प्रदेश मा 9 नया कोरोना मरीज मीलिन: उत्तराखंड में बीता 24 घंटे क भितर कोरोना क 9 नया मरीज मिली छन जबकि, 4 मरीज ठीक ह्वैकन घर लौटी ग्येन. वखी, अबी प्रदेश मा एक्टिव केसों क संख्या 119 पौंची ग्ये च. राहत क बात ई च कि पिछला 24 घंटे मा एक बी कोरोना मरीज क मौत नी ह्वाई च. जिलेवार बात करां त पिछला 24 घंटे मा नैनीताल मा 4 नया मरीज, हरिद्वार मा द्वी, देहरादून मा एक, पौड़ी गढ़वाल मा 1 अर उधमसिंह नगर मा 1 नया कोरोना संक्रमित मिली च.
धामी क भौरी चंपावत बिटीं नामांकन: चंपावत उपचुनाव कु लेकी मुख्यमंत्री पुष्कर सिंह धामी न नामांकन कर दियाली. ये सीट पन 31 मई कु उपचुनाव ह्वाल अर 3 जून तैं नतीजा आल. बतै द्यां कि धामी खटीमा सीट बिटीं चुनाव हारी ग्यै छै यैकुन अब उपचुनाव ह्वाण छन. चंपावत बिटीं बीजेपी विधायक कैलाश गहतोड़ी न धामी कु लेकी अपरी सीट छोड़ी च. वखी, नामांकन कन कु बाद सीएम धामी न रोड शो बी कौरी अर जनसभा कु संबोधित भी कौरी. ये दौरान ऊन बोली कि ऊ चंपावत की जनता तैं धन्यवाद बोलना चांदन क्योंकि ऊन कबी नी सोची छै कि चंपावत क लोग ऊंकी मदद करला.
कांग्रेस न जारी कौरी 30 स्टार प्रचारकों की सूची: चंपावत विधानसभा सीट पन 31 मई कु होण वाल उपचुनाव कु लेकी कांग्रेस न 30 स्टार प्रचारकों क सूची जारी कौरी च. पार्टी की स्टार प्रचारकों का सूची मा राहुल गांधी अर प्रियंका गांधी वाड्रा क नाम भी शामिल च. ये सूची मा राष्ट्रीय महासचिव केसी वेणुगोपाल, राष्ट्रीय महासचिव मुकुल वासनिक, राष्ट्रीय महासचिव रणदीप सिंह सुरजेवाला, प्रदेश प्रभारी देवेंद्र यादव, प्रदेश अध्यक्ष करन माहरा, नेता प्रतिपक्ष यशपाल आर्य दगड़ी पूर्व मुख्यमंत्री हरीश रावत अर पूर्व मंत्री हरक सिंह रावत कु नाम बी शामिल च. बतै द्यां कि पार्टी क अधिकृत प्रत्याशी निर्मला गहतोड़ी 11 मई तैं अपरा नामांकन दाखिल करली.
धार्मिक स्थलों तैं बम से उड़ान क धमकी मीली: रुड़की रेलवे स्टेशन अधीक्षक तैं एक धमकी भरू पत्र मिली च, जैमा रुड़की रेलवे स्टेशन क दगड़ी 6 अन्य स्टेशन अर बड़ा धार्मिक स्थलों तैं बम से उड़ान की धमकी दी ग्यै च. पत्र मा मुख्यमंत्री धामी कु नाम भी लिखी ग्यै च. पत्र मा खुद तैं जैश-ए-मोहम्मद आतंकी गैंग क एरिया कमांडर बतान वाल व्यक्ति न 21 मई कु रुड़की रेलवे स्टेशन दगड़ी लक्सर, हरिद्वार, देहरादून, ऋषिकेश, काठगोदाम, मुरादाबाद अर बरेली रेलवे स्टेशनों तैं बम से उड़ान की धमकी देई च. येका दगड़ी हरिद्वार क धार्मिक स्थल मनसा देवी, हरकी पैड़ी, चंडी देवी, कनखल दक्ष मंदिर और पिरान कलियर तैं भी निशाना बनान की बात बोली त. धमकी मिलन क बाद पुलिस अर इंटेलिजेंस ब्यूरो क टीम जांच पड़ताल मा जुट ग्यै छन.
