1. श्रद्धालुओं खुण खोले गिन केदारपुरी का रक्षक भुकुंट भैरवनाथ का कपाट: आज वेद ऋचाओं और मंत्रोच्चारण का साथ खोल दिये गिन केदारपुरी का रक्षक भुकुंट भैरवनाथ का कपाट, वखि कपाट खुना का बाद सैंकड़ों की संख्या मा केदारपुरी पौंच्या श्रद्धालुओं ना भगवान भैरवनाथ की करि पूजा-अर्चना. भैरवनाथ मंदिर का कपाट खुना का बाद ही केदारनाथ मंदिर मा विधिवित रूप से पूजा और आरती शुरू किये जाणा कि चली आणी च परंपरा. आज रात बटि बाबा केदार की होली पहली आरती.
2. पूर्व विधायक ना खुद करि छाई निर्मला गहतोड़ी का नौ की पेशकश: चंपावत उपचुनौ खुणा आगामी 31 मई का मतदान होलु, वखि बीजेपी प्रत्याशी का तौर पर मुख्यमंत्री पुष्कर सिंह धामी ये सीट से चुनौ लड़ना छिन, वखि ये सीट पर कांग्रेस कू कमजोर प्रत्याशी थै मैदान मा उतना का बीच उपनेता प्रतिपक्ष भुवन कापड़ी ना बड़ू खुलासा करि, ऊन बोली- पूर्व विधायक हेमेश खर्कवाल ना खुद ही करि छाई निर्मला गहतोड़ी थै चुनौ लड़ौने की पेशकश.
3. खटीमा मा सीएम धामी थै मिली हार कू ग्रामीणों न करि प्रयाश्चित: उत्तराखंड विधानसभा चुनौ मा सीएम पुष्कर सिंह धामी थै खटीमा विधानसभा सीट बटि हार मिली छै, जैका बाद वु चंपावत सीट से उपचुनौ लड़ना छिन. वखि खटीमा विधानसभा का सीमांत गौ मेलाघाट, सिसैया, बंधा, बलुआ, खैरानी, बगुलिया और खिलड़िया का ग्रामीणों ना धामी थै मिली चुनावी हार कू करि प्रयाश्चित, शारदा नहर मा सामूहिक रूप से ग्रामीणों ना ल्याई सांकेतिक जल समाधि.
4. केदारनाथ यात्रा मार्ग पर लगि भारी जाम: केदारनाथ यात्रा शुरू हुणा का साथ ही यात्रा मा दिखेण लगिन अव्यवस्थाएं, रुद्रप्रयाग-गौरीकुंड राष्ट्रीय राजमार्ग पर लगि भयानाक जाम, जैसे केदारनाथ यात्रा पर अयां यात्री भी दिखेन परेशान, गौरीकुंड से सोनप्रयाग तक सड़क पर रिंगणा छिन यात्री वाहन, ट्रैफिक प्लान थै लेकि पुलिस प्रशासन का दावा ह्लेनि हवा, यात्रा मार्ग पर जगा जगा लग्यूं च जाम.
5. वनाग्नि कू बागवानी और कृषि पर दिखी असर: उत्तराखंड मा ये साल वनाग्नि की घटनाओं कू बागवानी और कृषि पर दिखे ग्या असर, श्रीनगर गढ़वाल मा काश्तकारों की फलों और औषधीय पौधों का अलावा जड़ी बूटियों थै पौंचि अच्छु खासू नुकसान, वनाग्नि का चलदा जमीन की नमी भी ह्वे कम, अदरक, लाखण, प्याज और आलू जन जमीना भितर उगण वलि फसलों थै भि ह्वे नुकसान.
6. कोटद्वार का ट्रंचिंग ग्राउंड मा कूड़ा पर द्वि दिनों से लगि आग: नगर निगम कोटद्वार का गाड़ीघाट स्थित ट्रंचिंग ग्राउंड मा द्वि दिनों से कूड़ा का ढेर मा लगि आग, जैका वजह से लौखु थै सांस लिणा मा हुणि च खासी दिक्कत, वखि नगर निगम का अधिकारी ये मामला मा नि दिखेणा छिन गंभीर, महज दिशा निर्देश दिण तक ही सिमित छिन अधिकारी, लौखु ना नगर निगम से आग बुझौण की करि मांग.
7. तीर्थनगरी ऋषिकेश मा चले ग्या अतिक्रमण हटाओ अभियान: तीर्थनगरी ऋषिकेश मा एम्स रोड पर हुयां अतिक्रमण का खिलाफ पुलिस प्रशासन ना चलाई अभियान, रेहड़ी पटरी और ठेली वलों का कियां अतिक्रमण लेकि नगर निगम थै लगातार मिनी छाई शिकायत, पुलिस प्रशासन और नगर निगम की टीम मा मिलिकि एम्स रोड पर हुयां अतिक्रमण पर कार्रवाई, बुलडोजर की मदद से कई झुग्गियों मा चनि अवैध दुकानों थै किये ग्या ध्वस्त.
8. बुजुर्ग से लूट मामला कू पुलिस ना करि खुलासा: देहरादून पटेल नगर थाना क्षेत्र मा एसबीआई बैंक का समणि बुजुर्ग से दिनदिहाड़े ह्वाई तीन लाख की लूट मामला कू पुलिस ना करि खुलासा, दिल्ली का द्वारिका स्थित एक होटल बटि पुलिस ना द्वि आरोपियों थै करि गिरफ्तार, गिरफ्तार आरोपियों मा से एक जाट रेजीमेंट कू जवान, IPL मा सट्टा लगाणा की लत पूरी कना खुण वारदात थै दे छाई अंजाम.
9. अल्मोड़ा मा बेरोजगार युवाओं ना भरी हुंकार: अल्मोड़ा मा सेना भर्ती रैली और द्वि साल पेलि हुई सेना भर्ती की लिखित परीक्षा न करै जाण से नाराज युवाओं ना निकाली हुंकार रैली, बेरोजगार युवाओं ना गांधी पार्क मा एकत्रित ह्वेकि जोरदार नारेबाजी का साथ करि प्रदर्शन, मांग पूरी ना हुण पर बेरोजगार युवाओं ना द्याई उग्र आंदोलन की चेतावनी.
10. भौल सुबेर खोले जाला भगवान बदरी विशाल का कपाट: उत्तराखंड का विश्व प्रसिद्ध चारधामों मा एक मोक्षधाम भगवान बदरी विशाल का भौल यानि 8 मई का दिन खोले जाला कपाट, सुबेर 6 बजि का शुभमूहर्त पर श्रद्धालुओं का दर्शनार्थ खोले जालु बदरीनाथ मंदिर, जोशीमठ नृसिंह बदरी मंदिर मा वैदिक पूजा अनुष्ठान का बाद भगवान बदरी विशाल की गद्दी और गाडू घड़ा मुख्य पुजारी रावल का सानिध्य मा पौंच ग्याई बदरीनाथ धाम.
