નવી દિલ્હીઃ સપ્ટેમ્બર, ઓક્ટોબર, નવેમ્બર મહિનામાં ઘણીવાર ડેન્ગ્યુ (dengue symptoms), મેલેરિયા અને ચિકનગુનિયાના કેસમાં વધારો જોવા મળે છે. આ મહિનાઓ ડેન્ગ્યુ મેલેરિયાના ટોચના મહિના છે. આ દિવસોમાં ડેન્ગ્યુ, મેલેરિયાનો ચેપ (malaria symptoms) વધવાને કારણે અનેક લોકોના મોત પણ થાય છે. એલએનજેપી LNJP હોસ્પિટલ (Delhi Lok Nayak Jai Prakash Narayan) નવી દિલ્હીના મેડિકલ ડાયરેક્ટર ડૉ.સુરેશ કુમારે જણાવ્યું કે, ડૉક્ટરની સલાહ વિના કોઈપણ દવાનો ઉપયોગ કરશો નહીં.
જો દર્દી ડેન્ગ્યુ મેલેરિયા, ચિકનગુનિયા તાવથી પીડાય છે તો દર્દીમાં પ્લેટલેટનો દર ઘટી જાય છે અને આવી સ્થિતિમાં દર્દી બ્રુફેન કે સ્પિરિન વગેરે જેવી દવાઓ લે તો તેના પ્લેટલેટ્સના દરમાં ઘટાડો થાય છે, જેના કારણે દર્દીની હાલત કફોડી બને છે અને દર્દીને દાખલ થવાનો ભય રહે છે. LNJP હોસ્પિટલના ડૉક્ટર સુરેશ કુમાર કહે છે કે, સામાન્ય તાવના કિસ્સામાં તમે પેરાસિટામોલ લઈ શકો છો અને જો પ્લેટલેટ્સ ઘટી જાય અથવા તમને બીજી કોઈ સમસ્યા હોય, તો તમારે તમારા ડૉક્ટરનો સંપર્ક કરવો જોઈએ અને ડૉક્ટરની સલાહ લીધા વિના કોઈ દવા ન લેવી જોઈએ. હાલમાં નવી દિલ્હીની લોકનાયક LNJP હોસ્પિટલમાં ડેન્ગ્યુ, મેલેરિયા અને ચિકનગુનિયાના દર્દીઓ માટે ખાસ ફીવર વોર્ડ બનાવવામાં આવ્યો છે. જેમાં ચાલીસ બેડ જોગવાઈ છે. ઘણી વખત દર્દીનું બ્લડ પ્રેશર પ્લેટલેટ્સ ઘટવાને કારણે ખૂબ જ નીચે જાય છે અને પરિસ્થિતિ ગંભીર બની જાય છે. તો આવા દર્દીઓ માટે અલગ ICUની પણ વ્યવસ્થા કરવામાં આવે છે.
--ડો.સુરેશ કુમારે જણાવ્યું હતું
મેલેરિયા નિવારણ: ડેન્ગ્યુ મેલેરિયાના કારણે 11 પુખ્ત વયના લોકો અને 2 બાળકોને દિલ્હીની એલએનજેપી હોસ્પિટલમાં દાખલ કરવામાં આવ્યા હતા. જેમાંથી 9 સ્વસ્થ થઈને ઘરે પરત ફર્યા છે. તે બધામાં હળવાથી મધ્યમ લક્ષણો હતા. આ તમામ 9 દર્દીઓ હોસ્પિટલમાંથી સાજા થઈને ઘરે પરત ફર્યા છે અને અત્યાર સુધીમાં હોસ્પિટલમાં ડેન્ગ્યુ મેલેરિયા ચિકનગુનિયાના કારણે કોઈનું મૃત્યુ થયું નથી. સુરેશ કુમારે ખાણી પીણી અંગે પણ ખાસ સૂચના આપી હતી કે, આ દિવસોમાં જ્યારે ડેન્ગ્યુ મેલેરિયા, ચિકનગુનિયા ખૂબ જ ઝડપથી ફેલાય છે, ત્યારે લોકોએ પણ ખાણીપીણીમાં ધ્યાન રાખવું અને કાળજી લેવી જોઈએ.
ડૉક્ટરની સલાહ: દરેક વ્યક્તિએ પુષ્કળ પાણી પીવું જોઈએ, સ્વચ્છતાનું પણ ખાસ ધ્યાન રાખવું જોઈએ. જેમ કે, ઘરમાં કે તેની આસપાસ ક્યાંય પણ પાણી એકઠું ન થવા દેવું. ઘરમાં કુલર સાફ રાખો. ખુલ્લા ટાયરમાં પાણીને ભેગું થવા ન દેવું. કારણ કે આ મચ્છરના બ્રીડિંગ ઝડપથી થાય છે. જેના કારણે મચ્છરનો ત્રાસ એકાએક વધે છે. મચ્છરદાની અથવા મચ્છર ભગાવે એવી અગરબત્તીનો ઉપયોગ કરવો જોઈએ. ફૂલ સ્લીવના કપડાં પહેરવા જોઈએ.
