ಚೆನ್ನೈ (ತಮಿಳುನಾಡು): ವಿಮಾನದೊಳಗೆ ಧೂಮಪಾನ (Smoking Inside Flight) ಮಾಡಿದ್ದಕ್ಕಾಗಿ ಆಂಧ್ರಪ್ರದೇಶ ಮೂಲದ ಮಹಮ್ಮದ್ ಶರೀಫ್ (57) ಎಂಬ ವ್ಯಕ್ತಿಯನ್ನು ಚೆನ್ನೈ ವಿಮಾನ ನಿಲ್ದಾಣ ಪೊಲೀಸರು (Chennai Airport Police) ಬಂಧಿಸಿದ್ದಾರೆ.
ಬಟ್ಟೆಯೊಳಗೆ ಸಿಗರೇಟ್ ಪ್ಯಾಕ್ ಅನ್ನು ಬಚ್ಚಿಟ್ಟುಕೊಂಡು ಕುವೈತ್‌ನಿಂದ ಚೆನ್ನೈಗೆ ಹೊರಟಿದ್ದ ಇಂಡಿಗೋ ಏರ್‌ಲೈನ್ಸ್‌ (Indigo Airlines) ಹತ್ತಿದ್ದ ಶರೀಫ್, ವಿಮಾನ ಟೇಕಾಫ್ ಆದ ನಂತರ ಸಿಗರೇಟ್ ಸೇದಲು ಪ್ರಾರಂಭಿಸಿದ್ದಾನೆ. ಈ ವಿಮಾನದಲ್ಲಿ ಒಟ್ಟು 137 ಪ್ರಯಾಣಿಕರಿದ್ದರು. ಶರೀಫ್ನನ್ನು ಕಂಡ ಇತರ ಪ್ರಯಾಣಿಕರು ಧೂಮಪಾನವನ್ನು ನಿಲ್ಲಿಸುವಂತೆ ಹೇಳಿ, ಗಗನಸಖಿಯರಿಗೆ ದೂರು ನೀಡಿದ್ದಾರೆ.
