1. उत्तराखंड मा धीमी ह्वे कोरोना की रफ्तार: उत्तराखंड मा कोरोना संक्रमण की रफ्तार मा पिछला 24 घंटा मा कमी दिखेणी च लेकिन अबि भी मुन्न वलौ की संख्या नि थमणि च. आज प्रदेश मा चार मरीजों ना कोरोना का चलदा अपणि जान गवे, वखि आज बुधवार का दिन 271 कोरोना का नया मामला मिलिन. जैका बाद प्रदेश मा जनवरी का मैना बटि संक्रमितों की कुल संख्या 89,237 पौंचि गे.
2. उत्तराखंड से हटै ग्या नाइट कर्फ्यू, नई एसओपी जारी: उत्तराखंड मा कोरोना संक्रमण कू प्रभाव कम हुणा का चलदा उत्तराखंड सरकार ना जारी करि नई एसओपी, अब प्रदेश मा हटै ग्या नाइट कर्फ्यू, राज्य मा जिम, शॉपिंग मॉल, सिनेमा हॉल, स्पॉ, सैलून, थियेटर, ऑडिटोरियम कोविड प्रोटोकॉल का तहत खुलला, हालांकि, सार्वजनिक स्थलों पर लौखु थै अब भी कन पडलु सामाजिक दूरी कू पालन, मास्क कू प्रयोग कन अबि भी अनिवार्य.
3. हरीश रावत कू बयान- 'सीएम बणलु या बैठुल घौर': उत्तराखंड विधानसभा चुनौ खुण मतदान की प्रक्रिया संपन्न हुणा का बाद अब कांग्रेस अपणि जीत कू दावा कनि च, वखि कांग्रेस का वरिष्ठ नेता हरीश रावत ना एक बार फिर छेड़ी सीएम बनणा कू राग, ऊन बोलि- कांग्रेस प्रदेश मा 48 सीटों पर जीत हासिल कनि च, यन मा अब वु सीएम बणला या फिर घौर मा बैठणा कु तैयार छिन.
4. सीएम धामी बोलिन- हरीश रावत दिखणा छिन मुंगेरीलाल का सपना: उत्तराखंड विधानसभा चुनौ का नतीजा 10 मार्च का दिन आला, वखि हरीश रावत ना प्रदेश मा कांग्रेस की सरकार बणना कू दावा भी कयाल, ऊन बोली कांग्रेस की सरकार बणलि और वु सीएम बणला. वखि कांग्रेस नेता हरीश रावत का ये बयान पर सीएम पुष्कर सिंह धामी भि तंज कसी- ऊन बोलि हरीश रावत मुंगेरीलाल का हसीन सपना दिखणा छिन प्रदेश मा कांग्रेस सरकार नि बनाणि च.
5. ऋषिकेश मा मिली लाल चंदन कु पेड़: ऋषिकेशक IDPL कॉलोनी मा लाल चंदन कु पेड़ मिली. हाल ही मा रिलीज फिल्म 'पुष्पा' कि पटकथा लाल चंदन की तस्करी पर आधारित च, यि लाल चंदन कू डालु करीब 15 साल बटि आईडीपील कॉलोनी मा जम्यु च, ये चंदन का डाला कि कीमत लाखों मा बतै जाणि च, वखि अब वन विभाग ये डाला कि सुरक्षा कनु च.
6. बीजेपी ना चार कार्यकर्ताओं थै पार्टी बटि करि निष्कासित: उत्तराखंड विधानसभा चुनौ मा पार्टी विरोधी गतिविधियों और अनुशासनहीनता का आरोप मा बीजेपी आलाकमान ना हरिद्वार का चार कार्यकर्ताओं थै छह साला खुण पार्टी बटि निष्कासित कयाल, यू मामला लक्सर विधायक संजय गुप्ता कू सोशल मीडिया मा वायरल एक वीडियो से जड़्यु च, जैमा वु प्रदेश अध्यक्ष मदन कौशिक पर गंभीर आरोप लगांदा दिखेन.
7. कोर्ट मा भोजनमाता प्रकरण मा दर्ज मुकदमो की सुनवै: उत्तराखंड हाईकोर्ट मा चंपावत का जीआईसी सूखीढांग भोजन माता प्रकरण की सुनवै, कोर्ट मा अभिभावक संघ अध्यक्ष सहित पांच अन्य लौखु का खिलाफ एससी एसटी एक्ट मा दर्ज मुकदमों थै निरस्त कना की याचिका पर सुनवै, कोर्ट ना अभिभावक संघ के अध्यक्ष सहित अन्य पांच लौखु की गिरफ्तारी पर लगै रोक, सरकार थै चार सप्ताह मा जवाब पेश कना कू दे आदेश.
8. पतंजलि योग ग्राम का नौ पर फर्जीवाड़ा: हरिद्वार स्थित पतंजलि योग ग्राम का नाम पर फर्जी बेवसाइट बणैकि ऑनलाइन बुकिंग और चिकित्सा का नौ पर धोखाधड़ी और फर्जीवाड़ा कना कू मामला समणि आई, जैका बाद पतंजलि योग पीठ ट्रस्ट और योग ग्राम का अधिकारी अम्बरीश कुमार ना ये मामला की शिकायत थाना सिडकुल पुलिस मा करि, वखि पुलिस अब ये मामला मा मुकदमा दर्ज करि जांच मा जुटी च.
9. हाईकोर्ट मा अधिवक्ता राजेश सूरी हत्या मामला की सुनवै: अधिवक्ता राजेश सूरी हत्या मामला की नैनीताल हाईकोर्ट मा वीडियो कॉन्फ्रेंसिंग का माध्यम से ह्वे सुनवै, कार्यवाहक मुख्य न्यायाधीश संजय कुमार मिश्रा व न्यायमूर्ति आरसी खुल्बे की खंडपीठ ना एसआईटी अध्यक्ष थै 16 मार्च तक जांच रिपोर्ट कोर्ट में पेश कना कू दे आदेश.
10. माघ पूर्णिमा पर हरकी पैड़ी मा उमड़ी श्रद्धालुओं की भीड़: माघ पूर्णिमा का पर्व पर हरिद्वार की हरकी पैड़ी मा स्नान कना वला श्रद्धालुओं की उमड़ी भीड़, माघ पूर्णिमा पर गंगा मा स्नान कन से श्रद्धालुओं थै हुंदि च पुण्य की प्राप्ति, ये दिन पर गंगा स्नान और दान कन से व्यक्ति का कटे जंदिन सबि पाप, मान्यता च कि माघ पूर्णिमा का दिन स्वयं भगवान विष्णु मां गंगा मा स्नान करदिन.
