फिर डराण लग्यूं कोरोना: उत्तराखंड मा बीता 24 घंटा क भितर कोरोना क 18 नया मरीज मीली छन जबकि, 21 मरीज ठीक ह्वै कन घर लौटी ग्येन. अबी प्रदेश में कोरोना एक्टिव केसों क संख्या 103 पौंची च पर राहत क बात यू च कि पिछला 24 घंटे मा एक बी कोरोना मरीज क मौत नी ह्वाई, पर ये साल अबी तक 275 मरीजों क मौत ह्वै च. जिलेवार बात करां त पिछला 24 घंटा मा देहरादून बिटीं 11 नया मरीज मीली छन जबकि नैनीताल मा 4, अल्मोड़ा मा 2 अर हरिद्वार मा 1 कोरोना संक्रमित मीलिन.
31 मई कु ह्वालु चंपावत उपचुनाव: चंपावत विधानसभा उपचुनाव क तारीख कु ऐलान ह्वै ग्याई च. 31 मई कु मतदान होलु अर 3 जून कु नजीता समणि आला. 4 मई कुन चुनाव आयोग अधिसूचना जारी करल अर नामांकन की आखिरी तिथि 11 मई ह्वाल. नामांकन वापस लेण क तारीख 17 मई च. बतै द्यां कि खटीमा बिटीं चुनाव हरण कु बाद मुख्यमंत्री पुष्कर सिंह धामी क किस्मत ये उपचुनाव पर टिकीं च. बीजेपी बिटीं कैलाश गहतोड़ी न धामी कुन अपणी सीट छोड़ी च.
योगी पौंचला अपणा घौर: उत्तरप्रदेश क मुख्यमंत्री योगी आदित्यनाथ भ्वाल 3 मई बिटीं तीन दिन कुन उत्तराखंड दौरा पर आणा छन. यूपी क दूसरी बार मुख्यमंत्री बनण कु बाद योगी आदित्यनाथ क यू पैला उत्तराखंड दौरा च. ऊं का दौरे कु लेकी सबी तैयारी पूरी कर ली ग्याई छन. वखी हरिद्वार मा दोनों राज्यों क बीच बैठक मा परिसंपत्ति क विधिवत रूप बिटीं आवंटन बी करै जालु.
जंगलों कु आग से निपटण कुन बैठक: उत्तराखंड क जंगलों मा लगीं आग से बचण कुन सीएम पुष्कर सिंह धामी न वन विभाग क अधिकारियों दगड़ी बैठक लेई. ये दौरान सीएम न जंगल मा आग से ह्वाई नुकसान क आंकलन कन्न क निर्देश देन. मुख्यमंत्री न बोली कि वनाग्नि तैं रुकण कुन प्रभावित जनपदों मा उच्चाधिकारियों तैं नोडल अधिकारी बणै जा. जनपदों मा डीएफओ लगातार क्षेत्रों का भ्रमण कौरी अर वन विभाग, राजस्व, पुलिस व अन्य संबंधित विभागों क साथ ही जन सहयोग बी लिये जा. मुख्यमंत्री न वनाग्नि तैं रुकण कुन अल्मोड़ा क शीतलाखेत मॉडल अपनाण कुन बोली च.
बाघ सिंह तैं अंतिम विदाई: जम्मू-कश्मीर क गांदरबल जिले में श्रीनगर-लेह हाईवे पर शनिवार कु सेना क वाहन पलटना कु कारण चमोली जिले क थराली निवासी बाघ सिंह क निधन ह्वै ग्यै छै. ऊं तैं पूरा सैन्य सम्मान क साथ देवाल क पिंडर कैल संगम पर अंतिम विदाई दे ग्याई. ऊं का बड़ा भाई राजेंद्र सिंह न ऊं तैं मुखाग्नि देई.
