राउर भाषा-राउर खबर, भोजपुरी में देखीं दिनभर के हाल

भोजपुरी में फटाफट देखीं बिहार के सगरी बड़हन खबर.

1. कार्तिक पूर्णिमा के लेके उत्तरायणी गंगा तट पर श्रद्धालुअन के भीड़ उमड़ल.

2. अलग-अलग जिला में कार्तिक पूर्णिमा के मौका पर गंगा स्नान के दौरान डूबे से 14 लोगन के मौत हो गइल. दूसर ओरी कई गो लापाता बाड़नस, जेकरा के एनडीआरएफ के टीम खोज कर रहल बा.

3. LJP अध्यक्ष बने के बाद चिराग पासवान पहिला बेरा आपन लोकसभा क्षेत्र जमुई पहुंचलन. इहां कार्यकर्ता लोग उनकर ज़ोरदार स्वागत कइले.

4. झारखंड में NDA के बड़ झटका लगल बा, एलजेपी 50 सीट पर अकेले चुनाव लड़े के फैसला कइले बा.

5. हम प्रवक्ता दानिश रिजवान ने कहलन कि महागठबंधन में अब कउनो विवाद नइखे. 13 नवंबर के महाधरना में सब दल के नेता शामिल होई हे.

6. बीजेपी प्रवक्ता निखिल आनंद दावा कइलें कि महागठबंधन में सबकुछ ठीक नइखे चलत. प्रदेश में कांग्रेस के कारनामा से हम और वीआईपी पार्टी नाराज बा.

7. अजय आलोक टवीट कइ के प्रशांत किशोर के मजाक उड़इले. कहलें कि इनकरा से सलाह लेवे वाला शिवसेना के हाल देख लीं.

8. महाराष्ट्र के राजनीति पर बीजेपी प्रवक्ता नवल किशोर यादव कहलन कि परिवारवाद के मोह में फंस के शिवसेना के न माया मिलल न राम.

9. सिख धर्म के पहिला गुरु श्री गुरुनानक जी महाराज के 550वां प्रकाशपर्व तख्त श्री हरमंदिर जी पटना साहिब गुरुद्वारा में मनाबल गइल.

10. गया जिला में गुरु नानक देव जी के 550वें जयंती के मौका पर सिख समुदाय शोभायात्रा निकालस. एकर बाद गुरुद्वारा में शब्द-कीर्तन और अरदास सहित अउर कार्यक्रम के आयोजन कइल गइल.

11. ठठेरा समाज के मिलन समारोह में जदयू महासचिव आरसीपी सिंह पहुंचलन, ए मउका पर कहलन कि इ समाज के राजनीति में उचित भागीदारी देवल जाय.

12. सहरसा के रेडलाइट एरिया में पुलिस ताबड़तोड़ छापेमारी कइलस, मौका से 5 लोग के गिरफ्तारी भईल.

13. पटना के पालीगंज में किसान लोग महापंचायत के आयोजन कइलस. इ आयोजन में सरकार से सोन नदी में कदवन डेम्प बनावे के मांग रखल गइल.

14. राजधानी पटना में SSP गरिमा मलिक 45 ट्रैफिक पुलिसकर्मियन के सस्पेंड कइलन. SSP बतवलन कि इ सब पर अवैध तरीका से पैइसा के वसूली करे के शिकायत मिल ता.

15. पटना के दीघा थाना क्षेत्र में रेल टिकट के अवैध कारोबार के पुलिस भांडाफोड़ कइले बाड़न. एकर साथ ही 6 टिकट के साथ एगो के गिरफ्तार कइले बाड़ा.