ಮೇ 1ರಿಂದ 18 ವರ್ಷ ಮೇಲ್ಪಟ್ಟವರಿಗೆ ಲಸಿಕೆ: ಒಂದೇ ದಿನ 1.33 ಕೋಟಿ ಮಂದಿ ನೋಂದಣಿ

ಬುಧವಾರ ಒಂದೇ ದಿನದಲ್ಲಿ ಸುಮಾರು 1.33 ಕೋಟಿ ಜನರು ಮೇ 1ರಿಂದ ಆರಂಭವಾಗಲಿರುವ ವ್ಯಾಕ್ಸಿನೇಷನ್​ಗೆ ತಮ್ಮ ಹೆಸರು ನೋಂದಾಯಿಸಿಕೊಂಡಿದ್ದಾರೆ.

ನವದೆಹಲಿ: 18 ವರ್ಷ ಮೇಲ್ಪಟ್ಟ ಎಲ್ಲಾ ವಯಸ್ಕರಿಗೆ ಮೇ 1ರಿಂದ ಕೊರೊನಾ ಲಸಿಕೆ ನೀಡಲು ಸರ್ಕಾರ ಮುಂದಾಗಿದೆ. ಹೀಗಾಗಿ, ನಿನ್ನೆಯಿಂದ ವ್ಯಾಕ್ಸಿನೇಷನ್​ಗೆ ನೋಂದಣಿ ಪ್ರಕ್ರಿಯೆ ಆರಂಭವಾಗಿದೆ. ಬುಧವಾರ ಒಂದೇ ದಿನದಲ್ಲಿ ಸುಮಾರು 1.33 ಕೋಟಿ ಜನರು ತಮ್ಮ ಹೆಸರು ನೋಂದಾಯಿಸಿಕೊಂಡಿದ್ದಾರೆ.

ಸರ್ವರ್‌ ಬ್ಯುಸಿ

ನೋಂದಣಿ ವೇಳೆ ಕೆಲ ಸಮಸ್ಯೆಗಳು ಎದುರಾಗಿವೆ. ನೀವು ವ್ಯಾಕ್ಸಿನ್​ ಪಡೆಯಬೇಕಿರುವ ಲಸಿಕಾ ಕೇಂದ್ರ ಹಾಗೂ ಸಮಯದ ವೇಳಾಪಟ್ಟಿ ಶೀಘ್ರವೇ ತೋರಿಸದಿದ್ದರೆ ದಯವಿಟ್ಟು ಸ್ವಲ್ಪ ಸಮಯದ ನಂತರ ಮತ್ತೆ ಪರಿಶೀಲಿಸಿ. ಏಕಕಾಲದಲ್ಲಿ ಅನೇಕರು ನೋಂದಣಿ ಮಾಡಿಕೊಳ್ಳಲು ಲಾಗಿನ್​ ಆಗಿರುವುದರಿಂದ 'ಸರ್ವರ್​ ಬ್ಯುಸಿ' ಎಂದು ಬರುತ್ತದೆ, ತಾಳ್ಮೆಯಿಂದ ಖಾದು ಮತ್ತೆ ಪ್ರಯತ್ನಿಸಿ ಎಂದು ಸರ್ಕಾರಿ ಮೂಲಗಳು ಹೇಳಿವೆ.

ಈವರೆಗೆ 14 ಕೋಟಿ ಜನರಿಗೆ ಲಸಿಕೆ ವಿತರಣೆ