कोरोना कहर जारी, देश मा संक्रमितों की संख्या पौंछि 40
केरल मा कोरोना वायरस का पांच और तमिलनाडू मा एक मामला ऐ समणिं, भारत मा अब कोरोना वायरसे चपेट मा कुल 40 लोग. बते जांणूं च इटली बटिं तीन संक्रमित लोग पौंछि छा केरल. देशभर मा स्वास्थ्य अलर्ट.
राणा कपूर ते 11 मार्च तक हिरासत
येस बैंक का संस्थापक राणा कपूरे मुश्किल बढ़ी. 20 घंटा से ज्यादा पूछताछ का बाद प्रवर्तन निदेशालय न कपूर ते गिरफ्तार करि. और ऊंते मुंबई की एक अदालत मा पेश करि छो. जख विशेष अवकाश का कारण अदालतन आरोपी राणा कपूर ते 11 मार्च तक प्रवर्तन निदेशालय का हिरासत मा भेजी.
उत्तराखंड ते विद्या धाम बणोंणे तैयारी
प्रधानमंत्री नरेंद्र मोदिन कुछ दिन पेहली उत्तराखंड ते सैन्य धाम बणोंणे घोषणा करि छे. अब प्रदेश का उच्च शिक्षा मंत्री धन सिंह रावतन भी करि बड़ी घोषणा. बोलि कि प्रदेश सरकार उत्तराखंड ते विद्या धाम बणोंणे तैयारी कन्नि च. उच्च शिक्षा मंत्रिन बोली कि देश मा सबसे अच्छी उच्च शिक्षा दर उत्तराखंड मा च. यख जाना-माना शैक्षणिक संस्था छिन. त अब प्रदेश सरकार उत्तराखंड ते विद्या धाम बणोंणे कदम पर च.
अंतरराष्ट्रीय महिला दिवस पर मेहलों ते राष्ट्रपति न करि सम्मानित
अंरतरराष्ट्रीय महिला दिवस का मौका पर राष्ट्रपति रामनाथ कोविंद न बिहार की बीना देवी और 103 साले मान कौर ते 'नारी शक्ति पुरस्कार' से सम्मानित करि. भारतीय वायुसेना की पेहली मेहला फाइटर पायलट मोहना जीतरवाल, अवनी चतुर्वेदी और भावना कांत ते भी मिली 'नारी शक्ति पुरस्कार'.
मंजू देवी मेहलों ते बणोंणि च स्वावलंबी
चमोली जिला का लोल्टी की रोंण वलि मंजू देवि न पेश करि अनोखी मिसाल. मेहलों ते बणोंणि छिन स्वावलंबी. 26 जनवरी बटिं मंजू देवि न योग, साधना और ध्यान से नशा मुक्त उत्तराखंडे शुरू करि मुहिम.
मेहला जागृत समारोह कू आयोजन
अंतरराष्ट्रीय महिला दिवस का मौका पर पौड़ी गढ़वाल का श्रीनगर मा महिला जागृति समारोह कू आयोजन. कई क्षेत्रों मा उत्कृष्ट कार्य कन्न वलि मेहलों ते दिए गे सम्मान. महिला सशक्तिकरण और ग्रामीण परिवेश का मेहलों की स्थिति मजबूत कन्न च कार्यक्रम कू उद्देश्य.
प्रीतम सिंह न त्रिवेंद्र सरकार पर साधि निशाना
कांग्रेस का प्रदेश अध्यक्ष प्रीतम सिंह न ईटीवी भारत दगड़ी करि खास बातचीत. बोली कि जल, जंगल और जमीन मुद्दों का साथ विपक्ष का सभी विधायकों न सदन मा दिखे छे एकजुटता. प्रीतम सिंह न त्रिवेंद्र सरकार पर भी हमला करि, बोलि कि सदन मा सरकार कू रवैया रे बेहद निराशाजनक. सत्र का दौरान कखि भी गंभीर नि दिखी सरकार.
सेना न उत्तराखंडे विकास मा सहयोग कन्ने जते इच्छा
आज मुख्यमंत्री आवास पर उत्तर भारत सब एरिया लेफ्टिनेंट जनरल एनएस राजू सुब्रमणि न सीएम त्रिवेंद्र सिंह रावत दगड़ी करि मुलाकात. बैठक का दौरान लेफ्टिनेंट जनरल सुब्रमणि न राज्य सरकार का एक्स सर्विसमेन खुंण प्रयासों पर जते आभार. बोलि कि राज्य का विकास मा हर संभव सहयोग देली सेना.
हाइटेंशन तारे चपेट मा ओंण से द्वी नौने मौत
होली का एक दिन पेहली काशीपुर का आईटीआई थाना क्षेत्र मा बडू हादसा. होलिका दहन खुंण झंडा लगोंण दां हाईटेंशन तारे चपेट मा ओंण से द्वी नौने मौत. हादसा मा कई अन्य नौना घायल. हादसा का बाद से पूरी कॉलोनी मा मातम.
होली पर बाजार मा रौनक, पुलिस टीम भी मुस्तैद
रंगों का त्योहार होली खुंण प्रदेशभर का लोखूं मा जबरदस्त उत्साह. गुलाल और तरह-तरह पिचकारी से बाजार मा रौनक बढ़ी. वखि, पुलिस प्रशासन भी अराजकतत्वों से निपटंण पूरी तरह तैयार.
होलिका दहन ते शुभ मुहूर्त सिर्फ द्वी घंटा
इं बार 9 मार्च यानि सोमवार का दिन होलिका दहन और 10 मार्च यानि मंगलवार का दिन मंणे जाली होली. हर साल फाल्गुन मासे पूर्णिमा रात्रि का मौका पर जले जांदी होलिका. ज्योतिषाचार्यों का मुताबिक, 9 मार्च का दिन पूर्णमासी च और भद्र रहित काल मा ही होंदी होलिका दहन. त अब होलिका दहन 9 मार्च का दिन शाम 6 बजकर 15 मिनट बटिं शाम 8 बजकर 40 मिनट का बीच होलू.
