नेतों का आपराधिक रिकॉर्ड देला पार्टी
गुरुवार ते उच्चतम न्यायालयन सभी राजनीतिक दलों को निर्देश दे कि वू अपणी वेबसाइट पर आपराधिक पृष्ठभूमि वला उम्मीदवारूं का चयन का कारणों ते अपलोड करें, अदालतन यू भी बोली कि पिछला चार राष्ट्रीय चुनावूं मा अपराधिक आदिमों की भरमार कारण यू फैसला ले गे. सर्वोच्च अदालतन बोली कि राजनैतिक पार्टियूं ते 48 घंटा का भीतर अपणी वेबसाइट और सोशल मीडिया पर विवरण देंणों जरूरी च.
निर्भया का दोषी विनय की याचिका पर सुनवै पूरी, भोल ओलू फैसला
निर्भया का दोशी विनय का याचिका पर सुप्रीम कोर्ट का तीन जजों जस्टिस आर भानुमति, जस्टिस अशोक भूषण और जस्टिस एएस बोपन्ना की बेंच मा सुनवै पूरी, ई याचिका मा विनयन दया याचिका खारिज होंणा बाद फैसला ते सुप्रीम कोर्ट मा दे छे चुनौती. अदालतन सुनवै पूरी कन्ना बाद भोल 14 फरवरी तक सुरक्षित रखि अपणुं फैसला.
अमित शाहन बोली- मादक पदार्थों कू एंट्री पर लगे जाली रोक
केंद्रीय गृह मंत्री अमित शाहन बोली कि बिम्सटेक देशूं का साथ भारत का गहरा संबंध. अमित शाहन सब्यूं ते आश्वस्त करिके बोली कि दुनिया मा कखि बटिं भी भारत मा नि आंण देला मादक पदार्थ. ऊंन बोली कि न ही ओंण देला और न ही भारत भी कखि जांण देला मादक पदार्थ. पूरी दुनिया मा मादक पदार्थों की तस्करी रोकंण ते हम कृत संकल्पित. गृह मंत्रिन बोली कि भारतन मादक पदार्थों का अपणें च जीरो टॉलरेंसे नीति. हमंण देश मा नारकोटिक्स कंट्रोल का प्रति सख्ती से उठेया छन कई कदम. बिम्सटेक कॉन्फ्रेंस का साथ इस दिशा मा यू एक नयू कदम.
वजीरगंज कचहरी मा बम फटी, कई आदिम घायल
उत्तर प्रदेश का वजीरगंज कचहरी मा एक बम फटण से हड़कंप, ई घटना मा कई आदिमों की घायल होंणे खबर, बते जांणू च कि लखनऊ बार एसोसिएशन का संयुक्त संजीव लोधी की हत्या की छे साजिश. इ मा वकीलों की द्वी गुटों मा रंजिशे खबर. घटना मा बार एसोसिएशन का संयुक्त मंत्री संजीव लोधी और अन्य वकील घायल. वखि बम धमाका का बाद कांग्रेस नेता प्रियंका गांधिन ट्वीट कर योगी सरकार पर बोली हमला, बोली- अपराध रोकंण मा प्रदेश सरकार फेल.
किशोर उपाध्याय कू भुला सचिने क्लब मा दिल्ली पुलिसे छापेमारी
कांग्रेस का पूर्व अध्यक्ष किशोर उपाध्याय कू भुला सचिन उपाध्याय का राजपुर रोड स्थित डब्लूआईसी क्लब मा दिल्ली पुलिसे छापेमारी. पुलिसे कार्रवे से मचि हड़कंप. सचिन पर दिल्ली की एक कंपनिन धोखाधड़ी कू लगे च आरोप. दिल्ली पुलिसे अपराध शाखा सेलन सचिन उपाध्याय का घौर मा भी लेयी तलाशी. कार्रवाई के दौरान पुलिस कंपनी का फर्जी दस्तावेजों ते खंगालन मा जुटी.
टीडीएस टीम का सर्वे छापेमारी से हड़कंप
उत्तराखंड मा आयकर विभागे अधीन ओंण वलि टीडीएस टीम का प्रदेशभर में सर्वे छापेमारी से हड़कंप. सरकारी दफ्तरूं बटिं प्रेवेट सेक्टर तक मा टीडीएसे चोरी की सूचना बाद कार्रवै जारी, इं दिनूं आयकर विभागे टीडीएस टीम आरोपी संस्थानों बटिं टैक्स चोरी का संबंधित दस्तावेजों ते जब्त कन्न मा बिजी.
