ನಾಗ್ಪುರ್(ಮಹಾರಾಷ್ಟ್ರ): ಜಿಂಕೆಗಳ ಹಿಂಡಿನ ಮೇಲೆ ಹುಲಿವೊಂದು ಏಕಾಏಕಿ ದಾಳಿ ನಡೆಸಿದ್ದು, ಅದರ ವಿಡಿಯೋ ಇದೀಗ ಎಲ್ಲೆಡೆ ಸಕ್ಕತ್ ಆಗಿ ವೈರಲ್ ಆಗುತ್ತಿದೆ. ಮಹಾರಾಷ್ಟ್ರದ ನಾಗ್ಪುರ್ದಲ್ಲಿರುವ ವಿಶ್ವಪ್ರಸಿದ್ಧ ಪೆಂಚ್ ರಾಷ್ಟ್ರೀಯ ಉದ್ಯಾನದಲ್ಲಿ ಈ ಘಟನೆ ನಡೆದಿದೆ.
ಜಿಂಕೆಗಳ ಗುಂಪಿನ ಮೇಲೆ ಹುಲಿ ದಾಳಿ
ಪ್ರವಾಸಿಗ ರೋಹಿತ್ ದಾಮ್ಲೆ ಅವರ ಕ್ಯಾಮೆರಾದಲ್ಲಿ ಈ ವಿಡಿಯೋ ಸೆರೆಯಾಗಿದೆ. ಜಿಂಕೆಯ ಹಿಂಡೊಂದು ಉದ್ಯಾನದ ಸರೋವರದ ದಂಡೆಯ ಮೇಲೆ ನಿಂತುಕೊಂಡಿದ್ದವು. ಬೇಟೆಗಾಗಿ ಹೊಂಚು ಹಾಕಿ ಕುಳಿತ್ತಿದ್ದ ಹುಲಿವೊಂದು ದಿಢೀರ್ ಆಗಿ ದಾಳಿ ಮಾಡಿದೆ. ತಕ್ಷಣವೇ ಅತ್ತಿತ್ತ ಓಡಾಡಿ, ನರಭಕ್ಷಕನಿಂದ ತಪ್ಪಿಸಿಕೊಂಡಿವೆ.
ಹುಲಿ ದಾಳಿ ನಡೆಸಿದರೂ, ಚಾಣಾಕ್ಷ್ಯ ಜಿಂಕೆಗಳು ತಮ್ಮ ಪ್ರಾಣ ಕಾಪಾಡಿಕೊಳ್ಳಲು ಯಶಸ್ವಿಯಾಗಿದ್ದು, ನಿರಾಸೆಯಿಂದ ಹುಲಿ ಕಾಲ್ಕಿತ್ತಿದೆ. ಈ ವಿಡಿಯೋ ಮನಮೋಹಕವಾಗಿದ್ದು, ನೋಡುಗರ ಮನ ಗೆಲ್ಲುತ್ತಿದೆ.
