पीएम मोदी न करी बदरीनाथ-केदारनाथ पुनर्निर्माण कार्यूं कु निरीक्षण: प्रधानमंत्री नरेंद्र मोदी न आज केदारनाथ और बदरीनाथ पुनर्निर्माण कार्यूं कु वर्चुअली निरीक्षण करी. ये दौरान पीएम मोदी न बदरीनाथ मास्टर प्लान और केदारनाथ पुनर्निर्माण और विकास कार्यूं का बारा मा भी अधिकारियूं से विस्तार से जानकारी लिनी. ये दौरान वीडियो कॉन्फ्रेंसिंग का माध्यम से मुख्यमंत्री पुष्कर सिंह धामी, मुख्य सचिव एसएस संधू, केंद्रीय संस्कृति सचिव गोविंद मोहन न भी पीएम मोदी दगड़ि बात करी.
बदरीनाथ-केदारनाथ मा 2023 तक पुनर्निर्माण कार्य पूरा: पीएम मोदी का बदरीनाथ-केदारनाथ पुनर्निर्माण कार्यूं का निरीक्षण का दौरान मुख्य सचिव डॉ. एसएस संधू न प्रस्तुतीकरण दिनी. ये दौरान मुख्य सचिव डॉ. एसएस संधू न बथै केदारनाथ मा प्रथम चरण का पुननिर्माण कार्य पूरा ह्वे गीन. दूसरा चरण मा 188 करोड़ रुप्या से 21 काम होंणा छन. ज्या मा 3 काम पूरा ह्वे गीन. 6 काम दिसम्बर 2022 तक बच्यां काम भी पूरा ह्वे जाला. मुख्य सचिव एसएस संधू न बथै 2023 से पैली बदरीनाथ-केदारनाथ पुनर्निर्माण कार्य पूरा ह्वे जाला. .
विधानसभा मा बैकडोर भर्ती मामला मा सीएम धामी: उत्तराखंड विधानसभा मा बैकडोर भर्ती (Uttarakhand assembly backdoor recruitment)मामला मा मुख्यमंत्री पुष्कर सिंह धामी (CM Pushkar Singh Dhami) न बयान दिनी. मुख्यमंत्री धामी न बोली जु भी भर्ती नियम विरुद्ध होली, ऊंथै निरस्त किये जांण चयेंदु. दगड़ा मा ही सीएम धामी न दोषियूं पर कड़ी कार्रवाई का बात भी बोली. ऊंन बोली ये मामला मा ऊंन अपणी मंशा उत्तराखंड विधानसभा अध्यक्ष ऋतु खंडूड़ी थै पैली ही बथेयेली.
उत्तराखंड राज्य हज कमेटी अध्यक्ष बणीन खतीब अहमद: उत्तराखंड राज्य हज कमेटी अध्यक्ष (uttarakhand state haj committee) पद पर सदस्यों न सर्वसम्मति से खतीब अहमद मलिक (Khatib Ahmed Malik) थै चुणेली. ये दौरान शादाब शम्स व लक्सर विधायक शहजाद समेत अन्य लोखूं न फूल माला पैरे की खतीब अहमद कु स्वागत करी. चयन होंण का बाद हज सीमित अध्यक्ष खतीब अहमद मलिक, वक़्फ़ बोर्ड अध्यक्ष शादाब शम्स और सभी सदस्यूं न दरगाह साबिर पाक मा चादर पेश करी देशै अमन-ओ-अमानै दुआ मांगी.
हिमाचल चुनाव मा प्रचार करला उत्तराखंड का नेता: हिमाचल विधानसभा चुनाव मा उत्तराखंड भाजपा का नेता चुनाव प्रचार करला. ये मैना का आखिर मा 49 नेता हिमाचल जाला. उत्तराखंड का यू वरिष्ठ और अनुभवी नेता हिमाचल मा चुनाव प्रबंधनै कमान संभालला. केंद्रीय नेतृत्व न हिमाचल प्रदेशै 19 विधानसभा सीटूं पर उत्तराखंड का नेताऊं थै जिम्मेदारी दिनी.
देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
रोड सेफ्टी वर्ल्ड सीरीज मैचूं की टिकट फ्री: देहरादून मा रोड सेफ्टी वर्ल्ड सीरीज का मैचूं थै लेकी आयोजकूं न बड़ू तोहफा दिनी. रोड सेफ्टी वर्ल्ड सीरीज का आयोजकूं न मैच का टिकट फ्री (Tickets free of Road Safety World Series) करेन. आयोजकूं न बथै इंडिया लीजेंड्स का मैचूं का अलावा सबी मैचूं का टिकट फ्री होला. बथै द्या देहरादून क्रिकेट स्टेडियम (Dehradun Cricket Stadium) मा सड़क सुरक्षा का प्रति जागरूकता (Road Safety Awareness) थै लेकी या सीरीज आयोजित किये जांणी च. ई सीरीज मा 8 देशूं का लीजेंड्स खिलाड़ी हिस्सा लेंणा छन.
चारधाम यात्रा मा बढणी यात्र्यूं की संख्या: चारधाम यात्रा मा एक बार फिर से तीर्थयात्रियूं की संख्या बढ़ण लग गी. हालांकि मौसम खराब होंण का कारण यात्रियूं थै परेशानी भी होंणी च. यां का बाद भी बदरीनाथ, केदारनाथ, गंगोत्री व यमुनोत्री धाम मा यात्र्यूं की संख्या दिनों-दिन बढणी च. अक्टूबर मैना मा दीपावली तक हेली सेवा की बुकिंग भी फुल ह्वे गीन.
उत्तराखंड मा कोरोना का मामला: उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 27 नया मामला समणि ऐनी, ज्या का बाद प्रदेश मा कोरोना संक्रमितू की संख्या 104,005 ह्वे गी, जबकि यां से मन्न वालौ की संख्या 331 च.
