जयपुर. पढ़ाई रा विभाग रो फैसलो है कि अबार पाठसाला रो टैम बदलबा री जरुरत कोनी है. पैली 16 अक्टूबर सू श्याळा नै लैर टैम बदलीजतो हो. मान्यो जावै है कि सरकारी पाठसाला मांय अबकी बर पढ़ेसरा री गिणती बढ़गी है. जीण वजह सू विभाग इण सारु कोई उतावळ कोनी करबो चावै है.
माध्यमिक शिक्षा निदेशक सौरभ स्वामी शुक्रवार री रात आपरा फरमान मांय श्याळा रा टैम का फरमान सारु खियो है कि एक अक्टूबर सू टैम बदलीज्तो. पण इनै पैली बढ़ार 15 अक्टूबर करयो गियो हो, पण अब सात नवम्बर तांय छुट्टी होबा अर पाछै सी पड़बा का आसार हुणा सू फैसला नै टाळ दियो गियो है. अब सात नवंबर सू ही आगलो कार्यक्रम जारी हौवेला.
मान्यो जावै है कि 7 नवंबर सू भी नुवा टैम नै लैर फैसला री बात हाल माय साफ कोनी हुई है. पैली पाळी री पाठसाला संवारै साढ़े सात बज्या सू रैसी, जदकि दूजी पारी को टैम 12:30 बज्या सू रैवेला.
ओ रियो है कारण
सरकारी पाठसाला रा टाबरा री गिणती अबकी बर अतरी बढ़गी है कि बानै बिरामदा मांय बैठाणो पड़ रियो है. अगर टैम बदलिज्यो, तो दोपारा का तावड़ा मांय टाबरा नै बारै बिठाबा को काम घणो दोरो होई जासी. मौसम रा विभाग को कैवणो है कि 10 नवम्बर सू सी पड़सी. फेर बारे बैठबा सू टाबरा नै कोई परेसानी कोनी हौवेला.
अबारा पाठसाला रो टैम
एकल स्कूल रो टैम संवारे 7:30 सू दोापारी 1 ताय रैवेला. जदकि दो पाळी आळी पाळसाला रो टैम दोपारा 12:30 बज्या सू सांझ रा 6 बज्या तक रैसी.
