फिर डराण लग्यूं कोरोना: उत्तराखंड मा बीता 24 घंटा क भितर कोरोना क 21 नया मरीज मीली छन जबकि, 7 मरीज ठीक ह्वै कन घर लौटी ग्येन. अबी प्रदेश में कोरोना एक्टिव केसों क संख्या 103 पौंची च पर राहत क बात यू च कि पिछला 24 घंटे मा एक बी कोरोना मरीज क मौत नी ह्वाई. पर ये साल अबी तक 275 मरीजों क मौत ह्वै च.
अब नी चलली लेटलतीफी: सरकारी विभागों मा अधिकारी अर कर्मचारियों क लेटलतीफी की लंबा वक्त बिटीं मिलणी शिकायतों पन अब मुख्यमंत्री पुष्कर सिंह धामी न सख्ती दिखै च. सीएम न मुख्य सचिव एसएस संधू तैं निर्देश द्याई छन कि कुछ यन व्यवस्था लागू कौरी जाय, जैका बाद सबी लोग वक्त पन दफ्तरों मा हाजिर हों. मुख्यमंत्री क निर्देश क बाद अब फिर सी सबी सरकारी विभागों मा बायोमेट्रिक अटेंडेंस शुरू कौर दी ग्याई च.
पीएम मोदी क नाम पैली पूजा: 3 मई बिटीं चारधाम यात्रा कु आगाज ह्वाण च. चारों धामों मा पैली पूजा प्रधानमंत्री नरेंद्र मोदी क नामक की जाली. पर्यटन मंत्री सतपाल महाराज न बतै च कि चारों धामों मा हम सबी क आराध्य देव छन अर पीएम मोदी क चारों धामों क प्रति अपार आस्था है. जैका बाद प्रधानमंत्री के नाम से चारों धामों में कपाट खुलन कु बाद पैली पूजा ह्वाली. ये पूजा देश की खुशहाली अर विकास क कामना कु लेकी कौरी जाली.
धामी सरकार मा जारी च बदलाव: धामी सरकार का दूसरा पारी मा अधिकारियों क जिम्मेदारियों मा बदलाव क सिलसिला जारी च. अब शासन न द्वी आईएएस अर 1 पीसीएस अधिकारी कु तबादला कौरी च. आईएएस पंकज कुमार पांडे तैं अब सचिव सूक्ष्म लघु एवं मध्यम उद्योग की जिम्मेदारी अर सौजन्या कु सूचना प्रौद्योगिकी एवं विज्ञान प्रौद्योगिकी की नई जिम्मेदारी दी ग्याई छन. वखी, पीसीएस अधिकारी मनीष बिष्ट तैं चंपावत क डिप्टी कलेक्टर बनै कन भेजी जाणु च.
चलणा च बुलडोजर: देहरादून-मसूरी मार्ग क किनारा पन अतिक्रमण अर निर्माण कु लेकर जिला प्रशासन न कार्रवाई शुरू कर देई च. एसडीएम सदर मनीष कुमार और एसडीएम मसूरी नरेश चंद्र दुर्गापाल क नेतृत्व मा अतिक्रमण हटान की कार्रवाई की ग्याई. मसूरी देहरादून रोड पन लोक निर्माण विभाग न 26 अवैध निर्माण तैं चिन्हित कौरी छै, जैं तै ध्वस्त कौरी ग्याई. ये का दगड़ी मसूरी देहरादून विकास प्राधिकरण की टीम न देहरादून क जाखन मा एक निर्माणाधीन चार मंजिला इमारत पन भी कार्रवाई कौरी. इमारत क नीचे क तीन फ्लोर तैं सील कौरी ग्यै, जबकि चौधी निर्माणाधीन मंजिल तैं ध्वस्त कौरी द्यै ग्यै च.
