તિથલનો દરિયા કિનારો 7 માસ બાદ સહેલાણીઓ માટે ખુલ્લો મુકાયો, પ્રથમ દિવસે લોકોના ભીડ જામી

વલસાડ જિલ્લાના જાણીતો દરિયા કિનારે કોરોનાનું સંક્રમણ ન ફેલાય તે માટે છેલ્લા 7 મહિનાથી સહેલાણીઓ માટે પ્રતિબંધ મુકવામાં આવ્યો હતો. જોકે, તિથલ બીચ ઉપર લારીઓ ચલાવી રોજગારી મેળવતા અનેક સ્થાનિકોની આર્થિક સ્થિતિ પણ લથડી હતી. જોકે, એજ વખતે તિથલ બીચ શરૂ કરવા જિલ્લા કલેકટર દ્વારા કોરોનાની ગાઈડલાઈન સાથે શરૂ કરવા માટેની પરવાનગી આપવામાં આવતા હાલ તિથલ બીચ સહેલાણીઓ માટે ગાઈડલાઈન સાથે ખુલ્લો મુકવામાં આવ્યો છે, ત્યારે પ્રથમ દિવસે અનેક પર્યટકો પોતાના પરિવાર સાથે દરિયા કિનારે જોવા મળ્યા હતા.

• તિથલનો દરિયા કિનારો 7 માસ બાદ ખૂલ્લો મુકવામાં આવ્યો
• જિલ્લા કલેકટર દ્વારા કોરોનાની ગાઈડલાઈન સાથે શરૂ કરવા માટેની પરવાનગી
• 7 માસથી રોજગારી ખોઈ બેસેલા પરિવારોના મુખે આનંદની લહેર જોવા મળી

વલસાડ: દરિયા કિનારો ચોક્કસ પણે દરેકને આકર્ષે છે. એમાં પણ મનને શાંત કરવા માટે શ્રેષ્ઠ સ્થળ હોય તો તે દરિયો છે. જેના કિનારે બેસી કોઈ પણ વ્યક્તિ સ્વસ્થતા અનુભવતો હોય છે. પરંતુ કોરોનાના કહેરમાં તિથલનો દરિયા કિનારો છેલ્લાં 7 માસ જેટલા સમય સુધી બંધ રહ્યો હતો. એટલું જ નહીં અહીં પર્યટકોને આવવાથી રોજી મેળવતા અનેક દુકાનદારને પણ 7 મહિના સુધી રોજી ગુમાવવાનો વારો આવ્યો હતો સ્થાનિક સરપંચ અને રોજગારી મેળવતા દુકાનદારો દ્વારા સમગ્ર બાબતે અનલોકડાઉનમાં કોરોનાની સંપૂર્ણ ગાઈડ લાઇનના પાલન સાથે દરિયા કિનારો ફરીથી સહેલાણીઓ માટે ખુલ્લો મુકવામાં આવ્યો છે.