24 घंटे मा कोरोना का 3525 नया केस
देश मा अब तलक 74 हजार से ज्यादा लोग कोरोना से संक्रमित. 2415 लोखुं मौत ह्व़े गी. पिछला 24 घंटा मा ही 3525 नया केस ऐ गिन. वखी, ब्याली पीएम मोदी न देश ते संबोधित करी और 20 लाख करोडे आर्थिक पैकेज कू ऐलान करी. साथ ही लॉक डाउन 4 कू भी संकेत दिनी.
वित्त मंत्री- लॉकडाउन का बाद गरीब कल्याण योजना कू ऐलान
पीएम मोदी का सम्बोधन का ठीक अगला दिन यानी आज वित्त मंत्री निर्मला सीतारमण न 20 लाख करोड़ पैकेज कू ऐलान करी. उन बोली कि लॉक डाउन का तुरंत बाद ही गरीब कल्याण योजना कू होलू ऐलान. इंका अलावा रोज नया पैकेज का बारा मा दी जाली जानकारी.
देहरादून मा आज मिली एक और कोरोना मरीज
देहरादून का रायपुर मा एक 52 साले मेहला मा कोरोना संक्रमण की पुष्टि ह्व़े. बते जाणु च कि मेहला कुछ दिन पेहली दिल्ली बटी अपणु इलाज करिकी लौटी छे देहरादून.
उत्तराखंड कैबिनेट न ले 4 अहम फैसला
आज सीएम त्रिवेंद्र सिंह रावते अध्यक्षता मा कैबिनेट बैठक ह्व़े. जेमा 4 अहम फैसला पर मुहर लगी. साथ ही कैबिनेट न पीएम मोदी ते आर्थिक पैकेजे घोषणा पर आभार जते.
व्यवसायियों ते फिक्स चार्ज मा 3 मेहने छूट
उत्तराखंड विधानसभा मा रखे जालू केंद्र सरकार कू कृषि, पशुधन, संविदा खेती और सेवा अधिनियम 2018 कू अध्यादेश. वायलर जांच मा छूट सीमा 3 माह तक बढे जाली. इंका अलावा लॉकडाउन का दौरान होटल, रेस्टोरेंट और ढाबा व्यवसाय मा फिक्स चार्ज पर 3 मेहने छूट दे जाली.
प्रदेश और जिला सेवा का कर्मचारियूं कू एकीकरण
आनलाइन विद्युत बिल देंण पर मिलेली 1% की छूट. उत्तराखंड चिकित्सा स्वास्थ्य परिवार कल्याण निदेशालय और जिला सेवाओं का कर्मचारियूं कू एकीकरण होलू. जेमा करीब 655 कर्मचारी आला.
द्वी दिन का भीतर हल्द्वानी पोंछ्ला 1700 प्रवासी
द्वी दिन का भीतर करीब 1,700 प्रवासी स्पेशल ट्रेन मा उत्तराखंड पोंछ्ला. 1 या द्वी दिन का भीतर कुमाऊं का लालकुआं रेलवे स्टेशन पर पोंछ्ली ट्रेन.
द्वी दिन मा 2,600 प्रवासी पोंछिन हरिद्वार
महाराष्ट्र और गुजरात मा फस्यां करीब 2600 प्रवासी द्वी ट्रेन मा पोंछिन हरिद्वार. हालांकि ब्याली देर शाम द्वी प्रवासियों मा कोरोना का लक्षण मिलिन. जेका बाद उन्ते आईसोलेशन मा भर्ती करी गे. आज उन्कू ब्लड सैंपल टेस्ट खुंण भेजी गे.
31 मई तक कर सकदिन जीप-2020 परीक्षा कू ऑनलाइन आवेदन
उत्तराखंड का सरकारी या गैर सरकारी पॉलिटेक्निक संस्थानों मा दाखिला खुंण संयुक्त प्रवेश परीक्षा (जीप-2020) की आवेदने तारीख बढ़ गी. अब छात्र 31 मई तक कर सकदिन ऑनलाइन आवेदन.
आदिगुरु शंकराचार्य की गद्दी बदरीनाथ ते रवाना
आदिगुरु शंकराचार्य की गद्दी और गाडू घड़ा, नृसिंह मंदिर बटी पांडुकेश्वर ते रवाना. गद्दी पांडुकेश्वर मा रात्रि विश्राम का बाद अगला दिन बदरीनाथ धाम पोंछ्ली. फिर 15 मई सुबेर 4 बजकर 30 मिनट पर खुलला बदरीनाथ धाम का कपाट.
