ಬಾಬಾ ರಾಮ್​​​ದೇವ್​​ ಯೋಗಪೀಠದ 83 ಮಂದಿಗೆ ಕೊರೊನಾ ದೃಢ

ಉತ್ತರಾಖಂಡ್​ ಸರ್ಕಾರದ ವಿವಿಧ ಸಚಿವಾಲಯದ ಸುಮಾರು 30 ರಿಂದ 35 ಸಿಬ್ಬಂದಿಗೆ ಕೊರೊನಾ ದೃಢವಾಗಿದ್ದು, ಆತಂಕಕ್ಕೆ ಕಾರಣವಾಗಿದೆ. ಇದೀಗ ರಾಮ್​ದೇವ್ ಯೋಗಗ್ರಾಮದ ಸಿಬ್ಬಂದಿಗೂ ಕೊರೊನಾ ವಕ್ಕರಿಸಿದೆ.

ಹರಿದ್ವಾರ: ಉತ್ತರಾಖಂಡ್​ನಲ್ಲಿ ಕೊರೊನಾ ಪ್ರಕರಣ ಹೆಚ್ಚುತ್ತಿರುವ ಬೆನ್ನಲ್ಲೇ ಇಲ್ಲಿನ ಬಾಬಾ ರಾಮ್​​ದೇವ್ ಯೋಗ ಪೀಠ ಹಾಗೂ ಆಚಾರ್ಯಕುಲಂನಲ್ಲಿ ಬರೋಬ್ಬರಿ 83 ಮಂದಿಗೆ ಕೊರೊನಾ ದೃಢವಾಗಿದೆ.

ಯೋಗ ಗ್ರಾಮದ ಯೋಗಪೀಠ ಮತ್ತು ಆಚಾರ್ಯಕುಲಂನಲ್ಲಿ 83 ಜನರಿಗೆ ಸೋಂಕು ದೃಢವಾದ ಬಳಿಕ ಆರೋಗ್ಯ ಇಲಾಖೆಯು ಈ ಸಂಸ್ಥೆಯ ಮೇಲೆ ನಿಗಾ ಇಟ್ಟಿದೆ.

ಉತ್ತರಾಖಂಡ್ ಸಚಿವಾಲಯದಲ್ಲೇ ಕೊರೊನಾ

ಉತ್ತರಾಖಂಡ್​ ಸರ್ಕಾರದ ವಿವಿಧ ಸಚಿವಾಲಯದ ಸುಮಾರು 30ರಿಂದ 35 ಸಿಬ್ಬಂದಿಗೆ ಕೊರೊನಾ ದೃಢವಾಗಿದ್ದು, ಆತಂಕಕ್ಕೆ ಕಾರಣವಾಗಿದೆ. ಅಲ್ಲದೆ ಕಳೆದ ತಿಂಗಳು ಉತ್ತರಾಖಂಡ್ ಸಿಎಂ ತಿರಥ್​ ಸಿಂಗ್ ರಾವಥ್​ಗೂ ಕೊರೊನಾ ವಕ್ಕರಿಸಿತ್ತು.