ईं साल 53 हजार करोड़ कू बजट पेश करली त्रिवेंद्र सरकार
उत्तराखंड सचिवालय मा मंत्रिमंडले बैठक खत्म. 13 बिंदुओं मा से 12 पर लगी मुहर. एक पर बणिं सब कमेटी. कैबिनेट बैठके अध्यक्षता मुख्यमंत्री त्रिवेंद्र सिंह रावत न करि. ईं बार 53 हजार करोड़ कू बजट पेश करली सरकार. पिछली बार का तुलना मा यू बजट 10 फीसदी ज्यादा. नई आबकारी नीति ते मिली मंजूरी.
कांग्रेस की बजट सत्र बणोंणे मांग
वखि आगामी तीन मार्च बटिं गैंरसैंण मा अल्प टेम ते आयोजित बजट सत्र खुंण कांग्रेस मा नाराजगी. कांग्रेस पार्टिन शुरू करि अपणुं विरोध प्रदर्शन. कांग्रेस का पूर्व राष्ट्रीय सचिव प्रकाश जोशिन कांग्रेसी कार्यकर्तोंन का साथ मिलिकी नेता प्रतिपक्ष इंदिरा हृदयेश से करि मुलाकात. बोली कि कांग्रेस ते बजट सत्र बणोंणों सरकार पर बणें चेंदू दबाव.
उत्तराखंड का वरिष्ठ आईएएस राकेश कुमारन ले स्वैच्छिक सेवानिवृति
उत्तराखंड मा तमाम महत्वपूर्ण जिम्मेदारियां संभन्न वला वरिष्ठ आईएएस अधिकारी डॉ. राकेश कुमारन ले स्वैच्छिक सेवानिवृत्ति. केंद्र सरकार मा बड़ा पद पर छा तैनात. केंद्रे मंजूरी मिन्ना बाद ऊंते त्रिवेंद्र कैबिनटे मा मिली मानद सलाहकार पद पर नियुक्ति.
हरीश रावते पूर्व ओएसडी पर छेड़छाड़ कू मुकदमा
उत्तराखंड का पूर्व मुख्यमंत्री हरीश रावत का पूर्व ओएसडी राजीव जैन सहित तीन लोखूं पर सुप्रीम कोर्ट का मेहला वकील का साथ छेड़छाड़ कन्नों मुकदमा दर्ज.
आईआईटी रुड़की की छात्रा दगड़ी छेड़छाड़
देशे नामचीन संस्थान आईआईटी रुड़की मा एक छात्रा का साथ छेड़छाड़ कू मामला. तहरीर का आधार पर पुलिसन शुरू करि जांच. पीड़ित छात्रा का अनुसार, आरोपी छात्र वेकू जूनियर च और लंबा समय से कन्नू च छेड़छाड़. जैका बाद तंग आकर पीड़िता न मामला की शिकायत संस्थाने आंतरिक कमेटी ते भी करि छे.
धोखाधड़ी मामला मा हेरिटेज एविएशन का मालिक ते भेजी गे जेल
केदारघाटी बटिं संचालित होंण वलि हेरिटेज एविएशन सेवा का मालिक रोहित माथुर ते केदारनाथ जांणों टिकट का नाम पर धोखाधड़ी का मामला मा भेजी गे जेल. रोहित माथुर पर यू मामला पिछला साल 28 मई का दिन सोनप्रयाग थाना मा ह्वे छो दर्ज. जैका बाद से वू पुलिसे गिरफ्त बटिं लगातार बचणूं छो. आज वैन कोर्ट मा सरेंडर भी करि, लेकिन कोर्टक आदेश का बाद वैते भेजी गे जेल.
देवी-देवतौं का प्रतिमा पर स्प्रे कन्न हिंदू संगठन ते पड़ी भारी, मुकदमा दर्ज
राजधानी मा स्मार्ट सिटी का तहत वॉल पेंटिग का जरिया दीवारुंम देवी-देवतौं की तस्वीर लगेंणी छिन. पर कुछ हिंदू संगठनों का लोखूं पर देवी-देवतौं का तस्वीरूं पर स्प्रे कन्न पड़ी भारी. अब स्मार्ट सिटी का जनसंपर्क अधिकारी का तहरीर पर आरोपियों का खिलाफ पुलिस थाना मा मुकदमा दर्ज. पुलिसे जांच शुरू.
140 नेपाली परिवारूं ते गौं बटिं बेदखल कू आदेश
टिहरी का चंबा विकासखंड का साबली गौं मा पंचायत कू बडू फैसला. गौं मा अवैध रुप से रोंण वला 140 नेपाली परिवारूं ते तीन माह का भीतर बेदखली कू आदेश जारी. गौं का प्रधान सुधीर बहुगुणा का मुताबिक, बिना अधिकारे इं नेपाली मूल का लोखूंन बणें आधार कार्ड और अब लेंणा छिन सौभाग्य योजना कू लाभ. वखि, डीएमन भी नेपाली मूल का लोंखू ते आधार कार्ड और सौभाग्य योजना लाभा लेंण मामला मा दे जांचक आदेश.
आज बटिं 15 दिन तक बंद रालू काठगोदाम-नैनीताल हाईवे
काठगोदाम बटिं नैनीताल राष्ट्रीय राजमार्ग पर आज बटिं अगला 15 दिनूं तक बंद राली आवाजाही. दरअसल, सड़क चौड़ीकरण का कारण जिला प्रशासन न ले फैसला. सुबेर 10 बजे बटिं शाम चार बजे बंद रोलू राजमार्ग.
पेहली बार माउंटेन सबमिट कू आयोजन
उत्तरकाशी मा जिला प्रशासन और नेहरू पर्वतारोहण संस्थान का ओर से पेहली बार द्वी दिवसीय माउंटेन सबमिट कू आयोजन. इं सबमिट मा देश-विदेश बटिं करीब 150 से अधिक पर्वतारोही होला शामिल. साथ ही इंडियन माउंटेन फेडरेशन का अध्यक्ष और अन्य अधिकारी भी पौंछला. इं कार्यक्रम मा पर्वतारोहियूं ते इनर लेन का कारण होंण वलि समस्या पर दिये जाला टिप्स.
