- વહેલી સવારથી પડી રહ્યા છે છુટા છવાયા વિસ્તારમાં વરસાદી ઝાપટા
- હવામાન વિભાગની આગાહી અનુસાર અનેક સ્થળે વરસી રહ્યો છે વરસાદ
- જિલ્લામાં બે કલાકમાં કપરાડામાં 7 એમ એમ વરસાદ નોંધાયો
વલસાડ: હવામાન વિભાગે કરેલી આગાહી અનુસાર વલસાડ જિલ્લામાં છેલ્લા ત્રણ દિવસથી છૂટા છવાયા વિસ્તારના તાલુકાઓમાં વરસાદ નોંધાયો છે એમાં પણ ધરમપુર અને કપરાડા જેને ચોમાસા દરમિયાન ગુજરાતનું ચેરાપુંજી ગણવામાં આવે છે. એ તમામ તાલુકાઓમાં વ્યાપક પ્રમાણમાં વરસાદ વરસી રહ્યો છે. આજે 26 જુલાઈના રોજ વહેલી સવારથી કપરાડા તાલુકામાં સવારે આઠથી દસ વાગ્યા દરમિયાન બે કલાકમાં 7 MM વરસાદ નોંધાયો હતો.
આ પણ વાંચો- Valsad Rain Update : કપરાડા અને ધરમપુર સહિત વિવિધ તાલુકામાં વહેલી સવારથી વરસાદ
વલસાડ જિલ્લામાં સવારના 8 વાગ્યાથી 10 વાગ્યા સુધીના વરસાદના આંકડા
| સ્થળ | વરસાદ |
| ઉમરગામ | 00 MM |
| કપરાડા | 07 MM |
| ધરમપુર | 02 MM |
| પારડી | 22 MM |
| વલસાડ | 15 MM |
| વાપી | 11 MM |
મધુબન ડેમના પાણીની આવક થતા પાંચ દરવાજા દોઢ મીટર સુધી ખોલવામાં આવ્યા
આ પણ વાંચો- વલસાડ જિલ્લામાં મોસમનો કુલ 60 ઇંચ વરસાદ નોંધાયો
વલસાડ જિલ્લામાં છેલ્લા બે દિવસથી પડી રહેલા છુટા છવાયા વરસાદ બાદ આજે 26 જુલાઈ વહેલી સવારથી ફરીથી મેઘરાજાએ બેટિંગ શરૂ કરી છે. જેને પગલે ઉપરવાસમાં પડેલા વરસાદથી પાણીની આવક મધુબન ડેમમાં થતા હાલ ડેમ લેવલ 71.60 મીટર ઉપર પોહચ્યું છે, જ્યારે પાણીની આવક 40,994 ક્યુસેક અને
જાવક 27,647 ક્યુસેક, જ્યારે ડેમના 5 દરવાજા 1.50 મીટર સુધી ખોલવામાં આવ્યા છે. આમ વલસાડ જિલ્લાના ધરમપુર અને કપરાડા વિસ્તારમાં મેઘરાજાના અનાધાર આગમનથી ખેડૂતોમાં આનંદની લાગણી પ્રવર્તી છે.
