उत्तराखंड मा समणि एन 15 नया मामलाः उत्तराखंड राज्य मां कोरोना कु लेकी फिलहाल राहत दिखाई द्याणि च. आज प्रदेश मा कोरोना का 15 नया मामला समणि एनी जबकि क्यू मौत नी व्याई. अबी प्रदेश मा कोरोना संक्रमितुं की कुल संख्यां 3,42,786च, जबकि यां से मन्न वालौ की संख्या 7,377 च.
सदन मा अनुपूरक बजट पेशः उत्तराखंड विधानसभा क मॉनसून सत्र क दूसर दिन सरकार न वर्ष 2021-22 कुन 5720.78 करोड़ रुपया कु अनुपूरक बजट पेश कौरी. मुख्यमंत्री धामी न अनुपूरक बजट पेश कौरी. केंद्र पोषित योजनाओं तैं 3178.87 करोड़ और बाह्य सहायतित योजनाओं तैं 56 करोड़ क प्रावधान किए ग्यै च. यैका दगड़ी प्रधानमंत्री ग्राम सड़क योजना तैं 570 करोड़ रुपए क प्रावधान रखी ग्याई च.
सदन मा रखी गैई 7 विधेयकः उत्तराखंड विधानसभा मॉनसून सत्र कु दूसर दिन सदन मा 7 विधेयक भी रखी ग्यैन. उच्च शिक्षा मंत्री डॉ. धन सिंह रावत न विधानसभा मा सदन समणि 3 विश्वविद्यालय कु जुड़े संसोधन विधेयक रखिन. डॉ. धन सिंह रावत न IMS यूनिसन विश्वविद्यालय, DIT विश्वविद्यालय, हिमालयन गढ़वाल विश्वविद्यालय क संशोधन विधेयक कु पुनर्स्थापित कैरी.
सदन कु दुसर दिन विपक्ष न दैई धरनाः उत्तराखंड विधानसभा सत्र कु दूसर दिन कार्रवाई शुरु होन से पैली विपक्ष न सदन कु बाहर बड़ू भारी हंगामा कौरी. विपक्ष कु विधायक न कई मुद्दों पर सरकार कु विरोध करनु कु विधानसभा क बाहर सीढ़ियों मा बैठी धरना दैई. दूसर दिन प्रश्नकाल मा सरकार न 18 प्रश्नु कु उत्तर दैई.
गौरा देवी कन्याधन योजना कु खातिर 38 हजार राशि स्वीकृतः मॉनसून सत्र कु दूसर दिन केदारनाथ विधायक मनोज रावत न गौरा देवी कन्याधन योजना तै वंचित तकरीबन 38,000 निर्धन कन्याओं कु बारा मा सदन मा सवाल उठैई. जैका जवाब देन खातिर खुद सीएम दौड़ी सदन मा एनी. सीएम धामी न बोली कि गौरा देवी कन्याओं कु खातिर 49.42 करोड़ रुपयों कु तत्काल स्वीकृत किये जालु.
प्रभारी हरीश रावत से मिलनू आल सिद्धू खेमे कु नेताः वखी, पंजाब कांग्रेस मा मची सियासी घमासान कु बाद बुधवार 25 अगस्त तैं नवजोत सिंह सिद्धू खेमे कु नेता देहरादून मा पंजाब प्रभारी हरीश रावत दगड़ मुलाकात करल. वखी हरीश रावत ने बोली कि मिते पता नी च कि पंजाब कांग्रेस कु कौन-कौन नेता मिलणु देहरादून आण वाल च.
किशोर कु सांकेतिक उपवास हरीश न दैई समर्थनः कांग्रेस क पूर्व प्रदेश अध्यक्ष किशोर उपाध्याय न वनाधिकार, ओबीसी आरक्षण, मुफ्त बिजली अर गैस सिलेंडर देने की मांग मा विधानसभा भवन कु बाहर दुई घंटा कु सांकेतिक उपवास रखी. विधानसभा भवन से पैल रिस्पना तिराहे पर भारी पुलिस बल न बैरिकेडिंग लगै किशोर उपाध्याय, सर्वदलीय नेताओं अर कार्यकर्ताओं कु रोक दैई. वखी किशोर उपाध्याय क समर्थन मा पूर्व सीएम हरीश रावत पोछिंन अर हक-हकूकों कु मांग कैरी.
