1. केदारनाथ धाम मा श्रद्धालुओं खुण दर्शनार्थ नई व्यवस्था शुरू: केदारनाथ धाम मा दर्शना खुण आण वला यात्रियों खुण अच्छी खबर च, अब यात्रियों थै ठंड और बरखा मा बाबा केदार का दर्शनों खुण लाइन मा नहीं लगण पड़लु, अब केदारनाथ आण वला यात्रियों थे दिये जालु टोकन, टोकन मा लिख्या दर्शन का समय पर यात्री अब आराम से कैर सकदिन बाबा केदार का दर्शन. श्रद्धालुओं की भीड़ि थै देखिकि मंदिर समिति ना बणाई नई व्यवस्था.
2. उत्तराखंड कांग्रेस कू द्वि दिवसीय नव संकल्प क्रिन्यान्वयन शिविर: उदयपुर मा राष्ट्रीय स्तर का चिंतन शिविर का बाद अब देहरादून मा उत्तराखंड कांग्रेस कू नव संकल्प क्रिन्यान्वयन शिविर की शुरुवात, उत्तराखंड कांग्रेस का द्वि दिवसीय शिविर मा पार्टी का कई वरिष्ठ नेता करला शिरकत, शिविर का उद्घाटन कार्यक्रम का मौका पर कांग्रेस प्रदेश अध्यक्ष करण माहरा, प्रदेश प्रभारी देवेंद्र यादव, वरिष्ठ नेता हरीश रावत, पूर्व विधायक हीरा सिंह बिष्ट, राज्यसभा सांसद प्रदीप टम्टा और पूर्व विधायक संजीव आर्य रेनि मौजूद.
3. युवा पर्वतारोही सविता कंसवाल ना बणाई न्यू नेशनल रिकॉर्ड: उत्तरकाशी का भटवाड़ी ब्लॉक की रेण वलि युवा पर्वतारोही सविता कंसवाल ना माउंट एवरेस्ट का बाद 15 दिनों का भितर ही माउंट मकालू पर करि सफल आरोहण, जैका द्विया चोटियों थै 15 दिनों का भीतर फतै कन पर सविता कंसवाल ना बणाई न्यू नेशनल रिकॉर्ड, सविता का सफलता पर क्षेत्र मा खुशी की लहर.
4. उत्तराखंड पुलिस का खिलाड़ियों कू बेहतर प्रदर्शन: मध्यप्रदेश का भोपाल मा आयोजित 10वीं नेशनल ड्रैगन बोट रेस चैंपियनशिप मा उत्तराखंड पुलिस का खिलाड़ियों ना करि बेहतरीन प्रदर्शन, 500 मीटर की स्पर्धा मा उत्तराखंड का खिलाड़ियों ना जीती गोल्ड वखि 2000 मीटर की स्पर्धा मा खिलाड़ियों ना छटकि सिल्वर मेडल, डीजीपी अशोक कुमार ना विजेता खिलाड़ियों थै देनि शुभकामनाएं.
5. खानपुर विधायक उमेश कुमार का गनर से मारपीट: खानपुर विधायक उमेश कुमार की सुरक्षा मा तैनात गनर से कथित रूप से मारपीट की खबर समणि आणी च, बतै जाणु च कि टोल प्लाजा मा तैनात कर्मचारियों ना गनर दगणि मारपीट करि, वखि सीसीटीवी कैमरा मा कैद ह्वे मारपीट की घटना, पुलिस का चार लौखु थै हिरासत मा लेकि शुरू करि मामला की जांच.
6. खटीमा की सुरई वन रेंज मा बाघ कू आतंक: यूपी सीमा से लगी खटीमा की सुरई वन रेंज मा बाघ कू आंतक, बीता दिनों द्वि ग्रामीणों थै बाघ ना बणै छाई अपणु शिकार, जैका बाद इलाका मा बाघ की दहशत, गांव से पलायन कना खुण मजबूर छिन ग्रामीण, वन विभाग से लगाई आदमखोर बाघ से पकड़ना की गुहार, वन विभाग की टीम इलाका मा कनि च लगातार गश्त.
7. अस्थाई ट्रंचिंग ग्राउंड से श्रीनगरवासियों थै मिललि मुक्ति: श्रीनगर मा कूड़ा निस्तारण थै लेकि चलै जाणी वलि ईटीवी भारत की खबर कू ह्वे बड़ू असर, अलकनंदा नदी किनरा बढ़या अस्थाई ट्रंचिंग ग्राउंड से श्रीनगरवासियों थै मिललि मुक्ति, शहरी विकास निदेशालय ना नगर निगम थै कखि और कूड़ा निस्तारण कना क देनि आदेश, स्थानीय लौखु ना जताई खुशी.
8. ऑयस्टर मशरूम की खेती से युवा बणिन आत्मनिर्भर: हल्द्वानी का युवाओं का अपनाई ऑयस्टर मशरूम की खेती, पौष्टिकता से भरपूर ऑयस्टर मशरूम की च बाजार मा भारी डिमांड, उद्यान विभाग भी युवाओं थै ऑयस्टर मशरूम की खेती कना खुण कनु च प्रोत्साहित, युवा आत्मनिर्भर बढ़िकी की और युवाओं थै भी दिणा छिन रोजगार.
9. आज बटि पर्यटकों खुण खुल ग्या विश्व प्रसिद्ध फूलों की घाटी: उत्तराखंड का चमोली मा स्थित विश्व धरोहर फूलों की घाटी आज बटि पर्यटकों खुण खोल दिये ग्या. डीएफओ नंदा बल्लभ ना हरी झंडी दिखेकी आज फूलों की घाटी खुण पर्यटकों कू दल से रवाना करि, अब 31 अक्टूबर तक पर्यटक कैर सकदिन फूलों की घाटी कू दीदार, घाटी मा 500 से ज्यादा फूलों की प्रजाति मौजूद.
10. दून यूनिवर्सिटी मा लोक बोलियों मा सर्टिफाइड कोर्स की शुरूआत: उत्तराखंड मा अब पेलि दा छात्र-छात्राएं अपणी लोक बोलियों मा सर्टिफाइड कोर्स कैर सकदिन, दून विश्वविद्यालय ये सत्र से गढ़वाली, कमाऊंनी और जौनसारी मा एक साला कू सर्टिफाइड शुरू कन जाणु च, जै खुण विश्वविद्यालय की एकेडमिक काउंसिल की तरफा बटि स्वीकृति भी मिल ग्याई.
