1. सरकार ना चारधाम यात्रा खुण यात्रियों की संख्या करि निर्धारित: उत्तराखंड मा चारधाम यात्रा का सुगम संचालन थै लेकि आगामी 45 दिनों खुण राज्य सरकार ना चरि धामों मा यात्रियों की संख्या करि निर्धारित, गंगोत्री धाम मा एक दिन में 7 हजार और यमुनोत्री धाम में चार हजार श्रद्धालु कैर सकदिन दर्शन, वखि केदारनाथ धाम में प्रतिदिन 12 हजार और बदरीनाथ धाम में प्रतिदिन 15 हजार यात्री कैर सकदिन दर्शन, अबतक द्वि लाख से ज्यादा श्रद्धालुओं ना चारधाम यात्रा खुण कराई रजिस्ट्रेशन.
2. सीएम धामी ना सिद्धपीठ मां सुरकंडा देवी मंदिर मा रोपवे सेवा कू करि शुभारंभ: मुख्यमंत्री पुष्कर सिंह धामी ना आज सिद्धपीठ मां सुरकंडा देवी मंदिर मा रोपवे सेवा कू करि शुभारंभ, जैका बाद मुख्यमंत्री ना मां सुरकंडा देवी का मंदिर मा पूजा-अर्चना कैरि प्रदेश की खुशहाली और सुख-समृद्धि की करि कामना. सीएम धामी ना बोली- तीर्थाटन और पर्यटन की संभावनाओं थै देखिकि जल्द धनौल्टी क्षेत्र मा बणै जालु हेलीपैड.
3. देव संस्कृति विश्वविद्यालय मा वृक्षारोपण कार्यक्रम कू आयोजन: शांतिकुंज स्वर्ण जयंती वर्ष व्याख्यान माला श्रृंखला मा देव संस्कृति विश्वविद्यालय परिसर मा पर्यावरण संरक्षण और वृक्षारोपण कू कार्यक्रम, ये समारोह मा महाराष्ट्र का पूर्व मंत्री सुधीर मुनगंटीवार ना मुख्य अतिथि का रूप मा करि शिकरत, वखि दिल्ली बटि लौटणा वक्त हेलीकॉप्टर मा आई तकनीकी खराबी का कारण सीएम धामी नि ह्वे सकिन कार्यक्रम मा शामिल, वीडियो संदेश का जरिये विश्वविद्यालय थै कार्यक्रम का सफल आयोजन की देनि बधाई.
4. द्वि समुदायों का बीच पथराव मामला मा 10 आरोपी गिरफ्तार: काठगोदाम का शीशमहल क्षेत्र मा ब्याल राति हनुमान चालीसा कू पाठ करि लौटणा बजरंग दल का कार्यकर्ताओं पर समुदाय विशेष का लौखुन करि पथराव, जैका बाद आज घटना का विरोध मा हिंदू संगठनों ना करि महापंचायत, घटना थै लेकि लौखु मा रोष, अबतक पुलिस ना ये मामला मा 10 आरोपियों थै करि गिरफ्तार.
5. चमोली मा वाहन दुर्घटना मा द्वि लौखु की मौत: चमोली का बिरही-निजमुला मोटरमार्ग पर गाड़ी गांव पुल का पास अनियंत्रित ह्वेकि गेदेरा मा गिरी मैक्स, मैक्स मा 13 लोग छाई सवार, दुर्घटना मा द्वि लौखु की मौका पर ही मौत, घायल 11 लौखु थै इलाजा खुण ल्ये ग्या जिला अस्पताल गोपेश्वर, घायलों मा तीन की हालत नाजुक.
6. चट्टान टूटण से बदरीनाथ राष्ट्रीय राजमार्ग पर आवाजाही बाधित: बदरीनाथ राष्ट्रीय राजमार्ग-7 पर बिरही और कौड़िया का बीच सड़क पर टूटिकी गिरी चट्टान, जैका बाद हाईवे पर आवाजाही बाधित, सड़क का द्वि ओर लगी वाहनों की लंबी कतार, अपणा वाहनों का भितर बैठिकी ही यात्री कना छिन मार्ग खुलणा कू इंतजार, निर्माणदायी संस्था का कर्मचारी बोल्डर थै हटेकि रस्ता खुना कू कना छिन प्रयास.
7. ऋषिकेश-बदरीनाथ हाईवे-58 मा यात्री वाहन दुर्घटनाग्रस्त: ऋषिकेश-बदरीनाथ हाईवे-58 पर यात्री वाहन और एसयूवी कार का बीच ह्वे भीषण टक्कर, यै हादसा मा बीच सड़क पर पलटि यात्री वाहन, दुर्घटना मा वाहन सवार द्वि यात्री घायल, घायल यात्रियों थै 108 एंबुलेंस वाहन की मदद से इलाजा खुण ल्ये ग्या बेस अस्पताल श्रीकोट, द्विया घायलों कू अस्पताल मा चनु च इलाज.
8. रेलवे विकास निगम करलु क्षतिग्रस्त चौरास स्टेडियम कू निर्माण: एचएनबी गढ़वाल केंद्रीय विवि का क्षतिग्रस्त चौरस स्टेडियम बनणा की एक बार फिर से जगी आस, केदारनाथ आपदा का दौरान क्षतिग्रस्त ह्वे छाई स्टेडियम, विवि का निवेदन पर रेलवे विकास निगम ना स्टेडियम बनाणा खुण भरी हामी, येका अलावा रेलवे विकास निगम स्टेडियम का रस्ता और सुरक्षा दीवार कू भी करालु निर्माण.
9. डोल आश्रम अल्मोड़ा मा अक्षया तृतीया का दिन से होलु भव्य अनुष्ठान: विश्व कू सबसे बड़ू श्रीयंत्र खुण प्रसिद्ध अल्मोड़ा का डोल आश्रम मा अक्षय तृतीया से होलु भव्य पूजा पाठ और अनुष्ठाना कू कार्यक्रम, ये आयोजन थै सफल बनाणा खुण काशी, मथुरा समेत देश के नामी सिद्धपीठों से डोल आश्रम पौंचला साधु-संत, अक्षय तृतीया से आगामी 16 मई तक आश्रम मा चललु कार्यक्रम.
10. केदारनाथ तेल कलश यात्रा थै किये जाणु च पुनर्जीवित: चारधाम यात्रा मा सालों से चलि आणी परंपरा थै दुबरा कायम कना कू प्रयास, इबर दा बाबा केदार की डोली का दगणि तेल कलश यात्रा पौंचलि केदारनाथ धाम, केदारनाथ पंच पंडा समिति रुद्रपुर की ओर से पूर्व परंपरा तेल कलश यात्रा थै किये जाणु च पुनर्जीवित, रुद्रप्रयाग का तीन गांवों से वाद्य यंत्रों दगणि केदारनाथ धाम पौचलि तेल कलश यात्रा.