अवैध कॉलोनियों पर चौली बुलडोजर: वखी, अवैध कॉलोनियों क प्लॉटिंग पन लगातार हरिद्वार रुड़की विकास प्राधिकरण एक्शन ल्याण च. प्राधिकरण क विशेष टीम न सुमन नगर रानीपुर क्षेत्र क 5 कॉलोनियों मा बुलडोजर चलै. ये दौरान प्लॉटिंग की ग्याई सबी कॉलोनियों मा बणी सड़कें अर खंभों तैं ध्वस्त कौरी द्यै च. येका दगड़ी ई अवैध कॉलोनी क प्लॉटिंग कन वालों तैं नोटिस बी जारी कौरी ग्यै च.
'आप' क प्रदेश अध्यण बणी बाली: प्रदेश कार्यकारिणी तैं भंग कन क एक दिन बाद आम आदमी पार्टी न दीपक बाली तैं नया प्रदेश अध्यक्ष नियुक्त कौरी च. दीपक बाली ये ये पैली कैंपेन कमेटी क संयोजक रह चुकेन. वखी, नई जिम्मेदारी मिलन कु बाद बाली न बोली कि एक हफ्ता क भितर ऊ नई कार्यकारिणी का गठन करला. बता द्यां कि उत्तराखंड विधानसभा चुनाव मा आम आदमी पार्टी न सबी 70 सीटों पन चुनाव लौड़ी छै पर एक भी सीट नी जीत सकी छै.
5 कुंतल मिलावटी पनीर पकड़ी: उत्तराखंड मा यात्रा सीजन क शुरुआत होण क साथ ही दूध, दही, मावा अर पनीर मा मिलावट खोरों की सक्रियता बौढ़ी ग्यै च. सिंथेटिक दूध से लेकी नकली पनीर अर मावा जैसा खाद्य सामग्री होटल व रेस्टोरेंट मा दिए जाण की शिकायत पन देहरादून खाद्य सुरक्षा टीम न कार्रवाई कौरी. टीम न उत्तर प्रदेश क रामपुर बिटीं उत्तराखंड मा सप्लाई होण वाल दुग्ध उत्पादों की चेकिंग कौरी जैमा 5 कुंतल मिलावटी पनीर पकड़ी ग्याई. प्रारंभिक जांच तैं पनीर क सैंपल लेकी रुद्रपुर भेजी ग्यै च.
जलणा छन कुमाऊं का जंगल: पूरा उत्तराखंड इन दिनों आग का धधकणा छन. बीता 24 घंटा मा कुमाऊं मंडल मा आग की 52 घटनाएं समणि आई छन. जैमा 73 हेक्टेयर वन संपदा जौली कन राख ह्वै ग्याई च. वखी ये जंगल की आग मा एक व्यक्ति भी झुलस ग्यै च. डीएम धीराज सिंह गर्ब्याल न घोषणा कौरी च कि जंगल मा आग लगाण वाल व्यक्ति क संबंध मा जानकारी द्याण वालु तैं ₹10 हजार क इनाम दिये जालु.
दून मा एक क बाद एक चेन झपटमारी: देहरादून मा काली पल्सर बाइक पर सवार द्वी बदमाशों न महज 4 घंटे क भीतर 5 महिलाओं क चेन लूटी जबकि, एक महिला खुद तैं बचाण मा कामयाब ह्वाई. पहली घटना हर्रावाला चौकी क्षेत्र क मियांवाला त च, दूसरी रायपुर क्षेत्र क आईटी पार्क मा ह्वाई, तीसरी थाना कैंट क्षेत्र क कौलागढ़ मा, चौथी घटना थाना पटेल नगर क्षेत्र क अंतर्गत पित्थूवाला मा घटी, पांचवीं थाना प्रेम नगर क्षेत्र क ठाकुरपुर गांव मा ह्वाई जबकि छठी लूटमारी घटना मा बदमाशों न थाना सेलाकुई क्षेत्र क अंतर्गत शिक्षिका कुसुम थापा तैं शिकार बणाई. पुलिस क हाथ अबी खाली छन.
