खबरां पहाड़ां री: कांगड़े च कोरोना पॉजिटिव मिलया इक मुंडू, 78 होई मरीजां री संख्या

कांगड़ा जिले री नूरपुर तहसील च 30 सालां रा मुंड्डू निकलया कोरोना पॉजिटिव, 8 मई जो गुड़गांव ते टैक्सिया च आया था घर वापस.

• शनिवार को कांगड़ा जिले री नूरपुर तहसील च 30 सालां रा मुंड्डू निकलया कोरोना पॉजिटिव, 8 मई जो गुड़गांव ते टैक्सिया च आया था घर वापस. मरीजा रे परिवारा जो रखया गया निगरानिया पर
• 78 पहुंची हिमाचल च कोरोना मरीजा री संख्या, 35 मरीज होए ठीक, 36 मरीजां रा लाज जारी, 3 री होई मौत.
• मुख्यमंत्री जय राम ठाकुर ने वीडियो कॉन्फ्रेसिंग रे जरिए सोलन और सिरमौर जिलेयां रे पंचायत प्रधानां ने कीति गलबात, बाहरा ते आने आलेया लोकां जो होम क्वारंटीन री एहमियत रे बारे च समझणे जो बोलया.
• हिमाचल च 18 ते 31 मई तक स्कूलां च होईया छुट्टियां, शिक्षा विभाग ने जारी कीति अधिसूचना.
• डीजीपी सीताराम मरड़ी री शिमलावासियां ते अपील, गलया- कोरोना फ्री शिमला रे धोखे च रही ने ओवर कॉन्फिडेंट न होण लोक
• पूर्व मुख्यमंत्री प्रेम कुमार धूमल ने झानिकर बूथ रे कार्यकर्ता ने वीडियो कॉन्फ्रेंसिंग रे जरिए कीति गलबात, धूमल ने बीजेपी कार्यकर्ता ने बोलया कि लोकां जो कोरोना वायरस रे बारे च कितया जाए जागरुक
• लॉक डाउन रे कारण घर वापस आए लोकां जो सरकारा देणा स्वरोज़गार रा मौक, पशुपालन और ट्राउट मछली पालन रे जरिए होणा प्रयास, ग्रामीण विकास मंत्री वीरेंद्र कंवर ने दिती जानकारी.
• इंडस अस्पताल शिमला जो कोरोना महामारिया ते निपटने जो इस्तेमाल करी सकदी सरकार, शिक्षा मंत्री सुरेश भारद्वाज ने कैबिनेट कमेटिया कने कितया इंडस अस्पताल रा दौरा.
• आयुर्वेद विभाग रे तैयार कीते खास काढ़े ने बढ़नी कोरोना वॉरियर्स री इम्यूनिटी, कांगड़े जिले कोरोना वॉरियर्स जो बंढे गए 8 हजार पैकेट.
• कर्फ्यू रे बीच 55 पेटी अवैध शराबा कने हरियाणा निवासी चार आरोपी सोलन च गिरफ्तार, मामला दर्ज करी पुलिस ने शुरु कीति जांच.
• IGMC शिमला च सिटी स्कैन मशीन 4 दिनां ते पई री खराब, परेशान होआ दे मरीज.
• सीएम रे गृह जिला मंडी च लांगणा गांव च मंजे पर चकी ने मेन सड़का तक पजया मरीज, सोशल मीडिया पर वीडियो वायरल