કપડવંજ પાસે કારમાં અચાનક આગ લાગતાં કાર બળીને ખાખ

ખેડાઃ જિલ્લાના કપડવંજના દાસલવાડા રોડ પર એક ઈકો કારમાં અચાનક આગ લાગી હતી. જેથી કાર બળીને ખાખ થઈ ગઈ હતી. જો કે, આગની આ ઘટનામાં કોઈ જાનહાની થઈ ન હતી. કારમાં આગ લાગતા રોડ પરનો વાહન વ્યવહાર થોડા સમય માટે બંધ કરી દેવામાં આવ્યો હતો. માહિતી પ્રમાણે, આ ઈકો કાર કપડવંજથી આતર સુંબા તરફ જઈ રહી હતી તે દરમિયાન કારમાં શોટ સર્કીટના કારણે અચાનક આગ લાગી હતી. જેથી વાહન ચાલક કાર સાઇડમાં ઊભી રાખી નીચે ઉતરી ગયો હતો. આ જોત જોતામાં આગે મોટું સ્વરૂપ ધારણ કરતા સમગ્ર કાર બળીને ખાખ થઈ ગઈ હતી.