त्रिवेंद्र सरकार न पेश करी 57 हजार करोड़ कु बजट
आज गैरसैंण विधानसभा सत्र का दौरान मुख्यमंत्री त्रिवेंद्र सिंह रावत न 57 हजार करोड़ कु बजट पेश करी. रमेश पोखरियाल निशंक का बाद त्रिवेंद्र दूसरा मुख्यमंत्री रयां जूं बजट पेश करी. बजट मा स्वरोजगार, शिक्षा और किसानों कु ध्यान रखी गे.
गैरसैंण बणिं तीसरु मंडल, शामिल ह्वेन चार जिला
बजट पेश करदी दां सीएम त्रिवेंद्र सिंह रावत न गैरसैंण ते तीसरु मंडल घोषित करी. इंका साथ ही गैरसैंण मा चमोली, बागेश्वर, अल्मोड़ा औऱ रुद्रप्रयाग शामिल करी गे.
द्वी लाख किसानों ते 13 अरब से ज्यादा ब्याज मुक्त लोन
आज बजट पेश करदी दां सीएम त्रिवेंद्र सिंह रावत न द्वी लाख किसानों ते 13 अरब से ज्यादा कु ब्याज मुक्त लोन कु ऐलान करी.
विपक्ष न बजट ते बते विकास विरोधी
त्रिवेंद्र सरकार कु पांचवां बजट पर विपक्ष न प्रतिक्रिया दे. पूर्व मुख्यमंत्री हरीश रावत न बोली कि यू बजट निराश कन्न वलु च. जेमा न युवों ते कुछ च न आम लौखुं ते और न ही रोजगार पर ध्यान दे गे.
जूना और किन्नर अखाड़ा की पेशवाई
आज धर्मनगरी हरिद्वार मा सबसे बड़ा जूना और किन्नर अखाड़ा की पेशवाई निकाली गे. जेमा संत लोग रथ और घोड़ा मा सवार नजर ऐन. पेशवाई का दौरान संत अलग-अलग रंग मा नजर ऐन.
बच्चों ते अगला सप्ताह बटि मिलेली छात्रवृत्ति
शैक्षणिक वर्ष 2019-2020 मा छात्रवृत्ति खुंण आवेदन कन्न वला पिछड़ा वर्ग का बच्चों ते समाज कल्याण विभाग बटि अगला सप्ताह मा छात्रवृत्ति दी जाली. विभाग न ऑनलाइन सत्यापन कु काम पूरु करेली.