कैदियूं दगड़ी मारपीट मा सरकार ते नोटिस
चमोली जिला जेल मा कैदियूं का साथ जेल वार्डन द्वारा मारपीट मामला मा नैनीताल हाई कोर्ट सख्त. मुख्य जज रमेश रंगनाथन और जज आरसी खुल्बे खंडपीठन राज्य सरकार ते एक सप्ताह का भीतर जांच रिपोर्ट पेश कन्नो दे आदेश. आपते मालू होलू कि चमोली जेल मा बंद कैदियूं नैनीताल हाईकोर्ट ते पत्र का द्वारा अवगत करे कि जेल वार्डन ऊं दगड़ी अभद्रता और मारपीट करदू. कई बार ऊंका खुट्टो मा कब्डल डाली खूब पिटे के जांदी. विरोध कन्न पर भी होंदी च पिटे.
सिलेंडरों का दाम बढिन, कांग्रेसन खोली मोर्चा
घरेलू गैस सिलेंडरों के दामूं मा ह्वे वृद्धि का खिलाफ कांग्रेस पार्टी का कार्यकर्तोंन महानगर अध्यक्ष लालचंद शर्मा का नेतृत्व मा देहरादून एश्ले हॉल चौक पर केंद्र सरकार कू पुतला फूंकी और नारेबाजी करि. दरअसल, दिल्ली विधानसभा चुनाव का तुरंत बाद ही घरेलू गैस सिलेंडरों का दाम मा करि गे वृद्धि. जैसे नाराज कांग्रेसी कार्यकर्तोंन विरोध स्वरूप केंद्र सरकार का खिलाफ प्रदेश भर मा विरोध प्रदर्शन करि.
बच्चों का किताब और यूनिफार्म बेचंण मामला पहुंची हाई कोर्ट
सीबीएसई स्कूलूं मा बच्चों की किताब और स्कूल यूनिफार्म परिसर मा ही बेचंण मामला पहुंची नैनीताल हाई कोर्ट. कोर्टन मामला मा गंभीर रुख अपणोंणा बाद राज्य सरकार ते द्वी सप्ताह मा रिपोर्ट पेश कन्नो आदेश. मुख्य जज रमेश रंगनाथन और जज आरसी खुल्बे खंडपीठ मा ह्वे सुनवैं.
खनन माफिये गुंडागर्दी, पीटा जांणा छन वन कर्मी
वन मंत्री हरक सिंह रावते विधानसभा कोटद्वार मा खनन माफियों कू भारी आतंक. माफिया का लोग रोज कभी गौंवलूं त कभी वन कर्मियूं दगड़ी कन्ना छन मारपीट. नया मामला मा अवैध खनन का खिलाफ छापेमारी कन्नो गई वन विभागे टीम पर खनन माफिया का आदिमोंन करि हमला. हमला मा आरोपियूं वन विभागे गाड़ी पर बरसे पत्थर, एक वन कर्मी घायल. पुलिस टीमन आरोपियूं का खिलाफ दर्ज करि मुकदमा.
गर्भवती मौत, घौरवलूं करि जांचे मांग
जिला मेहला अस्पताल मा गर्भवती मेहला नीलम बोरा की मौत मामला मा घौरवलूं जांचे मांग करि. मृतका का घौरवलों का अनुसार, डाक्टरे लापरवाही का कारण गे नीलमे जान. ऊंकू आरोप- डॉक्टरन गलत ऑपरेशन करिकी नीलमे शरीरे नस काट डाली छे. जै कारण ह्वे नीलमे मौत. घोरवलूं की मांग कि मामला मा उच्च स्तरीय जांच हो और दोषी डॉक्टर का खिलाफ हो कड़ी कार्रवे.
युवके संदिग्ध परिस्थितियूं मा मौत, पुलिस ते आत्महत्ये आशंका
काशीपुर मा गोली लगणं से एक नौने मौत. नौने शव पुलिस ते रेलवे स्टेशन का पास मिली. शव का पास ही पुलिसन रिवाल्वर भी करि बरामद. पुलिस येते अभी आत्महत्या मनणि च, लेकिन पुलिस अधिकारियूं का अनुसार, पोस्टमार्टम का बाद ही खुलेलू मौत कू राज.
बर्फ मा फिसलंण से कार हादसा, एक नौना गंभीर
मसूरी मा हाथीपांव धूमनगंज रोड पर एक कार बर्फ मा फिसलंण से हादसा कू ह्वे शिकार, कार एक सड़क बटिं दुसरी सड़क पर जा पलटी. जैका बाद कार मा सवार द्वी नौनों से अस्पताल मा करि गे भर्ती. जख एक नौने हालत गंभीर बते जांणी च. फिलहाल वेते देहरादून का मैक्स अस्पताल मा करि गे रेफर.
शोध खुंण अमेरिका जाला पंतनगर कृषि विवि का छात्र
पन्तनगर कृषि विश्वविद्यालय और अमेरिके इलिनॉएस विश्वविद्यालय का बीच छात्रूं ते उच्च शिक्षा शोध और प्रसार प्रशिक्षण ते लेकर ह्वे करार, अब जल्द ही पंतनगर विवि का स्नातक का नौना और नौनी कृषि वैज्ञानिकों का साथ इलिनॉएस विवि जाकर तीन माह तक करला इंटरशिप.
