1. फिर डराण लग्यूं कोरोना: उत्तराखंड मा बीता 24 घंटा क भितर कोरोना क 18 नया मरीज मीली छन जबकि, 6 मरीज ठीक ह्वै कन घर लौटी ग्येन. अबि प्रदेश में कोरोना एक्टिव केसों क संख्या 114 पौंची च पर राहत क बात यू च कि पिछला 24 घंटे मा एक बी कोरोना मरीज क मौत नी ह्वाई, पर ये साल अबी तक 275 मरीजों क मौत ह्वै च. जिलेवार बात करां त पिछला 24 घंटा मा देहरादून बिटीं 16 नया मरीज मीली छन जबकि हरिद्वार मा 1 कोरोना संक्रमित मीलिन.
2. चारधाम यात्रा कू आगाज: उत्तराखंड मा आज से विश्व प्रसिद्ध चारधाम यात्रा कू आगाज ह्वे गाई, आज सबसे पेलि गंगोत्री धाम का कपाट वैदिक मंत्रोच्चार का साथ खुले गिन. अक्षय तृतीया पर गंगोत्री धाम का कपाट खुलणा का साथ ही चारधाम यात्रा की विधिवत शुरुवात भी ह्वे ग्या. वखि येसे पेलि मां गंगोत्री की चल विग्रह डोली गंगोत्री धाम पौंचि, बड़ी संख्या मा श्रद्धालुओं ना गंगा मां का जयकारो से चल विग्रह डोली कू स्वागत करि.
3. खोले गिन गंगोत्री, यमुनोत्री धामक कपाटः अक्षय तृतीया का मौका पर आज विधि विधान से खोले गिन गंगोत्री और यमुनोत्री धाम का कपाट, ये मौका पर मुख्यमंत्री पुष्कर सिंह धामी ना सपत्नीक करिन मां गंगा का दर्शन और पूजा-अर्चना, सीएम धामी ना मां गंगा से करि प्रदेश की खुशहाली की कामना. वखि द्विया धामों मा प्रधानमंत्री मोदी का नाम से किये ग्ये पहली पूजा.
4.उत्तराखंड दौरा मा योगी आदित्यनाथ: तीन दिवसीय उत्तराखंड दौरा पर उत्तरप्रदेश का मुख्यमंत्री योगी आदित्यनाथ, यमकेश्वर का गोरक्षक राजकीय महाविद्यालय मा सीएम योगी ना एक कार्यक्रम मा ब्रह्मलीन महंत अवैद्यनाथ जी की मर्ति कू करि अनावरण, वखि गुरू थै याद करेकि भावुक देखन योगी आदित्यनाथ.
5. चंपावत उपचुना खुण पार्टियों न शुरू करिन तैयरी: चंपावत मा उपचुनौ खुण तारीखों कू ऐलान ह्वे ग्याई, वखि राजनीतिक दलों ना भि उपचुनौ खुण अपणी तैयरी तेज कैरदिन, जख मुख्यमंत्री धामी कू पेलि बटि चंपावत मा डेरा डलयु च, वखि अब कांग्रेस और आम आदमी पार्टी ना भि अपणा प्रत्याशी का चयन की कसरत तेज कयालि. कांग्रेस ना प्रत्याशी का चयना खुण तीन सदस्यीय टीम बणै छाई, जल्द ही कांग्रेस अपणा प्रत्याशी का नौ की घोषणा करलि.
6. कुंवर चैंपियन न विधायक उमेश कुमार कु बतैई रेपिस्ट!: खानपुर का पूर्व भाजपा विधायक कुंवर प्रणव सिंह चैंपियन ना विधायक उमेश कुमार पर करि आपत्तिजनक टिप्पणी. चैंपियन न वर्तमान विधायक उमेश कुमार थै बताई रेपिस्ट. चैंपियन ना बोली कि खानपुर का वर्तमान विधायक पर कई गंभीर आरोप छिन. इलेक्शन का दौरान भी ऊंना झूठू शपथ-पत्र दैई छाई, जैकू केस उत्तराखंड हाईकोर्ट में चलणु च. जल्द ही खानपुर विधायक क विधायकी जालि अर खानपुर मा उपचुनाव होलु.
7. उत्तराखंड मा हर्षोल्लास क साथ मनैई ईद-उल-फितर: देशभर मा ईद-उल-फितर क त्योहार हर्षोल्लास क साथ मनै ग्या. मस्जिदों मा अकीकदमंद भारी भीड़ उमड़ी. यन मा उत्तराखंड मा भी ईल-उल-फितर की खूब रौनक दिखे ग्याई. प्रदेश का ईदगाह मा लौखुन ईद की नमाज अदा कैरी. रमजान का पाक महीना मा रोजा रखणा का बाद मुस्लिम समाज का लौखुन भाईचारे अर अमन क पैगाम का तौर पर ईद क त्योहार मनाई और एक-दूसरा का गला लगिकी ईद की बधै दै.
8. खोह नदी मा डूबने से चार दोस्तों की मौत: कोटद्वार की खोह नदी मा डूबण से चार लौखु की मौत ह्वै गाई. यि सबि लोग ईद मनाणु खुण बिजनौर का नगीना बिटिक कोटद्वार अया छाई. बतै जाणु च कि ईद का मौका पर नगीना बिजनौर बिटिक 8 लोग कोटद्वार घूमणा खुण अया छा. ये दौरान दुर्गा देवी मंदिर दुग्गडा का पास नहेणा दौरान चार लौखु की नदी मा डूबण से मौत ह्वे गाई, जबकि, द्वि लोग गंभीर रूप से घायल छिन जौकू कोटद्वार बेस अस्पताल मा इलाज चनु च.
9. खटीमा हत्याकांड मा चार आरोपी गिरफ्तार: उधमसिंह नगर जिला का खटीमा मा सोमवार एक युवक कू शव मिल छाई, जैका बाद पुलिस ना ये हत्याकांड कू खुलासा कयालि, युवक की हत्या वैका ही दोस्त ना कैरि छाई, ये काम थै अंजाम दिणा मा पंजाब का द्वि बदमाशों ना वेकु साथ दैई, हत्या कू कारण प्रेम प्रसंग बतै जाणु च, पुलिस ना ये मामला मा मा मुख्य आरोपी समेत चार लौखु की गिरफ्तार कयालि.
