पीएम मोदी कु उत्तराखंड दौरा: प्रधानमंत्री नरेंद्र मोदी 21 और 22 अक्टूबरौ उत्तराखंड दौरा पर आला. ये दौरान पीएम मोदी बदरीनाथ और केदारनाथ धाम का दर्शन करला. दगड़ा मा ही पीएम मोदी द्वी धामूं मा पुनर्निर्माण कायूं कु स्थलीय निरीक्षण भी करला. पीएम मोदी का दौरा थै देखी बदरीनाथ और केदारनाथ धाम मा पुलिस प्रशासन व्यवस्थाऊं थै दुरुस्त कन्न मा लग गी. यां कु थै पुलिस कर्मियूं की छुट्टी भी रद्द करे गीन.
बदरीनाथ पौंछिन सीएम धामी: पीएम मोदी का बदरीनाथ दौरा से पैली आज मुख्यमंत्री पुष्कर सिंह धामी (CM Pushkar Singh Dhami) बदरीनाथ पौंछिन. मुख्यमंत्री पुष्कर सिंह धामी आज सुबेर 7:30 बजी बदरीनाथ धाम पौंछिन. मंदिर समिति (Badrinath Temple Committee) का पदाधिकारियूं और कर्मचारियूं न हेलीपैड पर सीएम धामी कु स्वाग करी. यां का बाद सीएम धामी न बदरीनाथ मा पीएम मोदी का दौरा से जुड़ी व्यवस्थाऊं कु जायजा लिनी. यां का बाद सीएम धामी न मास्टर प्लान का कार्यूं का बारा मा भी विस्तार से जानकारी लिनी.
चारधामूं का कपाट बंद हौंणै तिथि घोषित: उत्तराखंड का चारधामूं का कपाट बंद हौंणै तिथि घोषित ह्वे गी. केदारनाथ धाम का कपाट दीपावली का बाद भैय्या दूज का दिन 27 अक्टूबर सुबेर 8 बजी शीतकालौ थै बंद किये जाला. बदरीनाथ धाम का कपाट 19 नवंबरौ बंद होला. जबकि गंगोत्री धाम का कपाट 26 अक्टूबरौ और यमुनोत्री धाम का कपाट 27 अक्टूबरौ शीतकालौ बंद किये जाला.
हल्द्वानी पौंछिन भगत सिंह कोश्यारी: महाराष्ट्र का राज्यपाल भगत सिंह कोश्यारी आजकल उत्तराखंड का दौरे पर छन. राज्यपाल बणना बाद आज पैली बार भगत सिंह कोश्यारी हल्द्वानी पौंछिन. जख स्थानीय लोखूं न गर्मजोशी से भगत सिंह कोश्यारी कु स्वागत करी. ये दौरान भगत सिंह कोश्यारी न बोली मराठी, कुमाऊंनी और गढ़वाली बोली मा बहुत शब्द एक जन छन, जु हम सबु की एकरूपता थै दिखौंद. ऊंन बोली वु द्वी राज्यूं की भलाई और उन्नति का बारा मा सोचदन.
पटवारी सिस्टम खत्म कन्नै तैयारी में धामी सरकार: उत्तराखंड सरकार राज्य मा पटवारी सिस्टम थै खत्म वाली च. ये मामला मा आज उत्तराखंड सरकार न सुप्रीम कोर्ट मा हलफनामा दायर करी, ज्या मा बोले गी कि उत्तराखंड मा अब सबी आपराधिक केसूं की जांच पुलिस करवी. सभी केस चरणबद्ध तरीका से पुलिस मा भेजे जाला. यां का पैला चरण मा, महिलाऊं का खिलाफ अपराध, अपहरण, साइबर अपराध, POCSO आदि सहित सबी जघन्य अपराधूं थै जिला मजिस्ट्रेट तुरंत नियमित पुलिस थै ट्रांसफर करला.
दुष्यंत गौतम कु विवादित बयान: BJP का राष्ट्रीय महामंत्री और उत्तराखंड बीजेपी का प्रदेश प्रभारी दुष्यंत गौतम (BJP state in charge Dushyant Gautam) न विवादित बयान दिनी. दुष्यंत गौतम न बोली कांग्रेसै विचारधारा हमेशा ही सनातन विरोधी (Congress ideology is anti Sanatan) रै. दगड़ा मा ही ऊंन बोली कांग्रेस नेता लड़कियूं थै छेड़ना इरादा से मंदिर पौंछदन. दुष्यंत गौतम का ये बयान का बाद राजनीति तेज ह्वे गी. कांग्रेस ये मामला मा हमलावप मोड मा च
प्रेमचंद अग्रवाल का भै का घौर डकैती कु खुलासा: डोईवाला क्षेत्र मा 15 अक्टूबरौ दिनदहाड़े कैबिनेट मंत्री प्रेमचंद्र अग्रवाल का चचेरे भै का घौर डकैती मामला (Doiwala Robbery Case) कु पुलिस न खुलासा करेली. पुलिस न ये मामला मा चार बदमाशूं थै नकदी और हथियार का दगड़ि गिरफ्तार करेली. ये मामला मा पांच आरोपी अबी भी फरार छन, जौं की धरपकड़ थै लेकी प्रयास तेज ह्वे गीन. गिरफ्तार आरोपियूं से 5 लाख से ज्यादा की नकदी, एक तमंचा, दो जिंदा कारतूस और घटना मा प्रयुक्त द्वी कार और मोटरसाइकिल बरामद ह्वे.
देहरादून मा देशै 5वीं साइंस सिटी: देहरादून का झाझरा मा देशै 5वीं साइंस सिटी (Fifth science city in dehradun) बणणी च. ये प्रोजेक्ट का निर्माण थै लेकी सरकार न पैली किस्तै 15 करोड़ै धनराशि आवंटित करेली. राज्य सरकार बटी बजट रिलीज होंण का बाद तुरंत ही या कु निर्माण शुरू कर दिये जालू. या साइंस सिटी 172 करोड़ै लागत से बणनी च. यख पर अभी विज्ञान धाम का रूप मा रीजनल साइंस सेंटर स्थापित च, जु जल्द ही साइंस सिटी कु रूप ल्यालू.
देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
