હૈદરાબાદ: હાલના સમયે, ખાસ કરીને કોરોના ફાટી નીકળ્યા પછી, માનસિક સ્વાસ્થ્ય જાળવવાની જરૂરિયાત વિશે વૈશ્વિક સ્તરે લોકોમાં જાગૃતિ વધવા લાગી છે. પરંતુ તે જ સમયે, છેલ્લા કેટલાક વર્ષોમાં, તમામ ઉંમરના લોકોમાં માનસિક તણાવ (stress problem) અથવા રોગો જેવી માનસિક સમસ્યા (mental problem)ઓ વધવાના કેસોમાં નોંધપાત્ર વધારો થયો છે. જેને વિશ્વભરના મનોચિકિત્સકો અને વિવિધ સંશોધનોના આંકડા અને પરિણામો દ્વારા સમર્થન મળે છે. આવી સ્થિતિમાં એક પ્રયોગશાળા હવે સુખ વિશેના વ્યાપક દૃષ્ટિકોણ અને વિચારોની સમજ મેળવશે. અવધ ગર્લ્સ ડિગ્રી કૉલેજ, લખનૌની એક અગ્રણી સંસ્થાએ હેપ્પીનેસ લેબની સ્થાપના કરી (happiness lab avadh girls degree college) છે.
હેપ્પીનેસ લેબની સ્થાપનાનો હેતુ: કોલેજના NSS અધિકારી પ્રો. ઉપમા ચતુર્વેદીએ જણાવ્યું હતું કે, હેપ્પીનેસ લેબ એ વિદ્યાર્થીઓને ખુશ રહેવા અને પડકારજનક પરિસ્થિતિઓ અને તણાવપૂર્ણ ઘટનાઓનો સામનો કરવામાં મદદ કરવાનો પ્રયાસ છે. AGDC કોલેજના આચાર્ય પ્રો. બીના રાયે જણાવ્યું હતું કે, કૉલેજ પાસે 'DOST' (AGDC કૉલેજ દોસ્ત) નામની એક અનોખી પહેલ પણ છે. જે વિદ્યાર્થીઓ માટે એક બૉક્સ છે. જ્યાં તેઓ પોતાની જાતને લેખિતમાં વ્યક્ત કરી શકે છે (ડોક્ટર, કાઉન્સેલર જેવી કોઈપણ પ્રકારની મદદ).
માનસિક સમસ્યાઓનું કારણ: ડૉ. વીણા ક્રિષ્નન મનોચિકિત્સક સમજાવે છે કે, ''અભ્યાસ, નોકરી, અસ્થિર ભવિષ્ય, સંબંધ અથવા કાર્યસ્થળ પરનો તણાવ, અકસ્માત અથવા દુર્વ્યવહારની અસર અને નબળી જીવનશૈલી સહિતના ઘણા કારણો છે. જે તમામ ઉંમરના પુરુષો અને સ્ત્રીઓમાં માનસિક સમસ્યાઓનું કારણ બને છે. સૌથી ચિંતાજનક બાબત એ છે કે, માનસિક સમસ્યાઓનો સામનો કરી રહેલા લોકોમાં મોટી સંખ્યામાં બાળકો અને યુવાનો છે. યુવા પેઢી વિવિધ મુદ્દાઓ પર તણાવનો સામનો કરે છે અને આ પહેલ તેમને પરિસ્થિતિઓનો સામનો કરવામાં અને ભાવનાત્મક રીતે મજબૂત બનવામાં મદદ કરશે.''
