પારડી ભાજપમાં ભંગાણઃ પારડી ભાજપ પ્રમુખે ઉપ પ્રમુખને લાફો મારતા ઉપ પ્રમુખે આપ્યું રાજીનામું

વલસાડ ભાજપમાં સ્થાનિક સ્વરાજની ચૂંટણી પેહલા જ ભંગાણ પડ્યું છે, પારડી ભાજપ કાર્યાલય ખાતે પારડી ભાજપ પ્રમુખ રાજેશ પટેલે ઉપ પ્રમુખ જીતેન્દ્ર ઓઝાને પેજ કમિટીની કામગીરી બાબતે ગુસ્સે થઇને બે તમાચા મારી અને ગેટઆઉટ કરી દીધા હોવાનો ઉલ્લેખ ઉપ પ્રમુખ જીતેન્દ્ર ઓઝાએ કર્યો હતો અને આ ઘટના બાદ ઉપ પ્રમુખે પોતાના પદ પરથી રાજીનામુ આપી દેતા ખળભળાટ મચી ગયો છે.

• પારડી ભાજપ પ્રમુખે ઉપ પ્રમુખને તમાચો મારી દેતા ઉપ પ્રમુખે રાજીનામુ ધરી દીધું
• પેજ પ્રમુખની કામગીરીને લઇ પારડી કાર્યાલય પર થઇ બંને વચ્ચે શાબ્દિક ટપાટપી
• ગુસ્સે ભરાયેલા પ્રમુખે પોતાની મર્યાદા ન જાળવી ઉપ પ્રમુખને તમાચા માર્યા અને ગેટઆઉટ કરી દીધા

વલસાડઃ આગામી દિવસમાં તાલુકા અને જિલ્લા પંચાયતની ચૂંટણી વલસાડ જિલ્લામાં આવી રહી છે, ત્યારે વલસાડ જિલ્લા ભાજપ સંઘઠનમાં બનેલી પારડીની ઘટનાએ ચકચાર મચાવી છે, પેજ પ્રમુખની કામગીરી કરવા બાબતે પારડી તાલુકા ભાજપ પ્રમુખે ઉપ પ્રમુખને ભાજપ કાર્યાલયમાં જ બે તમાચા મારી દેતા ખળભળાટ મચી ગયો છે. જો કે આ બાબતે ઉપ પ્રમુખે જિલ્લા ભાજપ પ્રમુખને પત્ર લખી પોતાના પદ પરથી રાજીનામુ આપી સમગ્ર ઘટના અંગે જાણ કરી છે, જો કે આ સમગ્ર બાબતે ભાજપ પ્રમુખ અજાણ હોવાનું જણાવ્યું હતું, જયારે ઘટના બન્યા બાદ તેઓ પણ પારડી કાર્યાલય ખાતે પહોચી ગયા હોવાનું જાણવા મળી રહ્યું છે.

પારડી ભાજપ પ્રમુખે અન્ય ઉપર કામગીરીનું પ્રેસર વધારતા ઘટના બની

સામાન્ય રીતે ભાજપ દ્વારા હાલ સ્થાનિક સ્વરાજ ની આવી રહેલી ચૂંટણીમાં પેજ લેવલ સુધી ની કામગીરી કરવા માટે પેજ કમિટી બનાવવાનની કામગીરી કરવામાં આવી રહી છે જે બાબતે પારડી ભાજપ પ્રમુખે ઉપ પ્રમુખ તેમજ અન્ય કાર્યકરો ઉપર પ્રેસર વધારતા પ્રથમ બોલાચાલી થઇ અને ત્યાર બાદ પારડી ભાજપ પ્રમુખે ઉપ પ્રમુખને બે લાફા મારી દેતા સમગ્ર ઘટના હાલ ખુબ ચર્ચાનો વિષય બની છે.

ઉપ પ્રમુખે ઘટના બન્યા બાદ લેખિતમાં આપ્યું રાજીનામું

પારડી ભાજપ પ્રમુખ રાજેશ પટેલે કાર્યાલયમાં બોલાવી ઉપ પ્રમુખ જીતુભાઇ ઓઝાને પેજ કમિટીની કામગીરી કેમ નથી કરી કહી બોલાચાલી થયા બાદ રાજેશ પટેલે જીતુ ઓઝાને તમાચા મારી દીધા હતા, જે બાદ જીતુ ઓઝાએ જિલ્લા ભાજપ પ્રમુખ હેમંત કંસારાને લેખિતમાં પોતાનું રાજીનામુ ધરી દીધું છે.

પારડી ભાજપમાં ભંગાણઃ પારડી ભાજપ પ્રમુખે ઉપ પ્રમુખને લાફો મારતા ઉપ પ્રમુખે આપ્યું રાજીનામું

રાજીનામું આપવા પાછળનું કારણ

ઉપ પ્રમુખે આપેલા રાજીનામાં ઉલ્લેખ કરવામાં આવ્યો છે કે તેમના માસીના દીકરાને મુંબઈ દાખલ કરવામાં આવ્યા હતા, જે અંગે પારડી પ્રમુખને જાણકારી આપવામાં આવી છતા તેમને સવારે ફોન કરી ફોન ઉપર ગમે તેમ બોલીને કામગીરી બાકી છે, તેનું જણાવતા ઉપ પ્રમુખ જીતુભાઇ ઓઝા ફોટો આપવા કાર્યાલય પર ગયેલા અને ત્યારે તેમને પ્રમુખ રાજેશ પટેલે અપમાનજનક શબ્દો બોલ્યા અને તે બાદ બે તમાચા મારી દીધેલા અને જે થાય તે કરી લેજે કહી કાર્યાલયમાંથી બહાર કાઢી મુકેલા હતા, જ્યારે એમ પણ કહેલું કે મારું વર્તન આવું જ રહેશે જે તોડવું હોય તે તોડી લેજોનો રાજીનામા સ્પષ્ટ ઉલ્લેખ કરવામાં આવ્યો છે.

પારડી ભાજપ સંઘઠનમાં બેનેલી તમાચા પ્રકરણની ઘટનાએ સમગ્ર ભાજપ સંઘઠનમાં ભારે ચકચાર જોવા મળ્યો છે, જો કે આ ઘટના બન્યા બાદ જિલ્લા પ્રમુખ અને અન્ય પણ પારડી ધસી ગયા હતા અને બેઠક કરી હોવાનું ચર્ચાઈ રહ્યું છે. પરંતુ આખરે ઉપ પ્રમુખે તેમના પદ પરથી રાજીનામું ધરી દેતા ભાજપ સંઘઠનમાં આપસી ખેચતાણ હોવાનું ચર્ચાઇ રહ્યું છે.