BPEd, MPEd बेरोजगारों अर भोजन माताओं न कैरी विधानसभा कूचः देहरादून मा अपणु विभिन्न मांगु कु खातिर मंगलवार कु प्रदेशभर से आयां भोजन माताओं न विधानसभा कूच कैरी. भारी पुलिस बल न ऊंको बैरिकेडिंग लगाकर रोक दैई. इससे नाराज भोजन माताओं न राज्य सरकार कु खिलाफ जमकर नारेबाजी कैरी. वखी विद्यालय मा शारीरिक शिक्षक कु नियुक्ति की मांग कु खातिर बीपीएड, एमपीएड प्रशिक्षित बेरोजगार संगठन क बेरोजगारों न अर्धनग्न ह्वैकी विधानसभा कूच कैरी.
हिंसरियाखाल पोछिंन नैथानी कु 'जवाब दो सरकार' यात्राः पूर्व शिक्षा मंत्री मंत्री प्रसाद नैथानी कु 'जवाब दो सरकार' यात्रा ढोल दमाऊं कु साथ श्रीनगर हिंसरियाखाल पोछिंन. इ दौरान मंत्री प्रसाद नैथानी न कंधे मा सिलेंडर लैई ग्रामीणों कु साथ सरकार कु खिलाफ प्रदर्शन कैरी. नैथानी न सरकार पर रसोई गैस क कीमतें बढ़ाकर महिला सम्मान क नारे कु ठेस पहुंचाने कु आरोप लगैई.
गेस्ट टीचरों कु खातिर जल्द जारी होल बढ़े मानदेय कु शासनादेशः प्रदेश क अतिथि शिक्षकों कु बढ़े मानदेय कु शासनादेश जल्द जारी होल वाल च. शिक्षा मंत्री अरविंद पांडे न बोली कि जल्द ही अतिथि शिक्षकों कु मानदेय बढ़ाकर 15 हजार से 25 हजार करे जाल वाल शासनादेश जल्द जारी होण वाल च.
जूना अखाड़े क महामंडलेश्वर कु मरणु की धमकीः धर्मनगरी हरिद्वार क पंच दशनाम जूना अखाड़े क महामंडलेश्वर स्वामी प्रबोधानंद गिरी महाराज कु जान से मारने कु धमकी देन क मामला समणि आई च. उन्होंन खुद येंक जानकारी दैई. प्रबोधानंद गिरी महाराज न हरिद्वार एसएसपी अबुदई सेंथिल कृष्णराज एस पर गंभीर आरोप लगैई. महाराज न बोली कि उ तैं जान स मारने कु धमकी मिलनी च. यैंक शिकायत उन्होंन हरिद्वार एसएसपी से भी कैरी, लेकिन ऊंक शिकायत कु गंभीरता से नहीं ली गई च, उल्टा बिना बतैई ऊंक सुरक्षाकर्मी भी हटा दैई गयूं च.
₹66 लाख क ठगी कन्न वाल 'बॉबी इब्राहिम' गिरफ्तारः विदेश नस्ल क कुत्ते बिचणु कु नाम पर देहरादून निवासी महिला दगड़ी 66 लाख रुपया की धोखाधड़ी कन्न वालु साइबर क्रिमिनल 'बॉबी इब्राहिम' तैं उत्तराखंड एसटीएफ न कर्नाटक कु बेंगलुरु बिटीं गिरफ्तार कौरी. आरोपी सेंट्रल अफ्रीका कु रिपब्लिकन ऑफ कैमरून क रैण वालु च. शातिर अपराधी बॉबी इब्राहिम तैं पकड़न वाली पुलिस टीम कु DGP अशोक कुमार न 20 हजार रुपए का इनाम देण की घोषणा की च.
