ನವದೆಹಲಿ: ಇಲ್ಲಿನ ಅಮನ್ ಎಂಬ ಬಾಲಕ ಬ್ಲೂ ಬೇಬಿ ಸಿಂಡ್ರೋಮ್ನೊಂದಿಗೆ ಜನಿಸಿದ್ದ. ಸಾಮಾನ್ಯ ಮಗುವಿನಂತೆ ಜನಿಸದ ಕಾರಣ ಸಾಕಷ್ಟು ಕಷ್ಟಪಟ್ಟಿದ್ದ. ಅವನ ಹೃದಯದಲ್ಲಿ ಜನ್ಮಜಾತ ದೋಷವಿದ್ದು, ಹೃದಯವು ಆಮ್ಲಜನಕಯುಕ್ತ ರಕ್ತವನ್ನು ಪ್ರತ್ಯೇಕಿಸಲು ಸಾಧ್ಯವಾಗುತ್ತಿರಲಿಲ್ಲ.
ಅಂದರೆ ಶುದ್ಧ ರಕ್ತ ಮತ್ತು ಡೀ ಆಕ್ಸಿಜೆನೇಟೆಡ್ ರಕ್ತ ಅಂದರೆ ಅಶುದ್ಧ ರಕ್ತ ಎರಡೂ ಒಂದೇ ಸ್ಥಳದಲ್ಲಿ ಸೇರುತ್ತಿತ್ತು. ಇದರ ಪರಿಣಾಮವಾಗಿ ದೇಹದ ಪ್ರಮುಖ ಅಂಗಗಳಿಗೆ ಅಗತ್ಯವಾದ ಆಮ್ಲಜನಕದ ಪೂರೈಕೆ ಸಾಧ್ಯವಾಗುತ್ತಿರಲಿಲ್ಲ. ಅಂತಹ ಪರಿಸ್ಥಿತಿಯಿಂದ ಹೊರಬರಲು ಇದ್ದ ಏಕೈಕ ಮಾರ್ಗವೆಂದರೆ ದೋಷಪೂರಿತ ಹೃದಯವನ್ನು ಬದಲಾಯಿಸುವುದು.
ಹೀಗಾಗಿ ಏಮ್ಸ್ನ ವೈದ್ಯರು 18 ವರ್ಷದ ಅಮನ್ಗೆ ಹೃದಯ ಕಸಿ ಚಿಕಿತ್ಸೆ ಮಾಡಲು ಮುಂದಾದರು. ಗುಜರಾತ್‌ನ ವಡೋದರಾದ 20 ವರ್ಷದ ಬಾಲಕಿಯ ಹೃದಯವು ಈ ಬಾಲಕನಿಗೆ ಹೊಂದಿಕೆಯಾಗುತ್ತಿತ್ತು. ಹೀಗಾಗಿ ಅಮನ್ ಹೃದಯ ಶಸ್ತ್ರಚಿಕಿತ್ಸೆಯ ಮೂಲಕ ಆರೋಗ್ಯಕರ ಹೃದಯ ಪಡೆದಿದ್ದಾನೆ.
ಏಮ್ಸ್ನಲ್ಲಿ ಅಮನ್ಗೆ ಯಶಸ್ವಿಯಾಗಿ ಹೃದಯ ಕಸಿ ಶಸ್ತ್ರಚಿಕಿತ್ಸೆ ಮಾಡಲಾಯಿತು. ಹೊಸ ಹೃದಯವನ್ನು ಪಡೆದ ತಕ್ಷಣ ಅಮನ್ ಬ್ಲೂ ಬೇಬಿ ಸಿಂಡ್ರೋಮ್ನಿಂದ ಹೊರಬಂದಿದ್ದು, ಇದೀಗ ಆತನನ್ನು ವೈದ್ಯರ ನಿಗಾದಲ್ಲಿ ಇರಿಸಲಾಗಿದೆ.
