देवसंस्कृति विश्वविद्यालय कू छठवों दीक्षांत समारोह: आज देवसंस्कृति विश्वविद्यालय कू छठवों दीक्षांत समारोह आयोजित किये ग्या. वखि ये दीक्षांत समारोह कार्यक्रम मा लोकसभा अध्यक्ष ओम बिरला ना मुख्य अतिथि का तौर पर शिरकत करि. ये मौका पर विश्वविद्यालय का बीत छह सालों का टॉपर्स छात्र-छात्राओं थै लोकसभा अध्यक्ष ओम बिरला ना गोल्ड मेडल और प्रशस्ति पत्र देकि सम्मानित करि.
CM धामी ना सुशीला तिवारी अस्पताल कू करि औचक निरीक्षण: सीएम पुष्कर सिंह धामी ना आज हल्द्वानी पौंचि सुशीला तिवारी अस्पताल कू करि औचक निरीक्षण, ये मौका सीएम धामी मा अस्पताल मा मौजूद व्यवस्थाओं कू ल्याई जायजा. जैका बाद अस्पताल प्रबंधन थै सीएम धामी ना और अधिक सुविधाओं कू प्रस्ताव बणैकि सरकार थै भिजणा का देनि आदेश. ये मौका पर सीएम ना अस्पताल मा भर्ती मरीजों दगणि भी करि बातचीत.
माणा गौं से कांग्रेस की भारत जोड़ो यात्रा: उत्तराखंड की सियासत कू केंद्र बिंदु बणि भारत कू अंतिम गांव माणा, कांग्रेस का प्रदेश प्रभारी बदरीनाथ का माणा गौं बटि शुरू करला पदयात्रा, भारत जोड़ो यात्रा का तहत उत्तराखंड मा होली यह पेलि पदयात्रा, तीन नंवबर से उत्तराखंड प्रवास पर आणा छिन उत्तराखंड कांग्रेस का प्रदेश प्रभारी देवेंद्र यादव.
हरीश रावत ना लैंसडाउन कू नौ नि बदलणु कू करि आग्रह: पौड़ी गढ़वाल स्थित लैंसडाउन छावनी कू नाम बदलणा कि कवायद पर उत्तराखंड मा सियासत तेज, पूर्व सीएम हरीश रावत ना ट्वीटर पर मुख्यमंत्री धामी से करि आग्रह और बोली- लैंसडाउन कू नौ बदलण से उत्तराखंड थै होलु नुकसान. देश दुनिया मा गढ़वाल रेजीमेंट कू गण से प्रसिद्ध च लैंसडाउन, नौ बदलण से येकि छवि होली धूमिल.
200 करोड़ रुपया की मनी लॉन्ड्रिंग कू मामला: उत्तराखंड का पूर्व सीएम त्रिवेंद्र रावत का औद्योगिक सलाहकार पंवार की पत्नी की कंपनी पर 200 करोड़ रुपया की मनी लॉन्ड्रिंग कू आरोप, एसटीएफ की प्रारंभिक जांच मा म्यूचुअल फंड कंपनी ना आरडी और एफडी इन्वेस्टमेंट की आड़ मा मनी लॉन्ड्रिंग ऐ समणि, इकोमिक्स ऑफेंसिव विंग न दे छाई मनी लॉन्ड्रिंग मामला की जांच का आदेश.
शिक्षा महानिदेशालय ना देनि नियुक्तियों की जांच का आदेश: उत्तराखंड मा 500 से अधिक पीटीए शिक्षकों की नियुक्ति मा धांधली पर शिक्षा महानिदेशालय सख्त, जैका बाद महानिदेशालय ना यूं नियुक्तियों की जांच का देनि आदेश, बतै जाणु च की पीटीए शिक्षकों की नियुक्ति मा नियमों थै किये ग्या दरकिनार, टीईटी परीक्षा पास कियां बिना ही पीटीए शिक्षकों थै दियेल छाई नियुक्ति.
कोटद्वार मा एक रात मा तीन चोरी की घटनाएं: कोटद्वार मा एक रात मा चोरों ना चोरी की तीन वारदातों थै द्याई अंजाम, दिनों दिन कोटद्वार मा बढ़दि आपराधिक गतिविधियों से लौखु ना कोटद्वार पुलिस की कार्यप्रणाली पर खड़ा करिन सवाल. वखि पुलिस ना जल्द ही यूं चोरी की घटनाओं कू खुलासा कना कू करि दावा, स्थानीय लौखु ना पुलिस से नगर क्षेत्र मा रात्रि गश्त बढ़ाणा की करि मांग.
दिल्ली मा उत्तराखंडी छात्र की हत्या: राजधानी दिल्ली मा उत्तराखंडी छात्र मनोज नेगी की द्वि लड़कों ना चाकुओं से गोदिकी करि हत्या, अपणि बेणि से छेड़छाड़ कू मनोज ना करि छाई विरोध, जैका बाद द्वि नाबालिग लड़कों ना चाकू से मनोज पर करिन तोबड़तोड़ वार, वखि अस्पताल मा इलाज का दौरान घायल मनोज नेगी मा तोड़ी दम, दिल्ली का पेटलनगर स्थित एक इंस्टीट्यूट मा पढ़ै करदु छाई उत्तराखंड कू मनोज नेगी.
युवक ना सल्फास खेकि करि आत्महत्या: बागेश्वर का कपकोट मा एक युवक ना अग्निवीर भर्ती परीक्षा मा असफल हुण पर करि आत्महत्या, वखि आत्महत्या से पेलि सोशल मीडिया पर युवक ना कई भावुक स्टेट्स कै छाई अपडेट, जौं थे देखिकी परिजनों ना जतै छाई अनहोनी की आशंका, वखि कुछ देर बाद युवक द्वारा सल्फास खाणा की परिजनों थै मिली सूचना. इलाज का दौरान युवक ना अस्पताल मा तोड़ी दम.
दयारा बुग्याल मा मोटर पैराग्लाइडिंग कू सफल परीक्षण: उत्तरकाशी का दयारा बुग्याल मा अब पर्यटक मोटर पैराग्लाइडिंग कू उठे सकदिन लुत्फ, उत्तरकाशी की ग्राम पंचायत नटीण की पहल पर हिमालयन एयरो स्पोर्ट्स एसोसिएशन ना यख मोटर पैराग्लाइडिंग कू करि सफल परीक्षण, अब पर्यटक दयार बुग्याल का साथ ही हिमालय का भी कैर सकदिन दीदार.
