अपणुं उत्तराखंड: दिनभर की खास खबर, एक नजर मा

दिनभर की खास खबर, एक नजर मा

उत्तराखंड मा तीरथ सिंह रावत मंत्रिमंडल कू शपथ ग्रहण समारोह का बाद आज शनिवार खुण प्रदेश अध्यक्ष मदन कौशिक, कैबिनेट मंत्री विशन सिंह चुफाल और गणेश जोशी शहीद स्थल पहुंचिन, जैका बाद ऊना शहीदों थै नमन कैरि बोली- शहीद राज्य आंदोलनकारियों का सुपन्या साकार कना कू करला भरसक प्रयास.

भाजपा मंडल का कार्यकर्ताओं ना विधायक गणेश जोशी थै कैबिनेट मंत्री बणै जाण पर अपणी खुशी कू इजहार करि, ढोल नगाड़ों की थाप पर पार्टी कार्यकर्ताओं ना करि डांस, एक-दूसरा थै खिले मिठे.

उत्तराखंड मा तीरथ सरकार ना बीजेपी सरकार का 4 साल पूरा हुण पर आयोजित कार्यक्रमों थै कि स्थगित कयाल, खास बात य छया कि इन कार्यक्रमों थै कि विधानसभा वार मनै जाण छाई. जैमा सरकार ना अपणि चार साल की उपलब्धियों थै जनता का समिण रखण छ्या.

मदन कौशिक थै बीजेपी कू प्रदेश अध्यक्ष बणयां जाण पर यूकेडी ना खड़ा करिन सवाल, गढ़वाल संयोजक मोहन काला ना बोली- प्रदेश थै पहाड़ और मैदान मा बंटणा कू काम कनि बीजेपी, पहाड़ी राज्य मा मैदानी अध्यक्ष किले?

दिल्ली से देहरादून आणि शताब्दी एक्सप्रेस की बोगी मा लगि आग, कांसरो स्टेशन का समीप ह्वे हादसा, राजाजी टाइगर रिजर्व और फायर बिग्रेड का जवानों ना समय रैंद आग पर पाई काबू, घटना मा कुई भी यात्री न ह्वाई हताहत.

रामनगर मा कॉर्बेट क्षेत्र से सट्या हाईवे पर हाथी की चहल कदमी कू वीडियो सोशल मीडिया पर खूब वायरल हुणु च, ई वीडियो रामनगर का छोई गांव से लग्या हाईवे कू बतै जाणु च, हाथी का हाईवे पर आण से सड़क का द्वि ओर वाहनों की कतार लगिं भी वीडियो मा दिखेणी च.

द्वि महीना की कड़ी मेहनत का बाद एसटीएफ ना उधम सिंह नगर का कुख्यात अपराधी गुरदीप सिंह और वैका द्वि साथियों से गिरफ्तार करि, यूं तिनयुं फर फिरौती, लूट, हत्या का कई मामला दर्ज छिन. आरोपियों का पास से एसटीएफ ना हथियार भी बरामद करिन.

काशीपुर पुलिस ना एटीएम मा डलणा खुण दियीं 16 लाख रुपये की नकदी हड़पण वला पांच आरोपियों थै करि गिरफ्तार, आरोपियों के पास से पुलिस को 10 लाख रुपए भी करिन बरामद, एक्सिस बैंका का शाखा प्रबंधक ना आरोपियों का खिलाफ 29 जनवरी खुण दर्ज करै छाई मुकदमा.