3 मई बिटीं चारधाम यात्रा शुरू: मां गंगा क उत्सव डोली अपणा शीतकालीन प्रवास स्थल मुखबा सी गंगोत्री धाम कु रवाना ह्वै च. पारंपरिक रीति-रिवाज अर आर्मी बैंड की धुन क दगड़ी मां गंगा क डोली तैं ग्रामीणों ने विदाई देई. अब मंगलवार अक्षय तृतीया क पावन पर्व पर वैदिक मंत्रोच्चार क साथ गंगोत्री धाम के कपाट विधि-विधान से खोली जालु. यमुनोत्री धाम क कपाट बी भ्वाल ही खुलला. वखी यात्रा पन आण वाल श्रद्धालुओं क सुविधा कु लेकी सरकार जुटीं च. पर्यटन मंत्री सतपाल महाराज ने बोली कि यात्रा मा आन वालु श्रद्धालुओं तैं मास्क जरूरी च, साथ मा सैनिटाइजर का इस्तेमाल भी अनिवार्य च.
धाम कु रवाना ह्वाई बाबा केदार क डोली: द्वादश ज्योतिर्लिंग मा अग्रणी भगवान केदारनाथ की पंचमुखी चल विग्रह उत्सव डोली शीतकालीन गद्दीस्थल ओंकारेश्वर मंदिर ऊखीमठ बिटीं केदारनाथ धाम कु रवाना ह्वै ग्याई च. केदारनाथ की पंचमुखी चल विग्रह उत्सव डोली प्रथम रात्रि प्रवास कु विश्वनाथ मंदिर गुप्तकाशी पौंची. विभिन्न यात्रा पड़ावों पन भक्तों तैं आशीर्वाद देण कु बाद डोली पांच मई तैं केदारनाथ धाम पौंचली. 6 मई सुबेर 6 बजी कन 25 मिनट पर भगवान केदारनाथ क कपाट ग्रीष्मकाल तैं खोल दिये जालु.
करोड़ों क चूना लगाण वालु गिरफ्तार: उत्तराखंड क अलग-अलग इलाकों मा एक करोड़ 60 लाख रुपया की ठगी कन वालु शातिर अपराधी रविंद्र पुत्र श्यामलाल कु पुलिस न हरियाणा क करनाल बिटीं गिरफ्तार कौरी. आरोपी क खिलाफ हरिद्वार जिला क खानपुर थाना मा मुकदमा दर्ज छै. आरोपी रविंद्र पन आरोप च कि वेन 2019 मा स्क्रोल इंडिया नाम की फर्जी कंपनी बनै थै अर लोगूं तैं अपणा कंपनी मा निवेश कन कु बाद पैसों तैं 40 दिन मा डबल कन कु झांसा देतु छै. हरिद्वार क लक्सर क्षेत्र क कई लोग ये झांसा मा ऐ ग्याई छै. यै मा लक्सर क एक वकील भी शामिल छा.
पौड़ी अर खटीमा मा शव बरामद: पौड़ी जिले मा ऋषिकेश क पास लक्ष्मण झूला थाना क्षेत्र मा खैरखाल क पास खाई मा एक युवती कु शव मीली. शव काफी दिन पुराना लग्णू छै. एसडीआरएफ की मदद क बाद शव तैं खाई बिटीं निकाली ग्याई. अबी शव की शिनाख्त नी ह्वाई च. वखी उधमसिंह नगर जिले क खटीमा कोतवाली क्षेत्र मा एक युवक की गला रेतकर हत्या ह्वाई च. युवक कु शव 17 मिल पुलिस चौकी क्षेत्र मा सुरई रेंज क जंगल मा मीली. मृतक की शिनाख्त जमौर गांव निवासी 30 वर्ष मोहम्मद आरिफ पुत्र अब्दुल का रूप मा ह्वाई च.
ईद कु लेकी उत्साह: ईद उल फितर कु लेकी प्रदेशभर मा उत्साह देखण कुन मिलण च. रमजान का पाक मैणा पूरा होण क बाद मंगलवार 3 मई तैं ईद मनै जाली. येकुन उत्तराखंड पुलिस न अलर्ट जारी कौरी च. राज्य क सबी संवेदनशील इलाकों मा अतिरिक्त पुलिस बल लगाई ग्यै च. यैका दगड़ी सड़कों पर ईद क नमाज नी कौरी जाली. नमाज मस्जिद अर ईदगाह मा ही ह्वाली.
