राष्ट्रपति और प्रधानमंत्रिन देशवासियों थै दिनि होली की बधै
देशभर मा धूमधाम से मनै ग्या होली कू त्योहार, राष्ट्रपति रामनाथ कोविंद और पीएम मोदिन देशवासियों थै दे होली की बधै. पीएम मोदिन ट्वीटर पर लिखि- रंग, उमंग और आंनद का ये त्योहार की आप सबी लौखु थै बहुत-बहुते बधै, होली कू पर्व सभी देशवासियों का जीवनम खुशियां लेकि ऐई, यन ईश्वर से प्रार्थना करदू.
भारत मा कोरोना वायरस से 50 संक्रमित
भारत मा कोरोना वायरस से संक्रमित लौखुं की संख्या पहुंची 50, जैमा इटली का 16 नागरिक भी छिन शामिल. केरल, महाराष्ट्र, पंजाब और कर्नाटक मा कोरोना संक्रमण का नै मामला ऐनि समणि. केंद्र बटि एडवाइजरी जारी हुणा बाद सभी राज्यों मा स्वास्थ्य विभाग अलर्ट पर.
मध्यप्रदेश की राजनीति मा भूचाल, सिंधिया न दै इस्तीफा
मध्यप्रदेश मा ज्योतिरादित्य सिंधियान कांग्रेस पार्टी थै दै बड़ू झटका, मुख्यमंत्री कमलनाथ से नाराजगी का चलदि सिंधियान मंगलवार का दिन दै इस्तीफा, सिंधियान खुद ट्वीट करि दै इस्तीफा की जानकारी, सिंधिया का इस्तीफा का बाद 22 कांग्रेसी विधायकों न भी पार्टी बटि दे इस्तीफा.
सीएम त्रिवेंद्रन प्रदेशवासियों थै दै होली की बधै
मुख्यमंत्री त्रिवेंद्र सिंह रावतन भी प्रदेशवासियों थै दे होली की बधै, सीएमन अपणां ट्वीट मा लिखि- आप सब्यू थै रंगों का त्योहार की हार्दिक शुभकामनाएं, बाबा केदार आप सब्यू पर अपणु आशीष बणै रखिन, यनि ईश्वर से कामना च.
कुमौ मा खेली ग्ये पारंपरिक होली
कुमौ का प्रवेश द्वार रामनगर मा दिखी होली की धूम, फाल्गुन मैना का एकादशी बटि ह्वे छै खड़ी होली की शुरुवात, गौं-गौं मा देर रात तक लोकगीतों की सजणि च महफिल, ढोल-दमौ की थाप पर खूब थिरकिणा छिन लोग.
विदेशियों मा भी दिखे होली कू खुमार
तीर्थनगरी ऋषिकेश मा भी जमकर खेली ग्ये होली, परमार्थ निकेतन मा विदेशी सैलानियों मा दिखी होली कू खुमार, स्वामी चिदानंदन बोली- विश्व शांति कू संदेश दिणा वास्ते हर्षोल्लास से मनै जाणु च होली कू त्योहार.
आईटीबीपी जवानोंन बर्फल खेली होली
सीमांत जनपद चमोली मा मनै ग्या अनूठी होली, जोशीमठ मा आईटीबीपी का जवानोंन बर्फ से खेली होली, लौखु थै देयि ईको फ्रेंडली होली मनाणा कू संदेश, जवानोंन एक-दूसरा थै अंग्वाल बोटी दिनि होली की बधै.
बस खाई मा गिन से पांच लौखुं की मौत, 35 घायल
हिमाचल का चंबा मा होली का दिन ह्वे बडू़ हादसा, अनियंत्रित ह्वेकी गहरी खाई मा गिरी HRTC की बस, 5 लोगों कि मौका पर ही दर्दनाक मौत, जबकि, 35 लोग गंभीर रूप रुप से घायल, बतै जाणु च कि बस 40 यात्रियों थै लेकि चंड़ीगढ़ से चंबा जाणि छै, तभी चंबा का कांदू का पास दुर्घटना ह्वेगे.
दिलबर नेगी का परिजनों से मिलिन सांसद भट्ट
सांसद अजय भट्ट ना आज उत्तर पूर्वी दिल्ली का दंगा प्रभावित इलाका कू करि दौरा, ये मौका पर हिंसा का दौरान मारी गै दिलबर नेगी का परिजनों से सांसद भट्ट न करि मुलाकात, परिजनों से हर संभव मदद कू दै आश्वासन.
एसआईटी न अध्यापक समेत नौ आरोपियों थै करि गिरफ्तार
सहायक अध्यापक एलटी की लिखित परीक्षा मा ह्वे नकल मामला मा एसआईटीन आरोपियों पर कसी शिकंजा, ओएमआर सीट का आधार पर एक अध्यापक समेत नौ आरोपियों थै करि गिरफ्तार, ये मामला मा एसआईटी थै अभी और आरोपियों की च तलाश.