पत्र भेजन वालु मानसिक रूप सी बीमार: वखी, बम से उड़ान की धमकी देन वालु मामला मा डीजीपी अशोक कुमार न बोली कि प्रारंभिक जांच मा पता चली च कि यू काम क्वी मानसिक रूप से बीमार व्यक्ति कु च. पत्र मा लिखी ग्यै भाषा मा धमकी पैली बी भेजी ग्यै च. डीजीपी न बतै कि धमकी देन वालु व्यक्ति क्वी खुरापाती दिमाग च जू पिछला 20 सालों बिटीं हरिद्वार-रुड़की रेलवे स्टेशन सहित धार्मिक स्थलों तैं बम से उड़ाने कु लेकी पत्र भेजत रैंदू च. हालांकि, ये धमकी तैं पुलिस हल्का मा नी लेणी च, राज्य क महत्वपूर्ण स्थानों पर सुरक्षा क पुख्ता बंदोबस्त किये जाणा छन.
1 लाख 56 हजार से ज्यादा श्रद्धालु पौंचिन चारधाम: उत्तराखंड में चलण लगीं चारधाम यात्रा मा अबी तक 1 लाख 56 हजार से ज्यादा यात्री दर्शन कर चुक्यां छन. 3 मई बिटीं शुरू ह्वाई यात्रा मा अबी तक गंगोत्री मां 41,643, यमुनोत्री मा 39,144, केदारनाथ मा केवल तीन दिनों मा 59,473 अर बदरीनाथ मा केवल पहला दिन ही 16,542 श्रद्धालुओं न दर्शन कौरी. बतैं द्यां कि ये आंकड़ा 8 मई तक छन.
यात्रा मार्ग पन तीर्थयात्रियों की मौत: वखी, यमुनोत्री पैदल मार्ग पन सोमवार तैं द्वी और तीर्थयात्री की हृदय गति रुकन से मौत ह्वै ग्याई. ये द्वी यात्री बैंगलोर कर्नाटक अर नासिक महाराष्ट्र निवासी छै. अब तक यमुनोत्री धाम क यात्रा पन अयां 11 तीर्थयात्रियों की मौत ह्वै ग्याई च. वखी, गंगोत्री धाम की यात्रा पन अयां तीन तीर्थयात्री की मौत अबतक ह्वाई च. केदारनाथ मा 4 दिनों मा 5 श्रद्धालुओं की स्वास्थ्य कारणों से मौत ह्वाई च.
शक्तिमान घोड़े मौत मामला पन सुनवै: प्रदेश क बहुचर्चित शक्तिमान घोड़े मौत मामला मा आज एक बार फिर नैनीताल हाईकोर्ट मा सुनवै ह्वाई. कोर्ट न मामला मा सीजेएम कोर्ट देहरादून बिटीं बरी पांच आरोपियों क खिलाफ मुकदमा दर्ज कन अर ये संबंध मा केस की सारी फाइल याचिकाकर्ता तैं दिलाए जान कु लेकी दायर याचिका पन सुनवै कौरी. न्यायमूर्ति आलोक कुमार वर्मा की एकलपीठ न गृह सचिव तैं निर्देश देई छन कि याचिकाकर्ता क प्रत्यावेदन तैं चार हफ्ते का भितर निपटारा करां. नैनीताल हाईकोर्ट मा होशियार सिंह बिष्ट न यू याचिका दायर कौरी च.
अघोषित बिजली कटौती कु लेकी आक्रोश: उत्तराखंड मा अघोषित बिजली कटौती अर बिल मा बढ़ोतरी कु लेकी सुराज सेवादल क कार्यकर्ताओं न देहरादून ऊर्जा भवन कूच कौरी, पर पुलिस ने प्रदर्शनकारियों तैं ऊर्जा भवन क गेट पन ही रोक देई. वखी रोका जान से नाराज प्रदर्शनकारी भवन क भितर जान की जिद पन अड़ी ग्यैन. ये दौरान प्रदर्शनकारियों न थाली पीटी कन ऊर्जा विभाग क खिलाफ जोरदार नारेबाजी कौरी. प्रदर्शनकारियों न आरोप लगै कि यूपीसीएल और पिटकुल क एमडी अनिल कुमार न कई भ्रष्टाचार कौरीन, ऊंका मामलों क जांच एसआईटी या सीबीआई करा.
देवप्रयाग मोटर मार्ग पर मीली शव: वखी, देवप्रयाग मोटर मार्ग पर सबधरखाल इलाका मा कुंडाधार क पास एक युवक कु शव मीली. युवक की पैचाण पौड़ी क एमआईसी रोड वार्ड नंबर 8 निवासी चंद्रमोहन का रूप मा ह्वाई च. बतै जाण च कि युवक बाइक मा देहरादून जाणा छै, तभी बीच रास्ता मा दिल का दौरा पड़न कु कारण वैकी मौत ह्वै ग्यै. पुलिस ने शव तैं पोस्टमार्टम कु भेज देई च.
