ಇದು ಸಿನಿಮಾ ಸೀನ್​​ ಅಲ್ಲ, ನಿಜವಾದ ಮದುವೆ... ವಿಡಿಯೋ ನೋಡಿ!

ಯುವಕನೋರ್ವ ಇಬ್ಬರು ಯುವತಿಯರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿರುವ ಘಟನೆ ಛತ್ತೀಸ್​ಗಢದಲ್ಲಿ ನಡೆದಿದ್ದು, ಇದರ ವಿಡಿಯೋ ಇದೀಗ ವೈರಲ್​ ಆಗಿದೆ.

ಬಸ್ತಾರ್​(ಛತ್ತೀಸ್​ಗಢ): ಯುವಕನೋರ್ವ ಮದುವೆ ಮಂಟಪದಲ್ಲಿ ಇಬ್ಬರು ಹುಡುಗಿಯರೊಂದಿಗೆ ಸಪ್ತಪದಿ ತುಳಿದಿರುವ ವಿಚಿತ್ರ ಘಟನೆ ಛತ್ತೀಸ್​ಗಢದ ಬಸ್ತಾರ್​​ ಎಂಬಲ್ಲಿ ನಡೆದಿದೆ. ಇದರ ವಿಡಿಯೋ ಇದೀಗ ಎಲ್ಲಡೆ ವೈರಲ್​ ಆಗ್ತಿದೆ.

ಇಡೀ ಗ್ರಾಮಸ್ಥರ ಒಪ್ಪಿಗೆ ಹಾಗೂ ಅವರ ಸಮ್ಮುಖದಲ್ಲೇ ಇಂತಹದೊಂದು ಮದುವೆ ಕಾರ್ಯಕ್ರಮ ನಡೆದಿದ್ದು, ಇಬ್ಬರು ಯುವತಿಯರ ಜೊತೆ ಯುವಕ ಸಪ್ತಪದಿ ತುಳಿದಿದ್ದಾನೆ. ಹಿಂದೂ ಪದ್ಧತಿಯಂತೆ ಒಬ್ಬ ವ್ಯಕ್ತಿ ಇಬ್ಬರ ಜೊತೆ ಒಂದೇ ಮಂಟಪದಲ್ಲಿ ಮದುವೆಯಾಗುವುದಕ್ಕೆ ಅವಕಾಶವಿಲ್ಲ. ಆದರೂ ಬುಡಕಟ್ಟು ಆಚರಣೆಗಳೊಂದಿಗೆ ಈ ವಿವಾಹ ನಡೆದಿದೆ. ಚಂದು ಮೌರ್ಯ ಎಂಬಾತ ಈ ಮದುವೆಯಾಗಿದ್ದಾನೆ.

ಜನವರಿ 3ರಂದು ವಿವಾಹ ನಡೆದಿದ್ದು, ಇದೀಗ ಇದರ ವಿಡಿಯೋ ಸಿಕ್ಕಾಪಟ್ಟೆ ವೈರಲ್​ ಆಗ್ತಿದೆ. ಇಬ್ಬರು ಯುವತಿಯರು ಇದೇ ಯುವಕನನ್ನು ಏಕೆ ಮದುವೆಯಾದರು ಎಂಬುದು ಇಲ್ಲಿಯವರೆಗೆ ಯಾರಿಗೂ ತಿಳಿದಿಲ್ಲ. ಅವರು ಸಂತೋಷದಿಂದ ಜೀವನ ನಡೆಸುತ್ತಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.