कौशल विकास प्रशिक्षण रे नामा पर फर्जीवाड़ा, सरकारी पैसे रे हेरफेर रा भी मामला

तुहांरी बोलिया जो जिंदा रखने री ईटीवी भारत ने कीती पहल, पूरे प्रदेशा रा हाल जाणा बस इक क्लिका पर...

शिमले रे विकास नगर च फ्लैट च लगी आग, जिंदा जलेया इक बुजुर्ग

वीरवार प्यागा करीब 4 बजे शिमले रे विकास नगर एसडीए कॉलोनी रे ब्लॉक सी च जिहां ही आग लगणे री भनक पड़ोसियां जो लगी तां तिनें इसरी सूचना तुरंत पुलिस कन्ने फायर विभागा जो दीती. जिसरे बाद फायर कर्मियें मौके पर पहुंची ने अगी पर काबू पाया. हादसे च घरा च रखे सारे समाना रे कन्ने-कन्ने इक बुजुर्ग री भी जलणे ते मौत होई गई है.

मंडी एयरपोर्ट रे अपणे ड्रीम प्रोजेक्टा जो पूरा करने च जुटे जयराम

मंडी एयरपोर्ट रे अपणे ड्रीम प्रोजेक्टा जो पूरा करने च मुख्यमंत्री जयराम ठाकुर (Chief Minister Jairam Thakur) जुटी गए हन. इहा कड़िया च सीएम जयराम ए बुधवारा जो अधिकारियां रे कन्ने बैठक करी ने काम तेजीया ने करने रे निर्देश दिते. इसरे कन्ने तिनें केहा कि प्रदेश सरकार ए नागर विमानन मंत्रालय कन्ने भारतीय विमानपत्तन प्राधिकरण रे सुझावां रे अनुसार रनवे री असाइनमेंट तय करने लेई वैपकोस लिमिटेड कंपनिए लिडार (लाइट डिटेक्शन एंड रेंजिंग) सर्वेक्षण पूर्ण करी लितेया है.

CM जयराम 5 दिसंबरा जो जाणा दिल्ली

जयराम सरकार 27 दिसंबरा जो अपणे चार साल पूरा करादी. इस मौके पर सरकार दूजी ग्राउंड ब्रेकिंग सेरेमनी(ground breaking ceremony) करने री योजना बना दी है. मुख्यमंत्री जयराम ठाकुर (Chief Minister Jai Ram Thakur) 5 दिसंबरा जो दिल्ली दौरे पर जाणा. वहीं, राज्य सरकार इस च प्रधानमंत्री नरेंद्र मोदी ए जो भी न्योता देणा.

राज्य समीक्षा समिति ए 24 प्रस्तावां जो दीती हरी झंडी

शिमला च बुधवारा जो राज्य समीक्षा समिति री 31वीं बैठक च नए उद्योग लगाणे कन्ने वर्तमान इकाइयां रे विस्तार रे 24 प्रस्तावां जो मंजूरी दीती गई. स्वीकृत किते गए प्रस्तावां पर लगभग 117.14 करोड़ रुपये रा निवेश प्रस्तावित है.

कांग्रेस रा जनजागरण अभियान 14 नवंबर ते

बढ़दी मंहगाई कन्ने बेरोजगारी रे खिलाफ कांग्रेस आ जनजागरण अभियान 14 ते 29 नवंबर तक चलाणा. इस दौरान छोटी बैठकां कन्ने पद यात्रां रे माध्यम ते जनता जो सरकार री जनविरोधी नीतियां रे बारे च दसणा.

मुख्यमंत्री स्वावलंबन योजना च 18 नई गतिविधियां शामिल

हिमाचल प्रदेश च युवां जो स्वरोजगार री ओर आकर्षित करने लेई मुख्यमंत्री स्वावलम्बन योजना (Mukhyamantri Swavalamban Yojana) च 18 नई गतिविधियां शामिल कीती गई हन. निदेशक उद्योग, राकेश कुमार प्रजापति ए केहा कि सरकार ए मुख्यमंत्री स्वावलंबन योजना-2019 रे तहत आवेदन करने आली जनांना लेई ऊपरी आयु सीमा च पांज साल री छूट देणे रा भी निर्णय लितेया है.

कौशल विकास प्रशिक्षण रे नामा पर फर्जीवाड़ा

प्रदेश च कौशल विकास (Skill Development) रे नामा पर फर्जीवाड़े रा मामला सामणे आया है. शिकायतां पर विजिलेंस (vigilance) ए मामला दर्ज कितेया है. हिमाचल कंसल्टेंसी ऑर्गनाइजेशन (हिमकॉन) द्वारा चलाए जादे विभिन्न कौशल विकास कार्यक्रमां च वित्तीय गबन कन्ने सरकारी पैसे रे हेरफेर रा भी मामला सामणे आया है.

तेंदुए रे खतरे जो देखदे होए हॉटस्पॉट चिन्हित करने करे निर्देश

प्रदेश सचिवालय च बैठक करी ने शहरी विकास मंत्री सुरेश भारद्वाज (Urban Development Minister Suresh Bhardwaj) ए शिमला शहर च तेंदुए (leopard in shimla) रे आतंक ते पैदा होए डरा जो दूर करने लेई अधिकारियां जो इक संयुक्त कमेटी गठित करने रे आदेश दिते हन. सुरेश भारद्वाज ए केहा कि हॉटस्पॉट जो चिन्हित करने लेई इसा कमेटीया च जिला प्रशासन कन्ने नगर निगम शिमले ते भी अधिकारी शामिल होणे.

Chhath Puja 2021: हिमाचल प्रदेश च बिहार, उत्तर प्रदेश कन्ने झारखंड रे रहने आले लोकें मनाया छठ पर्व

सनातन धर्म च छठ पूजा (Chhath Puja) इक बहुत बड्डा त्यौहार है. ये त्यौार हर साल कार्तिक मास रे शुक्ल पक्ष री षष्ठी जो मनाया जांदा. इसा कड़ी च हिमाचल प्रदेश रे मंडी जिले च रहणे आले बिहार, झारखंड, पूर्वी उत्तर प्रदेश कन्ने नेपाल रे लोकें उगदे सूरजा जो अर्घ्य दितेया. बिहार, झारखंड, पूर्वी उत्तर प्रदेश कन्ने नेपाल रे लोकें सुंदरनगर स्थित सुखदेव वाटिका च सूरज देवते री पूजा अर्चना करी ने शाही स्नान कितेया.

करसोग च ढही गेया इक महीने पहले बणेया 4 मीटर लंबा पुल

करसोग उपमंडल च 95 लाख री लागत ते बना दी सड़का पर शलाग रे समीप इक महीने पहला बणेया पुल ढही गेया. पुल गिरने री सूचना मिलणे रे बाद करसोग पीडब्ल्यूडी डिवीजन रे अधिशाषी अभियंता ए मौके पर पहुंची ने स्थिति रा जायजा लितेया कन्ने ठेकेदार रे खिलाफ कार्रवाई करने री गल केही है.