देश मा कोरोना कू कहर
देश मा कोरोना कू कहर रुकण कू नाम नि लेणु च. अब तक देश मा कोरोना का 90 हजार से ज्यादा केस ऐ गिन. वखी, मन्न वलो की संख्या 2872 ह्व़े गी. हालांकि 34 हजार से ज्यादा लोग ठीक भी ह्व़े गिन.
देश मा 31 मई तक लॉकडाउन-4!
लॉक डाउन 4 कू केंद्र सरकार आज रात तक कर सकदी ऐलान. खबर लिखे जाण तक मोदी सरकार न नि ले छो फैसला. यन उम्मीद च कि कुछ छूट का साथ 31 मई तक बढ़ सकदू लॉक डाउन.
वित्त मंत्री न आर्थिक मोर्चा पर ले कई फैसला
वित्त मंत्री निर्मला सीतारमण न आज आखिरी राहत क़िस्त कू ऐलान करी. उन ऐलान करी कि अब सभी क्षेत्र निजी कंपनियों ते खोली जाला. इंसे पेहली दिन उन रक्षा क्षेत्र मा एफडीआई, 'वन नेशन वन कार्ड' समेत कई बड़ा ऐलान करिन.
पेहली बार 12 तक हर कक्षा ते एक चैनल
स्कूली बच्चों की ऑनलाइन पढ़े ते सरकार न 12 चैनल शुरू कन्नो फैसला ले. आज वित्त मंत्री निर्मला सीतारमण न ऐलान करी कि 'वन क्लास वन चैनल' योजना का तहत 12 नया चैनल जल्दी ही शुरू करी जाला.
ऋषिकेश मा मिली एक और कोरोना मरीज
उत्तराखंड मा भी कोरोना का केस लगातार बढ़ना छिन. ब्याली रात एक नौना मा कोरोना वायरसे पुष्टि ह्व़े. जेका बाद प्रदेश मा कोरोना पीड़ितों की संख्या पोंछी 92. हालांकि राहत वली बात यू च कि अब तलक 51 मरीज ठीक ह्व़े गिन.
क्वारंटाइन मा एक मेहला मौत, हड़कम्प
पौड़ी जिला का कोटद्वार स्थित रेवा गौ मा क्वारंटाइन का दौरान 85 साले एक मेहला की मौत ह्व़े गी. जेका बाद स्वास्थ्य विभाग मा हड़कम्प च. बते जाणु च कि वू मेहला कुछ दिन पेहली दिल्ली बटी अपणु घोर पोंछी छे.
पौड़ी
क्वारंटाइन सेंटर मा नाबालिग नौनी दगड़ी छेड़छाड़
पौड़ी जिला का पाबौ ब्लॉक का क्वारंटाइन सेंटर मा नाबालिग नौनी दगड़ी एक 24 सालक नौना न छेड़छाड़ करी. पीडिता का शिकायत पर पुलिस न वेते गिरफ्तार करे ली.
खनन नि होण से सरकार ते भारी नुकसान
हल्द्वानी मा फ़िलहाल खनन कार्य शुरू ह्व़े गी. लेकिन कोरोना लॉक डाउन का कारण पिछला द्वी मेहना से खनन कू काम बंद छो. जेका कारण सरकार ते बडू आर्थिक नुकसान ह्व़े.
लॉक डाउन मा फंसी विदेशी ते भायी पहाड़
लॉक डाउन का कारण जू जख छो. वखि फंस गी. यन ही इंग्लैंड कू माइकल भी उत्तरकाशी मा पिछला द्वी मेहना से फसयूं च. लेकिन अब वेते पहाड़े दिनचर्या खूब भांणी च. वू अपणु दोस्त और लोकल दिवाकर नैथानी दगडी घास कटनौ जांदू और गोरुं ते खिलोंदु भी च. साथ ही और कई काम भी करदू.
अमेरिका मा लाइव शो कल्ली उत्तरखंडे बेटी शिकायना
उत्तराखंडे बेटी शिकायना मुखिया जल्द ही अमेरिका का एक ऑनलाइन शो मा भाग लेली. वू एक अंग्रेजी गाणु गेकी अपणु जलवा बिखेरली. देहरादून डालनवाला की रोण वली च शिकायना.
