राजस्थान मा 31 बीएसफ जवानों ते कोरोना
देश मा कोरोना कू प्रकोप लगातार बढ़णु च. आज राजस्थान मा 31 बीएसफ जवानों मा कोरोना की पुष्टि ह्व़े. भारत मा अब तक कोरोना से 1694 लोखुं मौत. 14183 लोग होयां ठीक. त 49391 लोखुं मा कोरोना.
हिजबुल कू टॉप कमांडर रियाज समेत 4 आतंकी ढेर
जम्मू कश्मीर का पुलवामा जिला मा सुरक्षा बलों न मुठभेड़ मा हिजबुल कू टॉप कमांडर रियाज नाइकू ते मार गिरे. वेका साथ तीन और आतंकी भी ह्या ढेर. भारतीय सेना न रियाज पर रख्यु छो 12 लाख रुपए कू इनाम.
सोशल मीडिया पर सीएम मौते अफवाह, मुकदमा दर्ज
सीएम त्रिवेंद्र सिंह रावत की निधने अफवाह फैलन वला का खिलाफ पुलिस न दर्ज करी मुकदमा. बते जाणु च कि आज सुबेर केन फेसबुक पर सीएमे मौते अफवाह फैले. जेका बाद पुलिस और प्रशासन मा मच गी छो हड़कम्प.
उत्तराखंड का विधायकों का वेतन मा 30 प्रतिशते कटौती
उत्तराखंड मंत्रिमंडल न कोरोना महामारी का कारण विधान सभा अध्यक्ष प्रेमचन्द अग्रवाल ते विधायकों का वेतन मा 30 प्रतिशत की कटौती कू प्रस्ताव भेजी छो. त आज अग्रवाल न सभी विधायकों ते वेतन कटौती खुंण पत्र जारी कर मांगी अनुमति.
पंजाब मा फंसयां 99 लोग पोंछिन उत्तराखंड
लॉकडाउन का कारण विभिन्न जगहों पर फंसयां लोग बाग़ सरकारी मदद से अपणु घोर आणा छिन. इं कड़ी मा ब्याली देर शाम पंजाब बटी 99 लोग ऋषिकेश पोंछिन. आज प्रशासन का मदद से उन्कू स्वास्थ्य परीक्षण ह्व़े, फिर घोरों ते करी गे रवाना.
14 कश्मीरी व्यापारियों ते भेजी गे घोर
लॉकडाउन का कारण काशीपुर मा फस्यां 14 कश्मीरी लोखुं ते उन्कू घोरों ते रवाना करी गे.
सरकार पर अव्यवस्था फेलोनो आरोप
पीसीसी चीफ प्रीतम सिंह न उत्तराखंड सरकार पर तीखू’ हमला करी. उन बोली कि सरकार न शराबे बिक्री त शुरू करेली, पर व्यवस्था ठीक नि छन, किलेकी दुकानम सोशल डिस्टेंसिंग कू पालन नि होणु च.
चाट व्यापारियों पर कोरोने बड़ी मार, सरकार से मांगी मदद
कोरोना महामारी और लॉकडाउन की मार देहरादून का चाट व्यापारियों पर सबसे बुरी लगीं च. उन्कू रोजगार फ़िलहाल पूरी तरह बंद च. अब चाट व्यापारियो न सरकार से मददे गुहार लगे.
खंडहर मा मिली बाघ, वन विभाग न करी रेस्क्यू
अल्मोड़ा नगर का पास खत्याड़ी गौ मा एक खंडहर मा गौ वलु ते एक बाघ दिखी. जेका बाद पूरू इलाका मा दहशत मच गी. सूचना पर पोंछी वन विभागे टीम न बड़ी मुश्किल से वेते रेस्क्यू करी.
लॉकडाउन का बीच मौसमे दोहरी मार
पेहली कोरोना और लॉक डाउन का कारण उत्तराखंड का किसान परेशान छिन. त अब बे-मौसम बारिश न ऊंते दोहरी मार दे. बारिश और ढांडा पोड़न से खेत तबाह ह्व़े गिन. यही नि कई जगहों पर त अतिवृष्टि का कारण मवेशी भी मोर गिन.
