1. चारधाम आण वला यात्रियों खुण आरटी पीसीआर टेस्ट की अनिवार्यता खत्म: उत्तराखंड मा भैर बटि चारधाम यात्रा खुण आण वला यात्रियों और श्रद्धालुओं थै प्रदेश सरकार ना दे बड़ी राहत, अब यात्रा खुण आण वला पर्यटकों और श्रद्धालुओं कू आरटी पीसीआर टेस्ट नि होलु अनिवार्य, सीएम पुष्कर सिंह धामी का निर्देश पर मुख्यसचिवडॉ. एसएस संधू ना अधिकारियों दगणि बैठक मा ले फैसला, हालांकि, यात्रियों थै पर्यटन विभाग द्वारा संचालित पोर्टल पर पंजीकरण कराणु पेला तराह ही अनिवार्य च.
2. मंदिर समितियों मा जारी करि देव डोलियों कू प्रस्थान कू कार्यक्रम: उत्तराखंड मा 3 मई से शुरू हुणि च चारधाम यात्रा, यन मा यात्रा से पेलि मंदिर समितियों ना देव डोलियों कू प्रस्थान और रूट संबंधी जानकारी करि सार्वजनिक, श्री बदरीनाथ-केदारनाथ मंदिर समिति और गंगोत्री एवं यमुनोत्री मंदिर समिति ना जारी करि शेड्यूल, मंदिर समिति का मीडिया प्रभारी डॉ. हरीश गौड़ ना दै सूचना.
3. सरकारी स्कूलों मा 1.21 लाख बच्चों ना ल्याई एडमिशन: उत्तराखंड सरकार और शिक्षा विभाग की मुहिम लाई रंग, ये शिक्षा सत्र मा प्रदेश का सरकारी विद्यालयों में अबतक करीब 1 लाख 21 हजार बच्चों ना कराई एडमिशन, शिक्षा मंत्री डॉ. धन सिंह रावत ना बोली- हमर लक्ष्य च कि 1 लाख 50 हजार छात्र-छात्राएं ये सत्र मा सरकारी विद्यालयों मा ल्याया प्रवेश. प्रदेश मा सबसे ज्यादा एमडिशन कराण वला 10 स्कूलों थे किये जालु सम्मानित,
4. चारधाम यात्रा खुण पेलु जत्था हरिद्वार बटि रवाना: धर्मनगरी हरिद्वार से चारधाम यात्रा खुण गुजरात से अयां श्रद्धालुओं कू पेलु जत्था माया देवी मंदिर का प्रांगण से रवाना ह्वे आज, प्रदेश सरकार का प्रतिनिधि का रूप मा पूर्व कैबिनेट मंत्री स्वामी यतीश्वरानंद ना यात्रियों थै चारधाम यात्रा खुण करि रवाना, चारधाम यात्रा थै लेकि श्रद्धालुओं मा दिखेणु च खासा उत्साह.
5. घौर मा घुसयां गुलदार का शावक थै वन विभाग की टीम ना करि रेस्क्यू: उत्तराखंड का जंगलों मा लगि आग से बढ़िन वन्यजीव संघर्ष की घटनाएं, आज डोईवाला का रानीपोखरी मा एक घार बाथरूम मा घुसी गुलदार कू शावक, यना मा घौरवलों ना गुलदार थै बाथरुम मा करि बंद, सूचना पाकर मौका पर पौंचि वन विभाग की टीम ना गुलदार का शावक थै करि रेस्क्यू.
6. परीक्षा कराणा की मांग थै लेकि कॉलेज बिल्डिंग मा चढ़िन छात्र: रुद्रपुर डिग्री कॉलेज मा बैंकिंग एंड फाइनेंस कोर्स की परीक्षा कराणा की मांग थै लेकि कॉलेज बिल्डिंग मा चढ़िन तीन छात्र, वखि, छात्रों का समर्थन मा अन्य छात्रों ना कॉलेज का मुख्य गेट का अगने करि प्रदर्शन, छात्रों की बिल्डिंग मा चढ़ना की सूचना से कॉलेज प्रशासन मा मचि हड़कंप, वखि परीक्षा कराणा का आश्वसन का बाद बिल्डिंग से उतरिन तीनी छात्र.
7. रैंगिग मामला मा एक बार फिर सुर्खियों मा आई मेडिकल कॉलेज हल्द्वानी: रैंगिग मामला मा एक बार फिर सुर्खियों मा आई मेडिकल कॉलेज हल्द्वानी, एंटी रैगिंग कमेटी ना एक छात्र की शिकायत पर इंटर्न का एक छात्र थै हॉस्टल से करि बाहर, साथ ही रैंगिग का आरोपी छात्र पर लगाई 30 हजार रुपया कू जुर्माना. यैका दगणि एंटी रैंगिग कमेटी ना छात्र की 3 महीना की इंटर्नशिप पर भी लगाई रोक.
8. 760 नशीला इंजेक्शनों का दगणि तीन आरोपी गिरफ्तार: नशा का खिलाफ चलयां अभियान मा रुड़की की सिविल कोतवाली पुलिस थै मिली बड़ी कामयाबी, चेकिंग का दौरान तीन आरोपियों का पास से मिलिन 760 नशीला इंजेक्शन, तलाशी मा तीनी आरोपियों का पास से 11 हजार रुपये से ज्यादा की नकदी भी बरामद, आरोपियों का खिलाफ एनडीपीएस एक्ट मा दर्ज किये ग्या मुकदमा.
9. राफ्टिंग का दौरान गंगा मा बौगिन द्वि युवतियों थै करि रेस्क्यू: ऋषिकेश मा राफ्टिंग का दौरान गंगा नदी का तेज बहाव मा बौगिन द्वि युवतियां, भारतीय सेना का जवानों ना द्वि युवतियों थै रस्सी का सहारे करि रेस्क्यू, वखि सोशल मीडिया मा खूब वायरल हुणु च यू रेस्क्यू कू वीडियो, जैमा दिखणु च कि राफ्टिंग टीमा का एक सदस्य की सूझबूझ से डूबणा से बचिन द्विया युवती.
10. दुर्लभ प्रजाति का घायल सफेद उल्लू थे वन विभाग ना करि रेस्क्यू: बेरीनाग मा पिंगलीनाम मंदिर का पास घायल अवस्था मा मिली दुर्लभ प्रजाति कू सफेद उल्लू, ग्रामीणों की सूचना पर मौका पर पौचि वन विभाग की टीम ना दुर्लभ उल्लू थै करि रेस्क्यू, पशु चिकित्सालय बेरीनाग मा घायल उल्लू कू किये जाणु च इलाज.
