ಹಿಸಾರ್ (ಹರಿಯಾಣ): ಪೊಲೀಸರು ನಿಮ್ಮನ್ನು ಬಂಧಿಸಲು ಬಂದರೆ ನೀವೇ ಪೊಲೀಸರನ್ನು ಬಂಧಿಸಿ ಎಂದು ಹರಿಯಾಣದ ಭಾರತೀಯ ಕಿಸಾನ್ ಯೂನಿಯನ್ ನಾಯಕ ಗುರ್ನಮ್ ಸಿಂಗ್ ಚಾದುನಿ ವಿವಾದಾತ್ಮಕ ಹೇಳಿಕೆ ನೀಡಿದ್ದಾರೆ.
ಹಿಸಾರ್ ಜಿಲ್ಲೆಯಲ್ಲಿ ನಡೆಯುತ್ತಿರುವ ಕಿಸಾನ್ ಪಂಚಾಯತ್ ಉದ್ದೇಶಿಸಿ ಮಾತನಾಡುತ್ತ, ನಾವು ಟ್ರ್ಯಾಕ್ಟರ್ ಱಲಿ ಮಾಡಲು ದೆಹಲಿಗೆ ಹೊರಟಾಗ ಸಾವಿರಾರು ರೈತರಿಗೆ ನೋಟಿಸ್ ನೀಡಿದ್ದಾರೆ. ಯಾರಾದರು ದೆಹಲಿಗೆ ಹೋದರೆ ಅವರನ್ನು ದೆಹಲಿಯಲ್ಲಿಯೇ ತಡೆಯಲಾಗುತ್ತಿದೆ. ದೆಹಲಿ ಪೊಲೀಸರಿಂದ ನೋಟಿಸ್ ಬಂದಿದ್ದರೆ ಆ ರೈತರು ದೆಹಲಿಗೆ ಹೋಗಬೇಡಿ ಎಂದರು.
ಕಿಸಾನ್ ಪಂಚಾಯತ್ನಲ್ಲಿ ರೈತ ಮುಖಂಡನ ಭಾಷಣ
ನಾವು ದೆಹಲಿ ಪೊಲೀಸರ ಬಳಿ ಹೋಗಬೇಕಾಗಿಯೇ ಇಲ್ಲ ಅವರೆ ನಮ್ಮನ್ನು ಬಂಧಿಸಿ ಕರೆದೊಯ್ಯುತ್ತಾರೆ ಎಂಬ ದೂರುಗಳು ಕೇಳಿ ಬಂದಿದೆ. ದೆಹಲಿ ಪೊಲೀಸರು ನಿಮ್ಮನ್ನು ಬಂಧಿಸಲು ಬಂದರೆ ದೆಹಲಿ ಪೊಲೀಸರನ್ನೇ ಬಂಧಿಸಬೇಕು ಅವರನ್ನು ಹಳ್ಳಿಯಿಂದ ಹಿಂತಿರುಗಲು ಬಿಡಬೇಡಿ ಎಂದಿದ್ದಾರೆ.
ಇದನ್ನೂ ಓದಿ: ಬಿಹಾರದಲ್ಲಿ ಅಪಹರಣವಾದ ಅಪ್ರಾಪ್ತೆ 3ವರ್ಷದ ಬಳಿಕ ರಾಜಸ್ಥಾನದಲ್ಲಿ ಪತ್ತೆ
