ಬಿಜೆಪಿಗೆ ಸೇರಿದ ಬಳಿಕ ಮುಲಾಯಂ ಭೇಟಿಯಾದ ಸೊಸೆ ಅಪರ್ಣಾ ಯಾದವ್

ಬಿಜೆಪಿ ಸೇರ್ಪಡೆಗೊಂಡು, ದೆಹಲಿಯಿಂದ ಲಖನೌಗೆ ಮರಳಿದ ನಂತರ ಅಪರ್ಣಾ ಯಾದವ್ ಅವರು ಮುಲಾಯಂ ಸಿಂಗ್ ಯಾದವ್ ಅವರ ನಿವಾಸಕ್ಕೆ ತೆರಳಿ ಅವರ ಪಾದಗಳನ್ನು ಸ್ಪರ್ಶಿಸಿ ಆಶೀರ್ವಾದ ಪಡೆದರು.

ಲಖನೌ(ಉತ್ತರ ಪ್ರದೇಶ): ಬಿಜೆಪಿಗೆ ಸೇರ್ಪಡೆಗೊಂಡ ನಂತರ ಸಮಾಜವಾದಿ ಪಕ್ಷದ ನಾಯಕ ಮುಲಾಯಂ ಸಿಂಗ್ ಯಾದವ್ ಅವರನ್ನು ಭೇಟಿ ಆಗಿರುವ ಸೊಸೆ ಅಪರ್ಣಾ ಯಾದವ್, ಅವರ ಆಶೀರ್ವಾದ ಪಡೆದಿದ್ದಾರೆ.

ಇಂದು ಉತ್ತರ ಪ್ರದೇಶದ ರಾಜಧಾನಿಯಲ್ಲಿರುವ ಅವರ ನಿವಾಸದಲ್ಲಿ ಸಮಾಜವಾದಿ ಪಕ್ಷದ ವರಿಷ್ಠ, ಮಾವ ಮುಲಾಯಂ ಸಿಂಗ್ ಯಾದವ್​ ಅವರನ್ನು ಭೇಟಿ ಆಗಿ, ಅವರ ಪಾದಗಳನ್ನು ಮುಟ್ಟಿ ಆಶೀರ್ವಾದ ಪಡೆದಿದ್ದಾರೆ.

ಇದನ್ನೂ ಓದಿ: "ಬಾಲಿವುಡ್‌ನ ಧೋನಿ ಮೊನ್ನೆಯಷ್ಟೇ ನಮ್ಮೊಂದಿಗೆ ಕ್ರಿಕೆಟ್​ ಆಡಿದ್ರು- ಸುಶಾಂತ್​​ರನ್ನ ನೆನೆಯುವ ಸಹರ್ಸಾ ನಿವಾಸಿಗಳು

ಉತ್ತರ ಪ್ರದೇಶ ವಿಧಾನಸಭೆ ಚುನಾವಣೆ ಘೋಷಣೆಯಾದಾಗಿನಿಂದಲೂ ಪಕ್ಷಾಂತರ ಪರ್ವ ಜೋರಾಗಿದೆ. ಇದೇ ಸೋಮವಾರದಂದು ಮುಲಾಯಂ ಕಿರಿಯ ಸೊಸೆ ಅಪರ್ಣಾ ಯಾದವ್ ಬಿಜೆಪಿ ಸೇರ್ಪಡೆಗೊಂಡಿದ್ದಾರೆ. ನಿನ್ನೆ ಮುಲಾಯಂ ಸಿಂಗ್ ಯಾದವ್ ಅವರ ಸೋದರ ಮಾವ ಪ್ರಮೋದ್​ ಗುಪ್ತಾ ಇಂದು ಬಿಜೆಪಿ ಸೇರಿದ್ದಾರೆ. ಅಲ್ಲದೇ ಸಮಾಜವಾದಿ ಪಕ್ಷದ 20 ಶಾಸಕರು ಸದ್ಯದಲ್ಲೇ ಬಿಜೆಪಿ ಸೇರಿಕೊಳ್ಳಲಿದ್ದಾರೆಂಬ ಮಾತು ಕೇಳಿ ಬಂದಿದೆ.

ಜಾಹಿರಾತು:-ನಿಮ್ಮ ಸೂಕ್ತ ಸಂಗಾತಿ ಹುಡುಕುತ್ತಿರುವಿರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ ನೋಂದಣಿ ಉಚಿತ