Skin Care Tips: પુરુષો રાખી શકે છે આ રીતે ત્વચાની સંભાળ

ત્વચાની સંભાળની વાત આવે એટલે તેમાં સ્ત્રીઓ વધારે ધ્યાન આપે છે, પુરુષો આ મામલે બેદરકારી દાખવે છે, પરંતુ દરેક વ્યક્તિએ ત્વચાની સંભાળ (Skin care For Men) રાખવી અત્યંત આવશ્યક છે, પછી તે પુરુષ હોય કે સ્ત્રી, ત્યારે આજે અમે લઇને આવ્યાં છીએ તમારા માટે કેટલીક ત્વચાની સંભાળ રાખવાની સરળ ટીપ્સ (Skin Care Tips). વાંચો આ ટિપ્સ વિશે..

Published : Feb 21, 2022, 5:21 PM IST

ન્યૂઝ ડેસ્ક: ખરેખર તો પુરુષોની ત્વચા (Skin care For Men) વધુ તૈલી અને સખત હોય છે. કારણ કે તે સતત પ્રદૂષણ અને સૂર્યપ્રકાશ જેવા બાહ્ય પરિબળોના સંપર્કમાં આવે છે. આ ઉપરાંત તેને ખરાબ ઊંઘની આદત, તણાવ ભર્યુ જીવન તથા ખરાબ આહારની કુટેવોના કારણે અનેક પડકારોનો સામનો કરવો રહ્યો. જેની સામે રક્ષણ (Skin Care Tips) મેળવવા માટે વ્યકિતએ નીચેની બાબતો પર ધ્યાન આપવું જોઇએ.

જાણો વ્યકિતએ દિવસની શરૂઆત ક્યાંથી કરવી જોઇએ

દિવસનું પહેલું પગલું એ છે કે, તમારા ચહેરાને ક્લીંઝરથી સારી રીતે સાફ કરો. દિવસમાં બે વખત ચહેરાને ક્લીંઝરથી સાફ કરવે જોઇએ. જેનો ફાયદો એ છે કે, ચહેરાની અશુદ્ધિઓ દૂર થાય છે. ખાસ બાબત કે, તમારી ત્વચાને અનુરૂપ ક્લીંઝર પસંદ કરવાથી તમારા છિદ્રોને બંધ કરવામાં અને ખીલને થતા અટકાવામાં મદદરૂપ નીવડે છે. આ સાથે જ તૈલી ત્વચા માટે AHA-BHA ફેસવોશની (AHA-BHA Face Wash) ભલામણ કરવામાં આવી છે. જણાવીએ કે, AHA અને BHA એક પ્રકારના હાઇડ્રોક્સી એસિડ છે. AHAએ આલ્ફા-હાઈડ્રોક્સી એસિડ માટે વપરાય છે અને BHAએ બીટા-હાઈડ્રોક્સી એસિડ માટે ઉપયોગમાં લેવાય છે.

આ પણ વાંચો: Thriller Film Thar: આ ફિલ્મમાં આ પિતા-પુત્રની જોડી કરશે કમાલ

ત્વચાને હાઇડ્રેટ કરવી મહત્વપૂર્ણ બાબત

પુરુષોની ત્વચા સમયને અનુરૂપ ધબકતી રહે છે. જેનું મુખ્ય કારણ છે, વાતાવરણમાં રહેલુ પ્રદૂષણ, સિગારેટના ધુમાડા અને UV કિરણોમાં જોવા મળતા રસાયણો. આ પૈકી તમારી ત્વચાને હાઇડ્રેટ કરવી મહત્વપૂર્ણ છે. આ માટે વ્યકિતએ સક્રિય ઘટકો સાથેનું સીરમ, મોઇશ્ચરાઇઝર પહેલાં લાગુ કરવું જોઇએ, જે ત્વચાના સમારકામમાં મદદગાર સાબિત થાય છે. ઉલ્લેખનીય છે કે, વધુ પડતા મોઇશ્ચરાઇઝિંગને બદલે, હાઇડ્રેટ કરો, જે ત્વચાના રક્ષણાત્મક અવરોધને જાળવી રાખે છે. આ ઉપરાંત, તમે જે વસ્તુનો વપરાશ કરો છો તેના આધારે સીરમની પસંદગી કરવી જોઇએ.

જાણો ત્વચાની સંભાળના અંતિમ પગથિયા વિશે

બહાર જતા પહેલા વ્યકિતએ દૈનિક સવારે તેની ત્વચાના સંભાળના ભાગ રૂપે સનસ્ક્રીનનો ઉપયોગ કરવો જોઈએ. તે ત્વચાની સંભાળનું અંતિમ પગથિયું છે. અહીં અગત્યની બાબત એ છે કે, આપણે બહાર ન જઈએ તો પણ સનસ્ક્રીન લગાવવું જોઈએ કારણ કે, તે આપણી સ્ક્રીન દ્વારા ઉત્સર્જિત UV કિરણોથી આપણને રક્ષણ આપે છે. જો તમે સતત સૂર્યના સંપર્કમાં રહેશો તો તમારે દર ત્રણ કલાકે સનસ્ક્રીન લગાવવું જોઈએ.

વ્યકિતએ ત્વચાની કેર માટે આ પગલાં અનુસરવા

જો વ્યકિત સતત પ્રદૂષણ, ધૂમ્રપાન વગેરેના સંપર્કમાં રહે છે, તો પુરુષો તેમની ચિંતાઓને દૂર કરવા માટે એન્ટી-ઓક્સિડન્ટ સીરમ અથવા પિગમેન્ટેશન સીરમનો પણ ઉપયોગ કરી શકે છે. આ સીરમની સુસંગતતાના આધારે, હાઇડ્રેશન પહેલાં અથવા પછી કરવું જોઈએ. એવી ભલામણ કરાય છે કે, સૌપ્રથમ પાતળી સુસંગતતા સાથે સીરમનો ઉપયોગ કરવામાં આવે. આ સિવાય પુરુષોએ સનસ્ક્રીન લગાવતા પહેલા નોન-સ્ટીકી, નોન-કોમેડોજેનિક મોઈશ્ચરાઈઝરનો ઉપયોગ કરવો. સાથે જ હંમેશા તમારી ત્વચા પ્રત્યે જાગૃત રહો અને તે મુજબ પ્રોડક્ટસની ખરીદી કરવી જોઇએ.