जयपुर. अनुसूचित जाति रै विरोध मांय नीचा बोलबा का मामला मांय खेलसर युवराज सिंह (Cricketer Yuvraj Singh) री पुलिस पकड़ री बात सामनै आई है. युवराज सिंह माळै आरोप लाग्या है कि पाछला बरस रोहित शर्मा सागै लाइव चैट री टैम बै यजुवेंद्र चहल नै लैर नीचा बोल बोल्या है. हरियाणा री हांसी पुलिस बानै एक मुकदमों दरज कर पकड़ लियौ
पढ़ें- क्रिकेटर युवराज सिंह गिरफ्तार, यजुवेंद्र चहल पर की थी अपमानजनक टिप्पणी
जाणकारी रा हिसाब सू हांसी पुलिस युवराज नै पकड़्या पाछैे पूछताछ करी ही. इकै पाछै हाईकोर्ट रा फरमान पै युवराज सिंह नै जमाणत मिली ही. थोड़ा दिनां पैली युवराज सिंह नै जमाणत दी ही. हांसी पुलिस बानै पकड़्या पाछै जरूरी कागद लैर बानै छोड़ दियो हो.
ओ हो मामलो
युवराज सिंह पै आरोप लाग्यो हो कि बै यजुवेंद्र चहल नै हंसी-ख्याल रै मांय बारी जाति नै लैर शबद खिया हा. मामला नै बढ़ता दैख बै इण सारुसोशल मीडिया पै माफी भी मांगी ही. जीरै मांय युवराज सिंह खियो हो कि 'मैं साफ करबो चाहू हूं कि म रंग, जाति, पंथ रा आधार पै किनै भेदभाव कोनी राख्यो. म्ह लोगां री भलाई नै लैर जिंदगी जी है अर आगे भी इस्या ही जीणो चाहूं.'
युवराज सिंह रा माफीनामा मांय खियौ गियो कि 'म्है हर जणा को सम्मान करु हूं. म्हारा भायवला सागै हताई नै गलत तरीका सू लियो गियो है, जो गलत है. म्ह 'एक जिम्मेदार भारतीय रा नाता सू कैवणो चाहूं कि अनजाणा मांय म्हारी बात सू कोई नै बुरो लाग्यो है, तो म्है म्हाफी चाहूं.'
