भारत मा कोरोना : लॉकडाउनौ दूसरु दिन, 13 मौत, 649 संक्रमित
भारत मा आज कोरोना लॉकडाउनौ दूसरु दिन च. अब तक भारत मा कोरोना से 13 लोखु की मौत ह्वे गी. जबकि अबतक पूरा देश मां करीब 649 कोरोना संक्रमित मरीज छन. हरियाणा मां अब तक कोरोना मरीजों की संख्या 18 ह्ले गी. ज्यां मा से फरीदाबाद मां द्वी, पलवाल मां एक, पानीपथ मा तीन , पंचकुला मा एक, सोनीपथ मा एक और दस मामला गुरुग्राम बटी समणि एैनी.
सोनिया गांधी न करी लॉकडाउनौ समर्थन
कांग्रेस अध्यक्ष सोनिया गांधी न लॉकडाउन का फैसला पर पीएम मोदी कु समर्थन करी. गुरुवारौ सोनिया गांधी न पीएम मोदी से आग्रह करी कि वु गरीबु थै 'न्यूनतम आय गारंटी योजना' (न्याय) लागू करा. जैसे गरीबुं थै क्वी परेशानी न हो. उन बोली सरकार थै मजदूरों, गरीबुं का खातों मा आर्थिक मदद भेजी कि उंथै राहत देणौं कदम उठौण चयेंद.
लॉकडाउन मा 1.70 लाख करोड़ कु पैकेज
वित्तमंत्री निर्मला सीतारमण न कोरोना वायरस से फैलीं महामारी से गरीबुं थै राहत दैंणौं बड़ू एलान करी. वित्तमंत्री न कोरोना वायरस से लणौन और लॉकडाउन थै 1.70 लाख करोड़ौ पैकेजै घोषणा करी. यां का अलावा 20 लाख स्वास्थ्य कर्मिय्यूं थै 50 लाख रुप्या की बीमा कु एलान करे गी. 80 करोड़ गरीबुं थै 3 मैना तक 10 किलो चौल, गेहूं और एक किलो फ्री दाल देंणों एलान भी करे गी.
अरविंद केजरीवालन करी डिजिटल प्रेस कांन्फ्रेंस
लॉडाउन का दूसरा दिन आज एक बार फिर दिल्ली का मुख्यमंत्री अरविंद केजरीवालन डिजिटल प्रेस कांन्फ्रेंस करी. जैमा उं बोली कि आवश्यक चीजुं की दुकान और फैक्ट्रियूं थै 24 घंटा काम कनौ अनुमति दिये गी. उ बोली होम डिलीवरी वाली फूड चेन थै दिल्ली मा सामान मुहैया करौणै अनुमति दिये गी. पर यां कु थै कंपनी कु पहचान पत्र जरुरी होलूं.
पाकिस्तान न करी संघर्षविरामौ उल्लंघन
पाकिस्तानी सैनिकुं एक बार फिर से संघर्षविरामौ उल्लंघन करी. अबरी दां पाकिस्तानी सैनिकुं जम्मू-कश्मीर का कठुआ जिला मा अंतरराष्ट्रीय सीमा से सट्या अग्रिम इलाकुं मा गोली बरसैन. यूं इलाकुं मां हीरानगर सेक्टर का पानसार, मानयारी और चक चांगा इलाका शामिल छन. संघर्षविरामौ उल्लंघना बाद बीएसएफ का जवानुं यां कु माकुल जवाब दिनी.
उत्तराखंड मा कोराना मरीजुं की संख्या 5 ह्वे
उत्तराखंड मां भी आज लॉकडाउनौ आज चौथु दिन च. अब तक उत्तराखंड मां संक्रमित मरीजुं की संख्या 5 ह्वे ही. जबकि , एक मरीज इलाजा बाद ठीक ह्वे खै घौर चल गी. वखी बात अगर लॉकडाउन का हालातू की करे जौ त चौथा दिन ये कु असर दिखेणौं मिली. यख आज भी सड़कूं पर सन्नाटा छयू रै.
उत्तराखंड मां लॉकडाउनौ चौथा दिन उत्तराखंड सरकार न जरुरतमंदों की मदद थै सरकारी 'खजानु खोली, सरकारन प्रदेश का सभी मैदानी जिलों थै 3-3 करोड़ और पर्वतीय जिलों थै 2-2 करोड़ की रहात राशि जारी करी. ई राहत राशि से गरीब और असहाय लोखुं थैं भोजनै व्यवस्था करे जाली. यां का अलावा कई सामाजिक संगठनुन भी श्रमिकुं और असहाय लोगों थै खांणू देंणौ बीड़ा उठयुं च.
सफाई व्यवस्था दुरुस्त कन मा जुट्या 'कोरोना वॉरियर्स'
कोरोना वायरस का संक्रमण से जनता थै बचौणौ तमाम एहतियात बरते जांणी छन, वखी नगर निगम का सफाई कर्मचारी भी लॉकडाउन का बीच राजधानी थै स्वच्छ बणौंण कवायद मां जुट्या छन. यू सफाई कर्मचारी लतागार सड़कूं, बजारुं थै सैनिटाइज कन मां छन लग्या. नगर निगम शहर का वार्डूं मां 60 टैंकरुं का जरिया छिड़काव करी सैनिटाइज कनौ काम भी लगातार कन्नु च. .
गन्ना चीनी विकास बोर्ड न दिया कोरोना जंग मा योगदान
कोरोना का बढ़दा खतरा थै देखी और जनता की मदद कन्नौ गन्ना चीनी विकास बोर्ड का अध्यक्ष भगत राम कोठारी ने अपणा एकाउंट से मुख्यमंत्री राहत कोष मा 11 लाख रुप्या जमा करैन. राज्यमंत्री भगत राम कोठारी न ईटीवी भारत से बातचीत मा बोली कि उथै राष्ट्र पैली च, वे का बाद सब कुछ च.
बागेश्वर का दानूथल गौं मां जंगली जानवरौ शिकार कनौ गयां चार लोग गुफा मां फंस गेनी. यू मै से तीन ग्रामीणुं थै गुफा बटी भै नकलये गी. जबकि एक ग्रामीण थै रेस्क्यू कनौ प्रयास अभी जारी च.
