देश मा अब तक 1147 लोखुं गई जान
देश मा कोरोना कू कहर जारी. अब तक 35 हजार का पार पोंछिन केस. 8889 लोग हव्या ठीक. त 1147 लोखुं की मौत.
तेलंगाना बटी 1200 मजदूरों ते लेकी झारखंड रवाना ह्व़े स्पेशल ट्रेन
आज सुबेर करीब साढ़े चार बजि तेलंगाना का लिंगमपल्ली स्टेशन बटी एक स्पेशल ट्रेन झारखंड का रांची स्थित हटिया स्टेशन ते रवाना ह्व़े. 24 कोचे ये ट्रेन मा सवार छिन 1200 प्रवासी मजदूर
गैर सब्सिडी वला सिलेंडर आज बटी 162 रूपए सस्ता
गैर सब्सिडी वला रसोई गैस कू सिलेंडर आज बटी162.50 रुपया सस्ता ह्व़े गिन. बते दयां कि गैस सिलेंडर का दामों मा लगातार तीसरा मेहना दर्ज ह्व़े गिरावट.
ऋषिकेश एम्स मा भर्ती कोरोना पीड़ित मेहला मौत
ऋषिकेश एम्स मा भर्ती लालकुआं निवासी मेहला की आज सुबेर मौत ह्व़े गी. बते जाणु च वू मेहला द्वी दिन पेहली ही कोरोना पॉजिटिव निकली छे. हालांकि स्वास्थ्य विभाग का मुताबिक, मेहला मौत कोरोना से नि ह्व़े, बल्कि वेते सीवियर स्ट्रोक ए छो. बते दयां कि प्रदेश मा कोरोना पीड़ितों की संख्या च 57. वखी, राहत वली बात यू च कि देहरादून जिला अब रेड जोन बटी भेर व्हे गी.
द्वी कोरोना मरीजों ते लेकी रुद्रपुर पोंछी ट्रक ड्राइवर, गिरफ्तार
बीती देर शाम रुद्रपुर मा द्वी लोखुं मा कोरोना संक्रमणए पुष्टि ह्व़े छे. पुलिस बटी जानकारी मिली च कि द्वीयों ते एक ट्रक ड्राइवर अपना साथ लेकी रुद्रपुर पोंछी छो. अब पुलिस न वे ट्रक ड्राइवर ते 307 का तहत गिरफ्तार करी और आइसोलेशन वार्ड मा करी भर्ती.
मुख्य सचिव कू दावा- प्रवासी लोखुं की होली घर वापसी
देश का विभिन्न राज्यों मा फ्न्स्या उत्तराखंड का लोग जल्द अपणु घोर ऐ जाला. मुख्य सचिव उत्पल कुमार न बोली कि सभी जिलाधिकारियों ते मानवता का आधार पर एक्शन लेनों आदेश छिन. हालांकि उन यू भी बोली कि इंमा भी रेड, ग्रीन और ऑरेंज जोन कू भी खास ख्याल रखे जालू.
बदरीनाथे रावल की कोरोना रिपोर्ट नेगेटिव
बदरीनाथ धाम का मुख्य पुजारी रावल ईश्वरी प्रसाद नंबूदरी की कोरोना टेस्ट रिपोर्ट नेगेटिव ऐ. अब 4 मई ते भी एहतियात का तौर पर उन्कू एक बार फिर कोरोना टेस्ट करी जालू. रावल इं वक्त अपना तीन सेवादारों का साथ ऋषिकेश मा क्वारंटाइन छिन.
ब्वारी लेनों एकला निकली दूल्हा
डोईवाला का रोण वला हरदयाल न अपनी शादी ते लेकी कई सपना छा देख्या. पर कोरोना का कारण वेकू सपना चकनाचूर ह्व़े गिन. आज डोईवाला मा अपनी ब्वारी ते लेनों वू अकेला ही निकली. बारात का नाम पर सिर्फ वेकी बहन छे साथ.
हाईवे निर्माण काम पर भी लॉकडाउने मार
कोरोना का कारण लॉकडाउने मार अब एनएच निर्माण पर भी पड़नी च. लॉकडाउन मा पेहली निर्माण कार्य बंद छा. लेकिन अब केंद्र बटी अनुमति मिन्ना बाद काम फिर शुरू ह्व़े गी. लेकिन मजदूरों की कमी कारण काम पर काफी असर पड़णु च.
गन्ना भुगतान नि होण से किसान परेशान
उत्तराखंड मा आजकल फसल कटनौ दिन छिन. पर बे-मौसम बरखा और ढांडा पौड़न से किसान यन ही परेशान छिन. पर अब गन्ना भुगतान न होण से उन्की परेशानी बड़ गी. आज डोईवाला का किसानों न चीनी मिल का अधिकारियों से मुलाकात करी और जल्द से जल्द गन्ना भुगतान कन्ने मांग करी.
