Karnataka election 2023: કન્નડ અભિનેતા કિચ્ચા સુદીપ ભાજપના ઉમેદવાર માટે પ્રચાર કરવા પહોંચ્યા, ચાહકોને કાબૂમાં લેવા પોલીસે હળવો લાઠીચાર્જ કર્યો

રાયચુર: કન્નડ અભિનેતા કિચ્ચા સુદીપ ગુરુવારે વિધાનસભા ચૂંટણીમાં ભાજપના ઉમેદવારના પ્રચાર માટે હેલિકોપ્ટર દ્વારા રાયચુર જિલ્લાના દેવદુર્ગા શહેરમાં પહોંચ્યા હતા. તેમણે દેવદુર્ગા મતવિસ્તારના ભાજપના ઉમેદવાર કે શિવન ગૌડા માટે રોડ શો કર્યો હતો. આ દરમિયાન અભિનેતા સુદીપને જોવા માટે ચાહકોની ભારે ભીડ ઉમટી પડી હતી. આ દરમિયાન ચાહકોએ બેરિકેડ તોડીને હેલિપેડ પાસે સુદીપ સુધી પહોંચવાનો પ્રયાસ કર્યો હતો. જેના પર પોલીસે લોકોને વિખેરવા હળવો લાઠીચાર્જ કર્યો હતો. અભિનેતા સુદીપે યાદગીરી જિલ્લાના શાહપુર મતવિસ્તારના ભાજપના ઉમેદવાર અમીન રેડ્ડી પાટિલ માટે પણ રોડ શો કર્યો હતો. આ દરમિયાન રસ્તાની બંને તરફ મોટી સંખ્યામાં તેના ચાહકો ઉભા હતા.

આ પણ વાંચો