फॉरेस्ट गार्ड भर्ती परीक्षा रद्द : उत्तराखंड मा फॉरेस्ट गार्ड भर्ती परीक्षा रद्द ह्वे गी. फॉरेस्ट गार्ड भर्ती परीक्षा रद्द होंणा बाद चयनित अभ्यर्थियूं न आज देहरादून मा विरोध प्रदर्शन करी. अभ्यर्थियूं न बड़ी संख्या मा सड़कूं पर उतरी यां का विरोध मा नारेबाजी करी. भर्ती रद्द होंण का बाद प्रदर्शनकारी चयनित अभ्यर्थियूं न आज सीएम आवास कूच करी, मगर पुलिस न ऊंथै रोकेली, ज्या का बाद चयनित अभ्यर्थियूं और पुलिस का बीच जमकर नोकझोंक ह्वे.
हरीश रावत न दिनी मंडुआ पार्टी: पूर्व मुख्यमंत्री हरीश रावत (Former Chief Minister Harish Rawat) न आज देहरादून मा मंडुआ पार्टी कु आयोजन (Mandua party organized in Dehradun) करी. हरीश रावतै मंडुआ पार्टी (Harish Rawat Mandua party) मा उत्तराखंड का स्थानीय उत्पादूं से बंण्या लजीज व्यंजन परोसे गेन. ज्या मा मंडुआ की रोटी, झंगोरै खीर, भट्टै दाल मुख्य तौर से रैन. मंडुआ पार्टी का जरिया हरीश रावत स्थानीय उत्पादूं थै बढ़ावा देंण पर जोर देंणा छन.
नया साल पर 87 जिमूं की सौगात: नया साल का मौका पर प्रदेशवासियूं थै 87 जिम और सात पार्कूं की सौगात मिली. शहरी विकास मंत्री प्रेमचंद अग्रवाल न 74 ओपन जिम और सात पार्कूं कु शिलान्यास करी. शहरी विकास मंत्री प्रेमचंद अग्रवाल न यमुना कालोनी स्थित अपणा आवास बटी वर्चुअल माध्यम से 102 निकायूं मा 409.14 लाखै लागत से बण्या 74 ओपन जिम कु शिलान्यास और 87 जिम कु लोकार्पण करी.
SC पौंछि हल्द्वानी रेलवे जमीन अतिक्रमण मामला: नैनीताल हाईकोर्ट बटी राहत न मिन्ना बाद हल्द्वानी वनभूलपुरा रेलवे भूमि प्रकरण सुप्रीम कोर्ट पौंछ गी. अब ये मामलै सुणवै सुप्रीम कोर्ट मा होली. जानकारी का मुताबिक सुप्रीम कोर्ट मा पांच जनवरी कु मामले सुणवै होली. सोमवारौ रेलवे की अतिक्रमण हटौणै कार्रवाई का खिलाफ स्थानीय कांग्रेस विधायक सुमित हृदयेशै याचिका वरिष्ठ अधिवक्ता सलमान खुर्शीद न सुप्रीम कोर्ट मा दाखिल करी. ज्या पर सुप्रीम कोर्ट न 5 जनवरी की तारिख दिनी.
मलेथा गौं मा माधो सिंह भंडारी मेला: 3 जनवरी बटी मलेथा गौं मा माधो सिंह भंडारी मेला (Madho Singh Bhandari Fair in Maletha Village) कु आयोजन किये जालू. यू मेला पांच दिनूं तक चललू. माधो सिंह भंडारी मेला (Madho Singh Bhandari mela) मा हर रोज सांस्कृतिक कार्यक्रमूं कु आयोजन किये जालू. दगड़ा मा गी माधो सिंह भंडारी की याद मा मेला मा नृत्य नाटिका कु भी आयोजन किये जालू. मेला कु शुभारंभ विधायक विनोद कंडारी (MLA Vinod Kandari) करला.
रुड़की मा प्रतिबंधित टेबलेट बरामद: उत्तराखंड का हरिद्वार जिला मा पुलिस और एसटीएफै टीम थै बड़ी सफलता हाथ लगी. यख पुलिस न नशा तस्कर थै गिरफ्तार करी. नशा तस्कर बटी भारी मात्रा मा प्रतिबंधित ट्रामाडोलै एक लाख 20 हजार टेबलेट मिलीन. आरोपी यूपी का मुजफ्फरनगर कु रौंण वालू च. आरोपी बटी एक बलेनो कार भी बरामद करे गी. पुलिस पूछताछ मा आरोपी न एक अन्य साथी कु नौ बथै, जै की तलाश किये जांणी च.
प्रदेशभर मा खुलेला 14 क्रिटिकल केयर ब्लॉक: सड़क दुर्घटनाऊं मा घायलूं और अन्य गंभीर बीमारियूं से ग्रसित मरीजूं का बेहतर इलाज थै प्रदेश भर मा 14 क्रिटिकल केयर ब्लॉक स्थापित किये जाला. यां का पैला चरण मा सात जिलों मा क्रिटिकल केयर ब्लाक बणौणै डीपीआर भी तैयार ह्ववे गी. यूं जिलों मा चमोली, चंपावत, बागेश्वर, पौड़ी, नैनीताल, रुद्रप्रयाग, उत्तरकाशी शामिल छन. स्वास्थ्य मंत्री डॉ. धन सिंह रावत न सबी अधिकारियूं थै क्रिटिकल केयर ब्लाक का काम मा तेजी लौणा निर्देश दिनीन.
Uttarakhand Board Exam 2023 परीक्षा : उत्तराखंड विद्यालयी शिक्षा परिषद द्वारा संचालित हाई स्कूल और इंटरमीडिएट बोर्ड परीक्षाऊं थै लेकी बोर्डे बैठक (Meeting regarding 2023 board exams) ह्वे. बैठकै अध्यक्षता परिषद निदेशक आरके कुंवर (Council Director RK Kunwar) न करी. ईं बैठक मा प्रदेश भर का मुख्य शिक्षा अधिकारियूं न प्रतिभाग करी. ये दौरान आरके कुंवर न बथै साल 2023 मा संपन्न होंण वाली बोर्डै प्रैक्टिकल परीक्षा फरवरी मा आयोजित होली, जबकि लिखित परीक्षाएं मार्च व अप्रैल मा होली.
जनवरी मा शुरू ह्ले सकदी जनगणना: उत्तराखंड मा जनगणना अगला साल जनवरी मा शुरू ह्ले सकदी. जनगणनै 2021 की शुरुआत अप्रैल 2020 से होंण छै, लेकिन कोरोना का कारण या जमगणना रुक गी छै. अब भारत का महा रजिस्ट्रार कार्यालय की ओर से या प्रक्रिया दोबारा शुरू होंण वाली च. अबरी जनगणना डिजिटल होली. यां का तहत मोबाइल एप का माध्यम से जनगणना मा हिस्सा लिये जै सकलू. पैली बार डिजिटल मोड मा जनगणना होंणी.
