್ನು ಬಿಡಿಸಿ ಕಾಡಿಗೆ ಬಿಟ್ಟಿದ್ದಾರೆ.