1. चारधाम यात्रा खुण भैर बटि आण वला यात्रियों की होली कोरोना जांच: उत्तराखंड की विश्व प्रसिद्ध चारधाम यात्रा 3 मई बटि शुरू ह्वे जालि, जैका चलदा 3 मई का दिन यमुनोत्री और गंगोत्री धाम का कपाट श्रद्धालुओं खुण खोल दिये जाला. वखि 6 मई का दिन केदारनाथ और 8 मई का दिन बदरीनाथ धाम का कपाट भी खुले जाला, जु भि भक्त चारधाम की यात्रा कन चांदु ऊथे जल्द रजिस्ट्रेशन कराण पड़लु, वखि अन्य राज्यों बटि आण वला श्रद्धालुओं थै कोरोना जांच करवाण पड़लि.
2. मुख्यमंत्री योगी आदित्यनाथ कू उत्तराखंड दौरा: उत्तरप्रदेश का मुख्यमंत्री योगी आदित्यनाथ 3 से 5 मई तक उत्तराखंड दौरा पर राला, ये दौरान सीएम योगी गृह क्षेत्र यमकेश्वर समेत अलग-अलग कार्यक्रमों मा शिरकत करला, वखि हरिद्वार मा यूपी-उत्तराखंड का बीच परिसंपत्तियों कु बंटवारा का तहत अलकनंदा होटल थै भी सीएम योगी उत्तराखंड का सुपुर्द करला. साथ ही सीएम योगी हरिद्वार मा बणया यूपी सरकार का नया होटल कू भी अनावरण करला.
3. आउटसोर्स स्वास्थ्य कर्मचारियों थै मिललु सेवा विस्तार: उत्तराखंड मा कोरोना संक्रमण का बढ़दा मामलों का बीच सरकारन एक बड़ू फैसला लियालि,. अब कोरोना काल का दौरान आउटसोर्स स्वास्थ्य कर्मचारियों थै एक बार फिर सेवा कना कु मौका मिललु, छह महीना खुण सरकार आउटसोर्स कर्मचारियों कू सेवा विस्तार कन जाणि च.
4. धर्मसंसद हेट स्पीच मामला मा तीसरी गिरफ्तारी: हरिद्वार धर्म संसद हेट स्पीच मामला मा सुप्रीम कोर्ट की फटकार का बाद हरकत मा आई हरिद्वार पुलिस, हेट स्पीच मामला मा हरिद्वार पुलिस ना दिनेशानंद भारती थै करि गिरफ्तार, ये मामला मा वसीम रिजवी उर्फ जितेंद्र नारायण त्यागी जेल मा छिन बंद वखि स्वामी यति नरसिंहानंद गिरि थै ये मामला मा कोर्ट से जमानत मिलीं च.
5. महाराज ना बीजेपी संगठन की बैठक मा उठाई ACR कू मुद्दा: उत्तराखंड मा बीजेपी सरकार गठन का बाद से ही उत्तराखंड मा अधिकारियों की ACR थै लेकि लगातार आवाज उठाण वला कैबिनेट मंत्री सतपाल महाराज कू समणि आई बड़ू बयान. महाराज ना बोली- संगठन स्तर की बैठक मा भी एसीआर मामला मा ह्वे अहम चर्चा, बीजेपी का राष्ट्रीय संगठन महामंत्री बीएल संतोष का संज्ञान मा भि च मामला, विभागीय मंत्री थै ही मिलण चैंदु को विभागीय सचिव की एसीआर लिखणा कू अधिकार.
6. हरिद्वार मा शांति भंग कन वलों का खिलाफ प्रशासन सख्त: हरिद्वार का डाडा जलालपुर गौं मा हनुमान जयंती की शोभायात्रा पर हुया पथराव का विरोध मा काली सेना की महापंचायत का ऐलान का बाद पुलिस-प्रशासन अलर्ट च, हरिद्वार डीएम रवि शंकर पांडेय न बोली- महापंचायत थै लेकि आयोजकों की ओर से नि लिये ग्या कू अनुमति, मौके पर पर्याप्त पुलिस बल तैनात, शांति भंग कना वलों का खिलाफ होली कार्रवाई.
7. सोनिया आनंद रावत ना नगर निगम मा करि जमकर हंगामा: गूंज संस्था की अध्यक्ष सोनिया आनंद रावत ना देहरादून नगर निगम पौंचिकि जमकर करि हंगामा, मेयर सुनील उनियाल गामा थै राजेश्वर नगर पार्क मामला मा खूब सुणाई खरी खोटी. सोनिया आनंद रावत कू आरोप च कि मेयर ना नियमों थै ताक पर रखकि करि पार्क कू निर्माण, नगर निगम की जमीनों थै किये जाणु च खुर्द-बुर्द.
8. हरिद्वार मा पुलिस ना करि सेक्स रैकेट कू भंडाफोड़: एसओजी और एंटी ह्यूमन ट्रैफिकिंग सेल की टीम ना हरिद्वार की पॉश कॉलोनी मा सेक्स रैकेट कू करि भंडा फोड़, मौका से चार कॉलगर्ल का दगणि तीन युवकों थै पुलिस ना करि गिरफ्तार, जस्ट डायल का माध्यम से होटल लीज पर लेकि यख चनु छाई सेक्स रैकेट.
9. बाजपुर मा फायरिंग से एक युवक की मौत: करोड़ों की लेनदेन का विवाद मा बाजपुर मा द्वि पक्षों का बीच ह्वे फायरिंग, फायरिंग से एक लड़का की मौका पर ही दर्दनाक मौत, वखि घटना मा कनिष्ठ प्रमुख समेत 3 लोग घायल, कनिष्ठ प्रमुख तजिंदर सिंह उर्फ जंटू कू नेत्र प्रकाश शर्मा दगणि पाल ग्रिड स्टोन क्रशर थै लेकि चनु छाई विवाद, सूचना पर पौंचि पुलिस अब ये मामला की कनि च छानबीन.
10. कैबिनेट मंत्री रेखा आर्य ना काटी गेंहू की फसल: विकासनगर मा कैबिनेट मंत्री रेखा आर्य कू दिखी नयु रूप, केदारवाला मा महिलाओं दगणि खेतों मा पौंचि रेखा आर्य ना काटी गेंहू की फसल, सोशल मीडिया मा खूब वायरल हुणु च वीडियो.
