जयपुर. नसा री दुवाया लैबाळा मामला मांय आर्यन खान अर दो दूजा आरोपी अरबाज मर्चेंट अर मुनमुन धमेचा 27 दिनां पाछै जैळ सू छूट गिया हा. सगळा कै घरां पूगबा रो जसन भी जबरो मनायो गियो हो.
आर्यन खान नै छोड़बा का आदेस
बठै ही , दूजी तरफ जमानत रा आदेस आज तड़काऊ नै आर्थर रोड जेळ माळै पूग्या हा. जीकै पाछै सारा कागद पूरा करया गिया. थानै बता दैवा कै शुक्रवार दोपारा करीब 3:30 बजे जमानत रा आदेस आया पाछै सेशंस कोर्ट सू आर्यन खान नै छोड़बा का आदेस हुया हा. पण टैम माळै कागद जैळ तांय कोनी पूग सक्या हा. जीसू कालै आर्यन खान नै कोनी छोड्यो जाई सक्यो हो.
यह भी पढ़ें- बांसवाड़ा: तलवार की नोक पर सब्जी व्यापारी से लूट, 1 लाख नगदी सहित स्कूटी और मोबाइल छीनकर फरार
अभिनेत्री जूही चावला आर्यन री जमानत ली
जेळ रा अधिकारी संवारै 5:30 बज्या आर्थर रोड जेल री जमानत पेटी खोली ,तो मायनै सू आर्यन खान री जमानत रा कागद निकळ्या हा. आर्यन नै 1 लाख रिपिया रा निजी मुचलका माळै छोड़बा का आदेस हुया हा. बता देंवा कि, अभिनेत्री जूही चावला आर्यन री जमानत ली ही. आर्यन खान नै बिहस्पतवार नै बॉम्बे हाई कोर्ट सू जमानत मिली ही. जमानत रा आदेस जस्टिस नितिन सांब्रे दिया हा.
यह भी पढ़ें- जोधपुर में खनन मजदूर की बेरहमी से हत्या, शव को सुनसान जगह पर फेंका
जेळ सू छोड़बा नै बॉम्बे हाईकोर्ट री आर्यन खान माळै शरत -
जहाज माळै नसा री दवाया रा मामला मांय हाईकोर्ट री तरफ सू आर्यन खान, अरबाज मर्चेंट अर मुनमुन धमेचा नै जमानत देबा सारु जीखी शरता ही...
- आर्यन खान बिना बताया मुंबई सू बारै कोनी जा सकैला.
- आर्यन खान नै विसेस अदालत रै मांय आपरो पासपोर्ट जमा करावणो पड़सी.
- मामलो अबार कोरट मांय है, जीसू इणपै कोई बयान कोनी दियो जाई सकै है.
- मामला रा दूजा आरोपी सू कोई संपर्क नहीं होवणो चाहिजै.
- आर्यन खान नै हर शुक्रवार 11 सू 2 बज्या रै बीच एनसीबी मांय पेस होवणो पड़सी.
